ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵔⵢⴰ: ⴰⵃⴱⴰⵙ ⵏ ⵢⵉⵎⴻⵏⵖⵉ ⴰⴷ ⵢⵉⵍⵉ « ⵢⴻⵡⵄⴻⵕ » ⵖⴻⴼ ⵍⴻⵃⵙⴰⴱ ⵏ ⴱⴰⵛⵀⴰⵔ ⴰⵍ-ⴰⵙⵙⴰⴷ
ⴷⵉⵎⴻⵛⵇ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⴰⵙⵓⵔⵉ ⴱⴰⵛⵀⴰⵔ ⴰⵍ-ⴰⵙⵙⴰⴷ ⴰⵙⵙ ⵏ ⵍⴻⵜⵏⵉⵢⴻⵏ ⴷⴰⴽⴽⴻⵏ ⵢⴻⵡⵄⴻⵕ ⴰⴷ ⴷ-ⵢⵉⵍⵉ ⵓⵃⴱⴰⵙ ⵏ ⵢⵉⵎⴻⵏⵖⵉ, ⴰⴽⴽⴻⵏ ⴰⵢ ⴷ-ⵙⵙⵓⵎⵔⴻⵏⵜ (ⵉⵇⵔⴰⵃⴰⵜ) ⵜⵎⵓⵔⴰ ⵉⴵⴻⵀⴷⴻⵏ ⵜⵉⵎⴻⵇⵔⴰⵏⵉⵏ, ⵍⴰⴷⵖⴰ ⵎⴰ ⵢⴻⵍⵍⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⴷⴷⵓⵕⵜ-ⴰ.
« ⴰⵔ ⵉⵎⵉⵔ-ⴰ ⵎⴰⵣⴰⵍ-ⵉⵜⴻⵏ ⵜⵜⵉⵏⵉⵏ-ⴷ ⴷⴰⴽⴽⴻⵏ ⴱⵖⴰⵏ ⴰⵃⴱⴰⵙ ⵏ ⵢⵉⵎⴻⵏⵖⵉ ⵙⴻⴳ-ⴰ ⵖⴻⴼ ⴷⴷⵓⵕⵜ. ⴰⵏⵡⴰ ⴰⵢ ⵉⵣⴻⵎⵔⴻⵏ ⴰⴷ ⴷ-ⵢⴻⵙⵙⴻⵎⵍⵉⵍ ⴰⴽⴽ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵙⴻⴳ-ⴰ ⵖⴻⴼ ⴷⴷⵓⵕⵜ? ⵓⵍⴰ ⴷ ⵢⵉⵡⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
« ⵎⴰ ⵜⵓⴳⵉ ⴽⵔⴰ ⵏ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⴰⴷ ⵜⴻⵃⴱⴻⵙ ⵉⵎⴻⵏⵖⵉ, ⴰⵏⵡⴰ ⴰⴷ ⵜⵜ-ⵉⵃⴰⵙⴱⴻⵏ? ⴷⴻⴳ ⵜⵉⴷⴻⵜ, ⵢⴻⵡⵄⴻⵕ ⵡⴰⵡⴰⵍ ⵖⴻⴼ ⵓⵃⴱⴰⵙ ⵏ ⵢⵉⵎⴻⵏⵖⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵙⵙⴰⴷ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⵏ ⵢⵉⴱⵓⴳⴰⵟⵓⵜⴻⵏ, ⴷⴻⴳ ⴷⵉⵎⴻⵛⵇ.
ⴷ ⵡⴰ ⴰⵢ ⴷ ⴰⵡⴻⵏⵏⵉⵜ (ⵜⴰⵄⵍⵉⵇ) ⵓⵏⵚⵉⴱ ⴰⵎⴻⵣⵡⴰⵔⵓ ⴰⵢ ⵉⴳⴰ ⵓⵙⴻⵍⵡⴰⵢ ⴰⵙⵓⵔⵉ ⵖⴻⴼ ⵓⵎⵜⴰⵡⴰ-ⵏⵏⵉ (ⵉⵜⵜⵉⴼⴰⵇ) ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⵎⵓⵔⴰ ⵉⴵⴻⵀⴷⴻⵏ ⵜⵉⵎⴻⵇⵔⴰⵏⵉⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵎⵓⵏⵉⵛⵀ, ⴷ ⵡⵉⵏ ⴰⵢⴷⴻⴳ ⵎⵙⴻⴼⵀⴰⵎⴻⵏ « ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ » ⵙⴻⴳ-ⴰ ⵖⴻⴼ ⴷⴷⵓⵕⵜ ⴷ ⵓⵙⵙⵉⴼⵙⴻⵙ ⵏ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ, ⵡⴰⵔ ⵍⴻⵄⴹⵉⵍ, ⵉ ⵜⴻⵎⴷⵉⵏⵉⵏ ⵢⴻⵜⵜⵡⴰⵙⵙⵓⵜⵍⴻⵏ.
ⴷ ⴰⵛⵓ ⴽⴰⵏ, ⴰⵃⴱⴰⵙ-ⴰ ⵏ ⵢⵉⵎⴻⵏⵖⵉ ⵓⵔ ⵢⴻⵔⵣⵉ ⴰⵔⴰ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⵏ « ⵓⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ) ⴷ ⵜⴻⵔⵏⵉ ⵏ ⴰⵍ-ⵏⵧⵙⵔⴰ ⵢⴻⵍⵍⴰⵏ ⴷ ⴰⴼⵓⵔⴽ ⵏ ⵍⵇⴰⵄⵉⴷⴰ ⴷⴻⴳ ⵙⵓⵔⵢⴰ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴰⵙⵓⵔⵉ ⴷⴰⴽⴽⴻⵏ ⴰⵃⴱⴰⵙ ⵏ ⵢⵉⵎⴻⵏⵖⵉ « ⴰⵏⴰⵎⴻⴽ-ⵏⵏⴻⵙ, ⵍⴰⴷⵖⴰ, ⴰⵃⴱⴰⵙ ⵏ ⵓⵙⵙⴻⴵⵀⴻⴷ ⵏ ⵢⵉⵎⵓⴽⴰⵏ ⴰⵢⴷⴻⴳ ⵍⵍⴰⵏ ⵢⵉⵔⴻⴱⵔⴰⴱⴻⵏ ⴰⴽⴽⴻⵏ ⴰⴷ ⴰⵙⴻⵏ-ⵢⴻⵜⵜⵡⴰⵔⴳⴻⵍ ⵓⴱⵔⵉⴷ ⵉ ⵓⵙⵙⵉⵡⴻⴹ ⵏ ⵍⴻⵙⵍⴰⵃ ⴷ ⵍⵄⵓⵍⴰ ⵏ ⵢⵉⵎⴻⵏⵖⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⴰⵙⵓⵔⵉ.
ⵜⵉⵏⴻⵣⵎⴰⵔⵉⵏ (ⵇⵓⵡⵡⴰⵜ) ⵜⵉⵎⴻⵇⵔⴰⵏⵉⵏ ⵍⵍⴰⵏⵜ ⵙⵙⴻⴼⵔⴰⵢⴻⵏⵜ ⴰⴷ ⴷ-ⵢⵉⵍⵉ ⵓⵃⴱⴰⵙ-ⴰ ⵏ ⵢⵉⵎⴻⵏⵖⵉ ⴰⴽⴽⴻⵏ ⴰⴷ ⴷ-ⵓⵖⴰⵍⴻⵏⵜ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⵅⵚⵉⵎⴻⵏ ⵏ ⵜⴰⵍⵓⴼⵜ ⵜⴰⵙⵓⵔⵉⵜ.
ⵄⴻⵔⴹⴻⵏ ⴰⴷ ⴷ-ⵔⵔⴻⵏ ⵍⴻⵎⵛⴰⵡⵕⴰⵜ ⴷⴷⴰⵡ ⵍⴻⵄⵏⴰⵢⴰ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴳⴻⵏⴻⵠⴻ ⴷⴻⴳ ⵜⴻⵣⵡⴰⵔⴰ ⵏ ⴼⵓⵕⴰⵕ, ⵎⴰⵛⴰ ⵢⵓⵖⴰⵍ ⵢⴻⵜⵜⵡⴰⴱⵟⴻⵍ ⵡⴰⵢⴰ ⵖⴻⴼ ⵍⴵⴰⵍ ⵏ ⴱⴻⴷⴷⵓ ⵏ ⵓⵏⵟⴰⴳ-ⵏⵏⵉ (ⵀⵓⴵⵓⵎ) ⴰⵎⴻⵇⵔⴰⵏ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴻⵎⴷⵉⵏⵜ ⵏ ⵃⴰⵍⴰⴱ, ⴷⴻⴳ ⵓⴳⴰⴼⴰ (ⵛⴰⵎⴰⵍ) ⵏ ⵙⵓⵔⵢⴰ, ⵢⴻⵔⵏⴰ ⴷ ⴰⵏⵟⴰⴳ-ⴰ ⴰⵢ ⵢⴻⴵⴵⴰⵏ ⵟⵟⴻⵔⴽ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴰⴷ ⴷ-ⵙⵙⵓⵎⵔⴻⵏⵜ ⵜⴰⴽⵜⵉ ⵏ ⵓⵥⴷⴰⵎ ⵖⴻⴼ ⵙⵓⵔⵢⴰ ⵙⴻⴳ ⵡⴰⴽⴰⵍ ⴰⴽⴽⴻⵏ ⴰⴷ ⵏⵏⴰⵖⴻⵏⵜ ⵎⴳⴰⵍ ⵓⵡⴰⵏⴰⴽ ⵉⵙⵍⴰⵎⴰⵏ.
ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴰⵙⵓⵔⵉ ⴷⴰⴽⴽⴻⵏ ⵜⴰⴳⴻⵔⵎⴰⵏⵜ (ⵜⴰⴷⴰⵅⵅⵓⵍ) ⴰⵎ ⵜⴰ ⴰⴷ ⴷ-ⵜⴻⴳⵍⵓ ⵙ ⵓⵅⴻⵚⵚⴰⵔ ⴰⴷ ⵉⵃⴰⵣⴻⵏ ⴰⴽⴽ ⴰⵎⴰⴹⴰⵍ.
