ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴱⵉⵔⴻⵜ : ⴰⵣⴰⵍ ⵏ 700 ⵜⵡⴰⵛⵓⵍⵉⵏ ⵉ ⵛⵓⴷⴷⴻⵏ ⵙ ⴰⵥⴻⴹⴹⴰ ⵏ ⵡⵓⵔⵔⵉⴳ ⴰⴳⴰⵎⴰⵏ

ⵜⵓⴱⵉⵔⴻⵜ – ⴰⵣⴰⵍ ⵏ 700 ⵜⵡⴰⵛⵓⵍⵉⵏ ⵉ ⵛⵓⴷⴷⴻⵏ ⴰⵙⵙ ⵏ ⵍⴰⵔⴻⴱⵄⴰ ⵙ ⴰⵥⴻⴹⴹⴰ (ⴰⵥⴻⵟⵟⴰ) ⵏ ⵡⵓⵔⵔⵉⴳ (ⵍⴳⴰⵣ) ⴰⴳⴰⵎⴰⵏ ⴷⴻⴳ ⵜⵖⵉⵡⴰⵏⵉⵏ ⵏ ⵜⵓⴱⵉⵔⴻⵜ ⴰⴽⴽⴻⴷ ⵃⵉⵣⴻⵕ, ⴷ ⴰⵢⴻⵏ ⵉ ⵏⵡⴰⵍⴰ.

ⴰⵣⴰⵍ ⵏ 449 ⵜⵡⴰⵛⵓⵍⵉⵏ ⵏ ⵜⵓⴷⵔⵉⵏ ⵏ ⴳⴻⵏⵜⵓⵔ, ⵃⴰⵡⵛ ⵜⵀⵉⴽⴰ, ⵜⵉⵖⵉⵍⵜ ⵏ ⴰⵜ ⵍⵓⴳⵉⵜ ⵢⴻⵍⵍⴰⵏ ⴷⴻⴳ ⵜⵖⵉⵡⴰⵏⵜ ⵏ ⵃⵉⵣⴻⵕ, ⵛⵓⴷⴷⴻⵏ-ⵜⴻⵏⵜ ⵙ ⴰⵥⴻⴹⴹⴰ ⵏ ⵡⵓⵔⵔⵉⴳ ⴰⴳⴰⵎⴰⵏ, ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ 4 ⵉⵙⴻⴳⴳⴰⵙⴻⵏ 2010-2014, ⵉ ⴷ-ⵜⴻⵏⵏⴰ ⵜⵉⵏ ⵉ ⴷ-ⵢⴻⵍⵀⴰⵏ ⵙ ⵜⴻⵖⵡⴰⵍⵜ ⴷⴻⴳ ⵜⴻⵕⵎⵉⵙⵜ ⵏ ⵓⴼⵕⴰⵇ ⵏ ⵙⵧⵏⴻⵍⴳⴰⵣ ⵏ ⵜⵓⴱⵉⵔⴻⵜ (ⵙⴷⵛ), ⵧⵓⵉⴷⴰⴷ ⴱⴻⵏⵢⵧⵓⵛⴻⴼ, ⵖⴻⵔ ⵜⴰⵎⴰ ⵏ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵙⵡⴰⴹ ⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ.

ⴰⵙⴻⵏⴼⴰⵔ ⴷⴻⴳ-ⵙ 26 ⵉⴽⵉⵍⵓⵎⵉⵜⵔⴻⵏ ⵙ ⵢⵉⵡⴻⵜ ⵏ ⵜⵏⴰⵜⵜⴰⵍⵜ ⵜⴰⵥⴻⵔⴼⴰⵏⵜ ⵏ ⵡⵓⴳⴰⵔ ⵏ 46 ⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵔⴻⵏ, ⵎⴰ ⴷ ⴰⵙⴻⴹⵔⵓⵏ ⵏ ⵢⵉⵎⵓⵀⴰⵍ ⵛⴰⵔⴻⵏ-ⵜⴻⵏ ⴷⴻⴳ ⵡⴰⵢⵢⵓⵔ ⵏ ⵢⵓⵍⵢⵓ 2014, ⴽⴼⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⴷⵓⴵⴻⵎⴱⴻⵔ 2015, ⵇⵇⵉⵎⴻⵏ ⴷⴻⴳ-ⵙ 17 ⵡⴰⵢⵢⵓⵔⴻⵏ.

ⵔⵏⵓ- ⴷⴰⵖⴻⵏ ⴷⴻⴳ ⵢⵉⵎⴻⴹⵇⴰⵏ ⵏ ⴷⵔⴻⵄ ⵍⴻⵅⵎⵉⵙ ⴰⴽⴽⴻⴷ ⵜⴰⴵⵏⴰⵏⵜ ⵢⴻⵍⵍⴰⵏ ⴷⴻⴳ ⵜⵖⵉⵡⴰⵏⵜ ⵏ ⵜⵓⴱⵉⵔⴻⵜ, 220 ⵏ ⵜⵡⴰⵛⵓⵍⵉⵏ ⵉ ⵛⵓⴷⴷⴻⵏ ⵙ ⴰⵥⴻⴹⴹⴰ ⵏ ⵡⵓⵔⵔⵉⴳ ⴰⴳⴰⵎⴰⵏ ⵙ ⵢⵉⵡⴻⵏ ⵏ ⵓⵣⴰⵍ ⵏ 30 ⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵔⴻⵏ.