ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵜⵜⵡⴻⵜ ⵢⵉⵡⴻⵜ ⵏ ⵜⴳⴻⵣⵣⴰⵔⵜ ⵜⵉⵏⴻⵙⵍⴻⵎⵜ ⵙ ⵔⵔⵚⴰⵚ ⴷⴻⴳ ⵛⵧⵔⵙⵉⵛⴰ

ⵒⴰⵔⵉⵙ – ⵜⴻⵜⵜⵡⴻⵜ ⵢⵉⵡⴻⵜ ⵏ ⵜⴳⴻⵣⵣⴰⵔⵜ ⵜⵉⵏⴻⵙⵍⴻⵎⵜ ⵙ ⵔⵔⵚⴰⵚ ⴷⴻⴳ ⵢⵉⴹ ⵏ ⵜⵜⵍⴰⵜⴰ ⴷ ⵍⴰⵕⴻⴱⵄⴰ ⴷⴻⴳ ⵒⵔⵧⵒⵔⵉⴰⵏⵧ (ⵛⵧⵔⵙⵉⵛⴰ ⵏ ⵓⵏⵥⵓⵍ), ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴼⵕⴻⵏⵙⵉⵙ, ⵎⴰⵏⵓⴻⵍ ⵠⴰⵍⵍⵙ, ⴷⴰⴽⴽⴻⵏ ⵛⵛⵖⴻⵍ-ⴰ ⵓⵔ ⵢⴻⵜⵜⵡⴰⵇⴱⴰⵍ.

ⵓⴷⴻⵎ ⵏ ⵜⴳⴻⵣⵣⴰⵔⵜ-ⵏⵏⵉ ⵏ ⵓⴽⵙⵓⵎ ⵏ ⵍⴻⵃⵍⴰⵍ, ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ, ⵢⴻⵜⵜⵡⴻⵜ ⵙ ⵔⵔⵚⴰⵚ ⵏ ⵍⴻⵙⵍⴰⵃ ⴰⵎⴰⵥⴰⵢ, ⵎⴰⵛⴰ ⵓⵔ ⵢⴻⵜⵜⵡⴰⵖ ⵓⵍⴰ ⴷ ⵢⵉⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴰⵕⴻⴱⵄⴰ ⵢⵉⵎⵡⴻⴽⴽⴻⵍ ⵏ ⵜⴻⴳⴷⵓⴷⴰ ⵏ ⴰⵊⴰⵛⵛⵉⵧ, ⴻⵔⵉⵛ ⴱⵧⵓⵉⵍⵍⴰⵔⴷ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵍⴻⵙⵍⴰⵃ-ⴰ ⵢⴻⵣⵎⴻⵔ ⴰⴷ ⵢⵉⵍⵉ ⴷ ⴰⴱⴻⵛⴽⵉⴹ ⵏ ⵓⵏⵟⴰⴳ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵓⵔ ⴷ-ⵢⴻⵍⵍⵉ ⴰⵔⴰ ⵡⴰⵟⴰⵙ ⵏ ⵓⵅⴻⵚⵚⴰⵔ ⴷⴻⴳ ⵜⴳⴻⵣⵣⴰⵔⵜ-ⵏⵏⵉ, ⵢⴻⵔⵏⴰ « ⵏⵏⴰⵏ-ⴷ ⵢⵉⵏⴰⴳⴰⵏ ⴷⴰⴽⴽⴻⵏ ⵔⵏⴰⵏ ⵙⵍⴰⵏ ⵙⵉⵏ ⵏ ⵢⵉⵕⴰⴼⴰⵍⴻⵏ ⵏⵉⴹⴻⵏ ⵏ ⵔⵔⵚⴰⵚ ⵛⵡⵉⵟ ⴷⴻⴼⴼⵉⵔ ⵙ2:00 ⵏ ⵜⵚⴻⴱⵃⵉⵜ ». Ɣⴻⴼ ⵍⴻⵃⵙⴰⴱ-ⵏⵏⴻⵙ, ⵡⴻⵔⵄⴰⴷ ⵓⵔ ⴷ-ⵉⴱⴰⵏ ⴰⵔⴰ ⴰⵏⵡⴰ ⴰⵢ ⵉⴳⴰⵏ ⴰⵢⴰ, ⵜⴰⵙⵡⵉⵄⵜ-ⴰ.

ⵜⴰⴳⴻⵣⵣⴰⵔⵜ-ⴰ ⵇⴻⵔⵔⵙⴻⵏ ⵢⴰⴳⵉ ⴼⴻⵍⵍ-ⴰⵙ, ⴷⴻⴳ ⵢⵓⵏⵢⵓ ⵏ 2013, ⵛⵡⵉⵟ ⴽⴰⵏ ⴷⴻⴼⴼⵉⵔ ⵎⴰ ⵜⴻⵔⵥⴻⵎ.

ⴷⴻⴳ ⴷⵓⵊⴻⵎⴱⴻⵕ ⵢⴻⵣⵔⵉⵏ, ⴷⴻⴼⴼⵉⵔ ⵎⵉ ⵎⵎⵖⴻⵏ ⴽⵔⴰ ⵏ ⵎⴻⴷⴷⴻⵏ ⵓⵔ ⵢⴻⵜⵜⵡⴰⵄⴻⵇⵍⴻⵏ ⴰⵔⴰ ⵖⴻⴼ ⵢⵉⵙⴻⵖⵙⴰⵢⴻⵏ (ⵔⵉⴵⴰⵍ ⴰⵍ-ⵉⵟⴼⴰ’) ⴷⴻⴳ ⵢⵉⵡⴻⵏ ⵏ ⵓⴳⵎⴰⵎ ⴰⵢⴷⴻⴳ ⴷ-ⵢⴻⵜⵜⵉⵍⵉ ⵛⵛⵡⴰⵍ ⴷⴻⴳ ⴰⵊⴰⵛⵛⵉⵧ, ⵓⴳⴰⵔ ⵏ 300 ⵏ ⵢⵉⵎⴻⵙⴱⴰⵏⵉⵢⴻⵏ ⴰⵢ ⴷ-ⵉⵥⴻⴷⵎⴻⵏ ⵖⴻⴼ ⵢⵉⵡⴻⵜ ⵏ ⵜⵎⴻⵙⴳⵉⴷⴰ, ⵙⵅⴻⵚⵔⴻⵏ-ⵜⵜ ⵢⴻⵔⵏⴰ ⵙⵙⴻⵔⵖⴻⵏ ⵍⴻⵇⵔⴰⵏ.

ⴷⴻⴼⴼⵉⵔ ⵜⵓⵎⵎⵖⴰ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴳⴻⵣⵣⴰⵔⵜ-ⴰ, ⵉⵡⴻⵜ-ⴷ ⵍⵎⵉⵔ ⵏ ⵒⵔⵧⵒⵔⵉⴰⵏⵧ, ⵒⴰⵓⵍ-ⵎⴰⵔⵉⴻ ⴱⴰⵔⵜⵧⵍⵉ, ⴷⴻⴳ « ⵜⴻⵎⵙⵉⵔⵉⵜ-ⴰ (ⵄⵓⵏⵚⵓⵔⵉⵢⵢⴰ) ⵜⵓⵃⵇⵉⵔⵜ ⴷ ⵜⵓⵣⵍⵉⴳⵜ ». ⵎⴰ ⴷ ⴰⵏⴻⵖⵍⴰⴼ ⴰⵎⴻⵏⵣⵓ, ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⴷⴰⴽⴽⴻⵏ ⵛⵛⵖⴻⵍ ⴰⵎ ⵡⴰ ⵢⵓⴽⵍⴰⵍ ⴰⵙⵙⵉⵥⴻⵔ ⵙⴻⴳ ⵡⴰⴽⴽ ⵉⴷⵉⵙⴰⵏ.