ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴻⵔⴽ: ⵎⵎⵓⵜⴻⵏ 28 ⵢⴻⵔⵏⴰ ⵊⴻⵔⵃⴻⵏ 61 ⴷⴻⴳ ⵜⵅⴰⵣⵣⴰⴱⵉⵜ ⵙ ⵜⴽⴻⵕⵕⵓⵙⵜ ⵢⴻⵏⴷⵉⵏ ⴷⴻⴳ ⴰⵏⴽⴰⵔⴰ

ⴰⵏⴽⴰⵔⴰ– ⴰⴷ ⵉⵍⵉⵏ ⵎⵎⵓⵜⴻⵏ, ⵎⴰ ⵓⵍⴰⵛ, 28 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵊⴻⵔⵃⴻⵏ 61 ⵏ ⵡⵉⵢⴰⴹ ⴷⴻⴳ ⵢⵉⵡⴻⵜ ⵏ ⵜⵅⴰⵣⵣⴰⴱⵉⵜ ⵙ ⵜⴽⴻⵕⵕⵓⵙⵜ ⵢⴻⵏⴷⵉⵏ ⴰⵢ ⵢⴻⵟⵟⴻⵔⴹⵇⴻⵏ, ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⵙⴷⴰⵜ ⵢⵉⵎⵙⴻⴷⴷⴰⵢⴻⵏ (ⵎⴰⵔⴰⴽⵉⴱ) ⵉⵙⴻⵔⴷⴰⵙⴰⵏⴻⵏ ⴷⴻⴳ ⵜⵍⴻⵎⵎⴰⵙⵜ ⵏ ⴰⵏⴽⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⵓⵜⵍⴰⵢ (ⵏⴰⵟⵉⵇ) ⵏ ⵓⵏⴰⴱⴰⴹ.

« ⵜⴰⵅⴰⵣⵣⴰⴱⵉⵜ-ⴰ ⵜⴰⵔⴻⴱⵔⴰⴱⵜ ⵜⴰⵎⴻⵍⵖⵓⵏⵜ (ⴵⴰⴱⴰⵏⴰ) ⵜⴻⵏⵖⴰ 28 ⵏ ⵢⵉⵎⴷⴰⵏⴻⵏ. 61 ⵏ ⵢⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⴰⵢ ⵉⵊⴻⵔⵃⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵖⴻⵎⵙⴰ ⵓⵎⵓⵜⵍⴰⵢ, ⴰⵏⵎⴰⵣⵓⵍ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⵏⵓⵎⴰⵏ ⴽⵓⵔⵜⵓⵍⵎⵓⵙ, ⵢⴻⵔⵏⴰ ⵉⵕⴻⴳⴳⴻⵎ-ⴷ ⴷ ⴰⴽⴽⴻⵏ ⴰⵏⴰⴱⴰⴹ ⴰⴷ ⵉⵏⴰⴷⵉ ⵢⴻⵔⵏⴰ ⴷ-ⵢⴻⴽⵛⴻⴼ ⴽⵓⵍⵍⴻⵛ ⵖⴻⴼ ⵜⵅⴰⵣⵣⴰⴱⵉⵜ-ⴰ.

« ⵡⵉⴷ ⴰⵢ ⵉⴳⴰⵏ ⵜⴰⵅⴰⵣⵣⴰⴱⵉⵜ-ⴰ ⴰⴷ ⵜⴻⵏ-ⵉⴷ-ⵏⴰⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⵜⴰⵙⵡⵉⵄⵜ-ⴰ, ⵎⴰⵙⵙ ⴽⵓⵔⵜⵓⵍⵎⵓⵙ ⵢⵓⴳⵉ ⴰⴷ ⴷ-ⵢⵉⵏⵉ ⴷ ⴰⵛⵓ-ⵜ ⵢⵉⴷⵉⵙ ⵏⴻⵖ ⴰⴷ ⴷ-ⵢⴻⴼⴽ ⵉⵙⵎⴰⵡⴻⵏ ⵏ ⵡⵉⴷ ⴰⵢ ⵉⴳⴰⵏ ⵜⴰⵅⴰⵣⵣⴰⴱⵉⵜ-ⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⵓⵍ ⵏ ⵜⵎⴰⵏⴻⵖⵜ ⵜⴰⵟⴻⵔⴽⵉⵜ ⴰⵢⴷⴻⴳ ⵣⴻⴷⵖⴻⵏ 5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵣⴷⴰⵖⴻⵏ. « ⵡⴻⵔⵄⴰⴷ ⵓⵔ ⵏⴻⵙⵄⵉ ⵓⵍⴰ ⴷ ⵢⵉⵡⴻⵜ ⵏ ⵜⴻⵍⵖⵓⵜ (ⵎⴰⵄⵍⵓⵎⴰ) ⵖⴻⴼ ⵡⵉⴷ ⴰⵢ ⵉⴳⴰⵏ ⴰⵏⵟⴰⴳ-ⴰ (ⵀⵓⴵⵓⵎ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰⵏ.

« ⴰⵏⵟⴰⴳ-ⴰ ⵉⴱⴰⵏ ⴷ ⴰⴽⴽⴻⵏ ⵉⵃⵓⴽⴻⵕ ⴰⵖⵍⴰⵏ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵓⵔⵜⵓⵍⵎⵓⵙ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ « ⵟⵟⴻⵔⴽ ⵡⴻⵔⴵⵉⵏ ⵜⴻⵔⵔⵉ ⴰⴹⴰⵔ ⵙⴷⴰⵜ ⵔⵔⴻⴱⵔⴰⴱ ⵢⴻⵔⵏⴰ ⵡⴻⵔⴵⵉⵏ ⴰⴷ ⵜⴻⴳ ⴰⵢⴰ ».

ⵢⴻⵔⵏⴰ-ⴷ ⵎⴰⵙⵙ ⴽⵓⵔⵜⵓⵍⵎⵓⵙ ⴷ ⴰⴽⴽⴻⵏ ⴰⵙⴻⵍⵡⴰⵢ ⴰⵟⴻⵔⴽⵉ, ⵔⴻⵛⴻⵒ ⵜⴰⵢⵢⵉⵒ ⴻⵔⴷⵧⴳⴰⵏ, ⵢⴻⴱⵟⴻⵍ ⵜⵉⵔⵣⵉ-ⵏⵏⴻⵙ ⵏ ⵡⴰⵙⵙ ⵏ ⵍⴻⵅⵎⵉⵙ ⵖⴻⴼ ⴰⵣⴻⵔⴱⵉⴵⴰⵏ ⵖⴻⴼ ⵍⴵⴰⵍ ⵏ ⵜⵅⴰⵣⵣⴰⴱⵉⵜ-ⴰ.

ⵛⵡⵉⵟ ⵓⵇⴱⴻⵍ ⵡⴰⵢⴰ, ⵢⴻⴱⵟⴻⵍ ⴷⴰⵖ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⵀⵎⴻⵜ ⴷⴰⵠⵓⵜⵧⴳⵍⵓ, ⵜⵉⵔⵣⵉ-ⵏⵏⴻⵙ ⵖⴻⴼ ⴱⵔⵓⵅⴻⵍⵍⴻⵙ ⴰⴽⴽⴻⵏ ⴰⴷ ⵢⴻⵙⵇⴻⵔⴷⴻⵛ ⵖⴻⴼ ⵜⴰⵍⵓⴼⵜ ⵏ ⵢⵉⵏⵉⴳ ⴷ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⴼⵓⴽⵍⵉ ⵜⵓⵕⵓⴼⵉⵜ.