ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⴱⵏⵉ ⵏ ⵢⵉⴱⵔⵉⴷⴻⵏ: 85 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴳⴰⵔ 2015-2016

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵜⵜⵡⴰⵃⴰⵣ-ⴷ ⵜⵊⴻⵍⵍⴰⴱⵜ ⵏ 85 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵉ ⵢⵉⵙⴻⵏⴼⴰⵔⴻⵏ (ⵎⴰⵛⴰⵔⵉⵄ) ⵏ ⵍⴻⴱⵏⵉ ⵏ ⵢⵉⴱⵔⵉⴷⴻⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵉ ⵜⴰⵍⵍⵉⵜ ⵏ 2015-2016, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ) ⵏ ⵜⵡⵉⵍⴰⵢⵜ-ⴰ, ⵎⵧⵀⴰⵎⴻⴷ ⴰⴱⴷⴻⵏⵏⵧⵓⵔ ⵔⴰⴱⵀⵉ.

ⵉⴷⵔⵉⵎⴻⵏ-ⴰ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵓⴼⴰⴽⵉ ⵏ ⵡⴰⵀⵉⵍ ⵏ ⵓⵥⴻⴹⴹⴰ ⴰⵙⴻⵎⵚⴰⴽ (ⵎⵓⵀⴰⵢⴽⵉⵍ) ⵏ ⵢⵉⴱⵔⵉⴷⴻⵏ ⵉⵎⴻⵇⵔⴰⵏⴻⵏ ⴰⴷ ⵉⵣⴻⴳⵔⴻⵏ ⴰⴽⴰⵍ ⵏ ⵜⵎⴰⵏⴻⵖⵜ.

ⴰⵀⵉⵍ-ⴰ ⵏ ⵍⴻⴱⵏⵉ ⵏ ⵢⵉⴱⵔⵉⴷⴻⵏ ⵏ ⵜⵎⴰⵏⴻⵖⵜ ⵢⴻⵔⵣⴰ ⵜⵉⵏ ⵏ ⵢⵉⵃⵔⵉⵛⴻⵏ ⵉⵎⴻⵇⵔⴰⵏⴻⵏ: ⵍⴻⴱⵏⵉ ⵏ ⵜⴷⵓⵎⵚⵉⵡⵉⴽⵉⵏ (ⴱⵓⵏⴰ ⵜⴰⵃⵜⵉⵢⵢⴰ) ⵏ ⵍⵍⵙⴰⵙ ⵉ ⵓⵙⵙⴻⵎⵖⴻⵔ ⵏ ⵜⴻⵣⵎⴻⵔⵜ ⵏ ⵓⵥⴻⴹⴹⴰ ⵏ ⵢⵉⴱⵔⵉⴷⴻⵏ, ⴷ ⵓⵚⴻⴳⴳⴻⵎ ⵏ ⵜⴷⵓⵎⵚⵓⴽⵉⵡⵉⵏ ⵢⴻⵜⵜⵡⴰⴱⵏⴰⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⴰⵎⴻⵣⵡⴰⵔⵓ, ⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⵎⴰⵏⴻⵖⵜ ⴷⴷⴰⵏ « ⵎⵍⵉⵃ » ⵖⴻⵔ ⵙⴷⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ.

ⴳⴰⵔ ⵢⵉⵙⴻⵏⴼⴰⵔⴻⵏ-ⴰ, ⵢⴻⵍⵍⴰ ⵡⵉⵏ ⵏ ⵓⵙⵙⵉⵙⵍⴻⴳ ⵏ ⵢⵉⴱⵔⵉⴷⴻⵏ ⵏ ⵜⵡⵉⵍⴰⵢⵜ ⵏ ⵜⴰⵎⴰ ⵜⴰⴳⵎⵓⴹⴰⵏⵜ (ⵛⴰⵔⵇⵉⵢⵢⴰ) ⴰⵢⴷⴻⴳ ⵢⴻⵍⵍⴰ ⵓⴱⵔⵉⴷ ⴰⵎⴰⴷⴰⴼ ⴰⴳⴰⴼⴰ-ⴰⵏⵥⵓⵍ ⴰⵢ ⵢⴻⵜⵜⴰⵡⵉⵏ ⵖⴻⵔ ⵢⵉⵔⵉ ⵏ ⵢⵉⵍⴻⵍ ⴰⴳⵎⵓⴹⴰⵏ ⵏ ⵜⵎⴰⵏⴻⵖⵜ, ⴳⴰⵔ-ⴰⵙⴻⵏ 3 ⵏ ⵢⵉⴱⵔⵉⴷⴻⵏ ⵏ ⵜⵡⵉⵍⴰⵢⵜ ⴰⵢ ⵉⵄⴻⴷⴷⴰⵏ ⵖⴻⴼ ⵜⵖⵉⵡⴰⵏⵉⵏ ⵏ ⴱⵓⵕⴵ ⵍⴽⵉⴼⴰⵏ, ⵍⵃⴰⵎⵉⵣ, ⵀⵔⴰⵡⴰ, ⵄⵉⵏ ⵟⴰⵢⴰ ⴷ ⵅⵎⵉⵙ ⵍⵅⴻⵛⵏⴰ (25 ⵏ ⵢⵉⴽⵉⵍⵓⵎⵉⵜⵔⴻⵏ ⵙ ⵓⵊⴻⵎⵎⴰⵍ), ⴷ ⵓⴱⵔⵉⴷ ⴰⵎⴰⴷⴰⴼ ⵏ ⵓⵏⴰⴼⴰⴳ (ⵎⴰⵟⴰⵔ) ⴰⵢ ⵢⴻⵇⵇⵏⴻⵏ ⴰⴱⵔⵉⴷ ⴰⵎⴰⵣⵣⴰⵍ ⴰⵎⴻⵣⵡⴰⵔⵓ ⵏ ⵓⵏⵥⵓⵍ ⵖⴻⵔ ⵓⴱⵔⵉⴷ ⴰⵎⴰⵣⵣⴰⵍ ⵡⵉⵙ ⵙⵉⵏ ⵏ ⵓⵏⵥⵓⵍ, ⵢⴻⵔⵏⴰ ⵉⵄⴻⴷⴷⴰ ⵖⴻⴼ ⵜⵖⵉⵡⴰⵏⵜ ⵏ ⴽⴰⵍⵉⵜⵓⵙ (ⵖⴻⵣⵣⵉⴼ 9 ⵏ ⵢⵉⴽⵉⵍⵓⵎⵉⵜⵔⴻⵏ). ⴰⵙⴻⵏⴼⴰⵔ-ⴰ ⴰⴷ ⴷ-ⵢⴻⵙⵇⴰⵎ 3,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.

ⴰⵙⴻⵏⴼⴰⵔ ⵏⵉⴹⴻⵏ ⵢⴻⴱⴷⴰ-ⴷ ⴷⴻⴼⴼⵉⵔ ⵜⵓⴽⵛⵉ ⵏ ⵜⵏⴻⵣⴷⵓⵖⵜ ⵉ ⵢⵉⵎⴻⵣⴷⴰⵖⴻⵏ ⵏ ⵢⵉⴱⴻⵕⵕⴰⴽⴻⵏ ⵏ ⵕⵕⴻⵎⵍⵉ, ⵢⴻⵔⵏⴰ ⵡⴰ ⵢⴻⵔⵣⴰ ⴰⴼⴰⴽⵉ ⵏ ⵓⴱⵔⵉⴷ ⵏ ⵡⴰⴷ ⵓⵛⴰⵢⴻⵃ ⵙ ⵍⴻⴱⵏⵉ ⵏ ⵢⵉⵡⴻⵜ ⵏ ⵜⵍⴻⴳⴳⵉⵜ (ⴵⵉⵙⵔ) ⴷ ⵜⵓⵇⵇⵏⴰ ⵏ ⵓⴱⵔⵉⴷ-ⴰ ⵖⴻⵔ ⵢⵉⴱⵔⵉⴷⴻⵏ ⵉⵎⴻⵇⵔⴰⵏⴻⵏ ⵏⵉⴹⴻⵏ. ⴰⵙⴻⵏⴼⴰⵔ-ⴰ ⴰⴷ ⴷ-ⵢⴻⵙⵇⴰⵎ 6 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵢⴻⵔⵏⴰ ⵖⴻⵣⵣⵉⴼ 4,5 ⵏ ⵢⵉⴽⵉⵍⵓⵎⵉⵜⵔⴻⵏ.

« ⴰⵙⴻⵏⴼⴰⵔ-ⴰ ⴰⴷ ⴷ-ⵢⵉⵍⵉ ⴷ ⵜⵉⴼⵔⴰⵜ ⵏ ⵜⵉⴷⴻⵜ ⵉ ⵓⵙⵏⴻⴼⵙⵓⵙⵉ ⵏ ⵜⵉⴷⴷⵉⵜ ⴷⴻⴳ ⵜⵍⴻⵎⵎⴰⵙⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (ⴰⵙⴰⴳⴻⵏ [ⵎⵉⵏⴰ’] ⵏ ⵍⴻⵣⵣⴰⵢⴻⵔ) ⴷ ⵓⵙⴰⴽⴰ ⵏ ⵇⵙⴻⵏⵟⵉⵏⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵔⴰⴱⵀⵉ.

ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵜⴻⵙⴼⴰⵢⴷⵉ-ⴷ ⴷⴰⵖ ⵙⴻⴳ ⵓⵙⴻⵏⴼⴰⵔ ⵏ ⵓⴼⴰⴽⵉ ⵏ ⵓⴱⵔⵉⴷ ⴰⵎⴰⴷⴰⴼ ⵏ ⵍⴻⵄⵏⴰⵚⴻⵔ ⴰⴷ ⵢⵉⵍⵉⵏ ⴷ ⴰⵃⵔⵉⵛ ⵏⵉⴹⴻⵏ ⵉ ⵓⵙⵙⴻⵔⵔⴻⵃ ⵏ ⵜⵉⴷⴷⵉⵜ ⴷⴻⴳ ⵜⵍⴻⵎⵎⴰⵙⵜ ⵏ ⵜⵎⴰⵏⴻⵖⵜ ⴳⴰⵔ ⵜⵇⵓⴱⴱⴻⵜ ⴷ ⴱⵉⵔⵅⴰⴷⴻⵎ, ⵢⴻⵍⵍⴰⵏ ⴷ ⵉⵎⵓⴽⴰⵏ ⴰⵢⴷⴻⴳ ⵜⴻⵔⵏⴰ ⵜⴰⵥⴻⵢⵜ ⵏ ⵜⵉⴷⴷⵉⵜ ⵏ ⵜⴽⴻⵕⵕⵓⵙⵉⵏ ⵖⴻⴼ ⵍⴵⴰⵍ ⵜⵓⴳⴳⵜⴰ ⵏ ⵍⴱⴻⵏⵢⴰⵏ.

ⴰⴱⵔⵉⴷ-ⴰ ⴰⴷ ⵢⴻⵇⵇⴻⵏ ⴷⴰⵖ ⴰⴱⵔⵉⴷ ⴰⵎⴰⵣⵣⴰⵍ ⵏ ⵓⵏⵥⵓⵍ, ⴷⴻⴳ ⵄⵉⵏ ⵏⵏⴻⵄⴵⴰ, ⵖⴻⵔ ⵓⴱⵔⵉⴷ ⴰⵖⴻⵍⵏⴰⵡ ⴰⵎⴻⵣⵡⴰⵔⵓ, ⴷⴻⴳ ⵓⵏⵥⵓⵍ (ⴵⴰⵏⵓⴱ) ⵏ ⴱⵉⵔⵅⴰⴷⴻⵎ.