ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴹⵍⴻⵎ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⵖⴻⴼ ⵓⵇⴱⴰⵔ ⵏ ⵛⵛⵖⴻⵍ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ
ⵡⴰⵙⵀⵉⵏⴳⵜⵧⵏ – ⵜⴻⵏⵏⴰ-ⴷ ⵜⵙⴻⵍⵡⴰⵢⵜ ⵏ ⵓⵙ-ⵡⴻⵙⵜⴻⵔⵏ ⵙⴰⵀⴰⵔⴰ ⴼⵧⵓⵏⴷⴰⵜⵉⵧⵏ, ⵙⵓⵣⵣⴰⵏⴻ ⵙⵛⵀⵧⵍⵜⴻ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵡⴰⵙⵀⵉⵏⴳⵜⵧⵏ ⴷⴰⴽⴽⴻⵏ, ⴰ ⵡⵉⵏ ⵢⵓⴼⴰⵏ, ⴷ ⴰⴳⴻⵍⵍⵉⴷ ⵏ ⵎⴻⵕⵕⵓⴽ ⴰⴷ ⵢⴻⵜⵜⵡⴰⵙⴹⴻⵍⵎⴻⵏ ⵖⴻⴼ ⵓⵇⴱⴰⵔ ⵏ ⵓⴽⴰⵍⴰ (ⵎⴰⵙⴰⵔ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⵏ ⵓⵏⴻⵥⵔⵓⴼ ⵓⵜⵔⵉⵎ.
« ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⴽⴻⵎⵎⴻⵍ ⵏ ⵓⵃⵔⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ, ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵏⴻⵊⴱⴻⴷ ⵍⵡⴻⵍⵀⴰ ⵖⴻⴼ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⵢⴻⵔⵏⴰ ⴰⴷ ⵜ-ⵏⴻⵙⵙⴻⴹⵍⴻⵎ ⵖⴻⴼ ⵓⵇⴱⴰⵔ ⵏ ⵜⵉⴼⵔⴰⵜ ⵏ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵙ ⵓⴱⵔⵉⴷ ⵏ ⵜⴰⵍⵡⵉⵜ, ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵙⵛⵀⵧⵍⵜⴻ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵜⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
ⵏⵏⵉⴳ ⵡⴰⵢⴰ, ⵜⴻⵏⵏⴰ-ⴷ ⵎⴰⵙⵙⴰ ⵙⵛⵀⵧⵍⵜⴻ ⴷⴰⴽⴽⴻⵏ « ⵍⵍⴰⵏ ⵙⵉⵏ ⴽⴰⵏ ⵏ ⵢⵉⴱⵔⵉⴷⴻⵏ ⵉ ⴼⴻⵔⵔⵓ ⵏ ⵡⵓⴳⵓⵔ-ⴰ: ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⵏⴻⵖ ⵜⵉⵖⵔⵉ ⴰⴽⴽⴻⵏ ⴰⴷ ⵜⴻⵊⴱⴻⴷ ⵎⴻⵕⵕⵓⴽ ⵉⵎⴰⵏ-ⵏⵏⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ ».
ⵢⵓⵖ ⵍⵃⴰⵍ, ⵙⴻⴳ ⵎⴻⵍⵎⵉ ⴽⴰⵏ ⴰⵢ ⵜⴻⵙⵙⵓⴷⴷⴻⵙ (ⵏⴰⴹⴹⴰⵎⴰⵜ) ⵎⴰⵙⵙⴰ ⵙⵛⵀⵧⵍⵜⴻ ⵢⵉⵡⴻⵜ ⵏ ⵜⴻⵔⵣⵉ ⵙ ⵡⴰⵣⴰⵍ-ⵏⵏⴻⵙ ⵏ ⵢⵉⵏⴻⵚⵚⴰⵃⴻⵏ ⵏ ⵢⵉⵎⴰⵙⵍⴰⴹⴻⵏ ⵏ ⵓⵛⵧⵏⴳⵔⴻⵙⵙ ⵖⴻⴼ ⵢⵉⴳⵔⵓⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ.
ⵜⴰⵎⴻⵖⵏⴰⵙⵜ-ⴰ ⵜⴰⵎⴰⵔⵉⴽⴰⵏⵉⵜ ⴷ ⵜⴰⵙⴻⵍⵡⴰⵢⵜ ⵏ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ (ⵖⴰⵢⵔ ⵃⵓⴽⵓⵎⵉⵢⵢⴰ) ⵏ ⴷⴻⴼⴻⵏⵙⴻ ⴼⵧⵔⵓⵎ ⴼⵧⵓⵏⴷⴰⵜⵉⵧⵏ, ⵢⴻⵔⵏⴰ ⵜⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⵜⴻⵜⵜⵓⵏⴻⴼⴽ ⵢⵉⵡⴻⵜ ⵏ ⵜⵙⴻⴽⴱⴰⴱⵜ ⵉ ⵜⵎⴰⵀⴻⵍⵜ ⵏ ⵎⴻⵕⵕⵓⴽ ⴷⴻⴳ ⵡⴰⵙⵀⵉⵏⴳⵜⵧⵏ ⴰⵢⴷⴻⴳ ⵜⵓⴷⴷⵙⴰ-ⴰ ⵜⴳⴻⵔ-ⴷ ⵜⵉⵖⵔⵉ ⵉ ⵓⴳⴻⵍⵍⵉⴷ ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⵢⴻⵃⴱⴻⵙ ⴰⵔⴳⴰⵍ-ⴰ ⴰⵢ ⵢⴻⵔⴳⴻⵍ ⴰⴱⵔⵉⴷ ⵉ ⵜⵙⴻⵏⴼⵔⴰⵏⵜ ⵖⴻⴼ ⵓⴳⴳⵓⵛⵛⴻⵍⵎⴰⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵜⴰⵙⴻⵍⵡⴰⵢⵜ ⵏ ⵜⵓⴷⴷⵙⴰ-ⴰ ⵜⴰⵔⵏⴰⴱⴰⴹⵜ ⵜⴰⵎⴰⵔⵉⴽⴰⵏⵉⵜ ⵜⴻⵜⵜⵡⴰⵙⵙⴻⵏ ⵙ ⵓⴱⴷⴰⴷ-ⵏⵏⴻⵙ, ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ, ⵢⴻⵔⵏⴰ ⵜⴻⵏⵏⴰ-ⴷ ⴷⴰⴽⴽⴻⵏ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵙⵙⴻⴼⴽ ⴰⴷ ⵃⴻⵕⵙⴻⵏ ⵓⴳⴰⵔ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⵇⴰⴷⴻⵔ ⵜⵉⵏⴻⵖⵜⵓⵙⵉⵏ-ⵏⵙⴻⵏ (ⵇⴰⵔⴰⵔⴰⵜ).
« ⵙⴻⴳ ⵎⴻⵍⵎⵉ ⴽⴰⵏ ⴰⵢ ⵏⵓⵣⴻⵏ ⵜⵉⵖⵔⵉ ⵉ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵢⴻⵔⵏⴰ ⵏⴻⵙⵙⵓⵜⴻⵔ-ⴰⵙ ⴰⴷ ⵢⴻⵃⵕⴻⵙ ⵎⴻⵕⵕⵓⴽ ⴰⴽⴽⴻⵏ ⴰⴷ ⴷ-ⵜⵙⴻⵔⵔⴻⵃ ⵉ ⵢⵉⵎⴻⵃⴱⴰⵙ ⵉⵙⴻⵔⵜⴰⵏⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵔⵏⴰ ⴰⴷ ⵢⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ » ⵉ ⵓⴳⴳⵓⵛⵛⴻⵍⵎⴰⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵎⴰⵙⵙⴰ ⵙⵛⵀⵧⵍⵜⴻ ⵜⴻⵔⴼⴰ ⵉⵎⵉ ⵎⵉⵏⵓⵔⵙⵧ (ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ) ⴷ ⵏⴻⵜⵜⴰⵜ ⴰⵢ ⴷ ⵜⵓⵖⴷⴰⴹⵜ ⵏ ⵜⵄⴻⵙⵙⴰⵙⵜ ⵏ ⵜⴰⵍⵡⵉⵜ ⵜⴰⵡⵃⵉⴷⵜ ⵓⵔ ⵢⴻⵙⵄⵉⵏ ⴰⵔⴰ ⵉⵣⴻⵔⴼⴰⵏ ⴰⴽⴽⴻⵏ ⴰⴷ ⵜⵄⴰⵙⵙ ⴰⵇⴰⴷⴻⵔ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ. « ⴰⵢⴰ ⴷ ⵍⵄⴰⵕ ⵎⵉ ⴰⴷ ⵏⵡⴰⵍⵉ ⵖⴻⵔ ⵢⵉⵙⵡⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
