ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵙⵎ ⵍⵃⴻⵕⵕⴰⵛ ⴷ ⵔⵛ ⵍⴰⵕⴻⴱⵄⴰ ⵙⵄⴰⵏⵜ ⵉⵎⴰⵔⵉⵔⴻⵏ ⵎⴻⵥⵥⵉⵢⴻⵏ ⴰⴽⴽ ⴷⴻⴳ ⵜⴻⵎⵖⵓⵏⵜ 1ⵓⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵓⵙⵎ ⵍⵃⴻⵕⵕⴰⵛ ⴷ ⵔⵛ ⵍⴰⵕⴻⴱⵄⴰ ⴷ ⵏⵉⵜⴻⵏⵜⵉ ⴰⵢ ⴷ ⵜⵉⵖⵍⴰⵎⵉⵏ ⴰⵢ ⵢⴻⵙⵄⴰⵏ ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵜⴰⵎⴻⵥⵢⴰⵏⵜ ⴰⴽⴽ ⵏ ⵢⵉⵎⴰⵔⵉⵔⴻⵏ ⵏ ⵜⴻⵎⵖⵓⵏⵜ 1ⵓⵜ ⵏ ⵜⵛⵉⵔⵜ ⵏ ⵓⴹⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵎⵖⵓⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵙⴰⴷⵓⵔⴰⵏⵜ (ⵉⵃⵜⵉⵔⴰⴼⵉⵢⵢⴰ) ⴷⴻⴳ ⵓⴳⵔⴰⵡ-ⵏⵏⴻⵙ ⴰⵎⴰⵜⵓ ⴰⵏⵓⵎⴰⵏ, ⴰⵙⵙ ⵏ ⵍⵃⴻⴷⴷ ⴷⴻⴳ ⵙⵉⴷⵉ ⵎⵓⵙⴰ (ⵍⴻⵣⵣⴰⵢⴻⵔ), ⵢⴻⵔⵏⴰ ⵉⵎⴰⵔⵉⵔⴻⵏ ⵏ ⵙⵏⴰⵜ-ⴰ ⵏ ⵜⴻⵖⵍⴰⵎⵉⵏ ⵙⵄⴰⵏ ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵏ 23,6 ⵏ ⵢⵉⵙⴻⴳⴳⴰⵙⴻⵏ.

ⵎⴰ ⴷ ⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ ⵏ ⵛⵙ ⵇⵙⴻⵏⵟⵉⵏⴰ ⵙⵄⴰⵏ ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵏ 29 ⵏ ⵢⵉⵙⴻⴳⴳⴰⵙⴻⵏ. ⴷ ⵏⴻⵜⵜⴰⵜ ⴰⵢ ⴷ ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵜⴰⵎⴻⵇⵔⴰⵏⵜ ⴰⴽⴽ ⴷⴻⴳ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵜ 1ⵓⵜ, ⵢⴻⵔⵏⵓ ⵜⴻⵏⵏⴰ-ⴷ ⵜⴻⵎⵖⵓⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵙⴰⴷⵓⵔⴰⵏⵜ ⴷⴰⴽⴽⴻⵏ ⵜⴰⵖⵍⴰⵎⵜ-ⴰ ⵢⴻⵙⵙⴻⴼⴽ ⴰⴷ ⵜⴻⴳ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⴷ-ⵜⴰⵡⵉ ⵉⵍⴻⵎⵥⵉⵢⴻⵏ ⴰⴷ ⵓⵔⴰⵔⴻⵏ ⴷⴻⴳ-ⵙ.

ⴷⴻⴳ ⵜⴻⵎⵖⵓⵏⵜ ⵜⵉⵙ 2, ⴷ ⵓⵙ ⵉⵛⴰⵡⵉⵢⴻⵏ ⴰⵢ ⵢⴻⵙⵄⴰⵏ ⵜⴰⵖⵍⴰⵎⵜ ⵜⵉⵍⴻⵎⵥⵉⵜ ⴰⴽⴽ ⵙ ⵜⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵏ 23 ⵏ ⵢⵉⵙⴻⴳⴳⴰⵙⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵙ ⵍⴻⵅⵔⵓⴱ ⴷ ⴰⵎⴻⵍ ⴱⵓⵙⵄⴰⴷⴰ ⵙⵄⴰⵏⵜ ⵜⴰⵍⴻⵎⵎⴰⵙⵜ ⵏ ⵍⴻⵄⵎⴻⵕ ⵏ 27 ⵏ ⵢⵉⵙⴻⴳⴳⴰⵙⴻⵏ.

ⵜⴼⵓⵕⴻⵙ ⵜⴻⵎⵖⵓⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵙⴰⴷⵓⵔⴰⵏⵜ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⴷ-ⵜⴻⵊⴱⴻⴷ ⵍⵡⴻⵍⵀⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⴻⵖⵍⴰⵎⵉⵏ ⵖⴻⴼ ⵢⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⴷ ⵢⵉⴷⵣⴰⵢⵔⵉⵢⴻⵏ ⵢⴻⴷⴷⵔⴻⵏ ⴷⴻⴳ ⵓⵣⵖⴰⵔ ⴰⵢ ⴷ-ⵜⵜⴰⵡⵉⵏⵜ ⵜⴻⵖⵍⴰⵎⵉⵏ ⵖⴻⵔ ⵍⴻⵣⵣⴰⵢⴻⵔ, ⵎⴰⵛⴰ ⵓⵔ ⵜⴻⵏ-ⵙⵙⴻⵇⴷⴰⵛⴻⵏⵜ ⴰⵔⴰ.

« ⴷⴻⴳ ⵜⵍⴻⵎⵎⴰⵙⵜ, ⵉⵎⴰⵔⵉⵔⴻⵏ ⵉⴱⴻⵕⵕⴰⵏⵉⵢⴻⵏ ⵍⴰ ⵜⵜⵓⵔⴰⵔⴻⵏ ⴽⴰⵏ 38 ⵏ ⵜⴻⴷⵇⵉⵇⵉⵏ ⴷⴻⴳ ⵜⴻⵎⵍⵉⵍⵉⵜ, ⵎⴰ ⴷ ⵉⵎⴰⵔⵉⵔⴻⵏ ⵉⵙⵉⵏⴻⵖⵍⴰⵏⴻⵏ ⵜⵜⵓⵔⴰⵔⴻⵏ 43 ⵏ ⵜⴻⴷⵇⵉⵇⵉⵏ ⴷⴻⴳ 90 ⵏ ⵜⴻⴷⵇⵉⵇⵉⵏ ⵏ ⵜⴻⵎⵍⵉⵍⵉⵜ. ⴰⵢⴰ ⴷⵔⵓⵙ ⵎⵍⵉⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵙⴰⴷⵓⵔⴰⵏⵜ, ⴼⴰⵡⵣⵉ ⴳⵓⴻⵍⵍⵉⵍ.

« ⵓⵔ ⵍⴰ ⵜⴻⵜⵜⵏⴰⴷⵉ ⴰⵔⴰ ⵜⴻⵎⵖⵓⵏⵜ ⴰⴷ ⴷ-ⵜⴳⴻⵔ ⵉⵎⴰⵏ-ⵏⵏⴻⵙ ⴷⴻⴳ ⵜⵖⴰⵡⵙⵉⵡⵉⵏ ⵜⵉⵜⵡⵉⵍⴰⵏⵉⵏ (ⵜⵉⵇⵏⵉⵢⵢⴰ) ⵏ ⵜⴻⵖⵍⴰⵎⵉⵏ. ⵉⵙⵍⴻⵖⵎⴰⵢⴻⵏ (ⵎⵓⴷⴰⵔⵔⵉⴱⵉⵏ) ⵙⵄⴰⵏ ⴰⵣⵔⴻⴼ ⴰⴷ ⵙⴼⴻⵔⴽⴻⵏ ⵉⵎⴰⵔⵉⵔⴻⵏ-ⵏⵙⴻⵏ ⴰⴽⴽⴻⵏ ⴰⵢ ⴰⵙⴻⵏ-ⵢⴻⵀⵡⴰ. ⴷ ⴰⵛⵓ ⴽⴰⵏ, ⵏⴻⴱⵖⴰ ⴰⴷ ⴷ-ⵏⴻⵊⴱⴻⴷ ⵍⵡⴻⵍⵀⴰ ⵖⴻⴼ ⴽⵔⴰ ⵏ ⵜⴻⵎⵙⴰⵍ ⵢⴻⵔⵏⴰ ⵏⴻⵙⵙⴰⵔⴰⵎ ⴰⴷ ⴷ-ⴳⵔⴻⵏ ⴰⵢⴰ ⴷⴻⴳ ⵍⴻⵃⵙⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵜⴰⵙⴰⴷⵓⵔⴰⵏⵜ, ⵎⴰⵀⴼⵧⵓⴷ ⴽⴻⵔⴱⴰⴷⵊ.