ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵔⵢⴰ: ⴰⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵉ 5 ⵏ ⵜⴻⵎⴷⵉⵏⵉⵏ ⵢⴻⵜⵜⵡⴰⵙⵙⵓⵜⵍⴻⵏ
ⵔⵧⵎⴰ– ⵢⴻⵏⵏⴰ-ⴷ ⵡⴰⵀⵉⵍ ⴰⵎⴰⴹⴰⵍⴰⵏ ⵏ ⵜⵓⵞⵞⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵙⵙ ⵏ ⵍⴻⵅⵎⵉⵙ ⴷ ⴰⴽⴽⴻⵏ ⵢⴻⵙⵙⴰⵡⴻⴹ ⵜⵓⵞⵞⵉⵜ ⵏ ⵍⵍⵙⴰⵙ ⵉ ⵡⵓⴳⴰⵔ ⵏ 80.000 ⵏ ⵢⵉⵎⴷⴰⵏⴻⵏ ⴰⵢ ⵉⵡⴻⵃⵍⴻⵏ ⴷⴻⴳ 5 ⵏ ⵜⴻⵎⴷⵉⵏⵉⵏ ⵢⴻⵜⵜⵡⴰⵙⵙⵓⵜⵍⴻⵏ (ⵎⵓⵃⴰⵚⴰⵔⴰ).
ⴰⵙⵙⵉⵡⴻⴹ-ⴰ ⵏ ⵍⴻⵎⵄⴰⵡⵏⴰ ⵢⴻⵍⵍⴰ-ⴷ ⵙ ⵢⵉⴽⴰⵎⵢⵓⵏⴻⵏ ⵏ ⵜⵏⴻⴳⴳⵉⵡⵉⵏ (ⵡⴰⴽⴰⵍⴰⵜ) ⵢⴻⵎⴳⴻⵔⵔⴰⴷⴻⵏ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⴷⴷⴰⵏ ⵙ ⵜⴻⵖⵣⴻⴼ ⵏ ⵢⵉⴹ ⵢⴻⵔⵏⴰ ⵡⵡⴹⴻⵏ ⵖⴻⵔ ⵜⴻⵎⴷⵉⵏⵉⵏ-ⴰ ⴰⵙⵙ ⵏ ⵍⴻⵅⵎⵉⵙ ⵜⴰⵚⴻⴱⵃⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵀⵉⵍ ⵏ ⵜⵓⵞⵞⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵢⵉⵡⴻⵏ ⵏ ⵓⵍⵖⵓ.
ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵇⵇⵉⵎⴻⵏⵜ 5-ⴰ ⵏ ⵜⴻⵎⴷⵉⵏⵉⵏ ⴷⴻⴳ ⵍⴻⵅⵚⴰⵚ. ⵉⵎⴻⵣⴷⴰⵖⴻⵏ ⵏ ⵜⴻⵎⴷⵉⵏⵉⵏ-ⴰ ⴷⴷⵔⴻⵏ ⴽⴰⵏ ⵙ ⵜⵓⵞⵞⵉⵜ ⵏ ⵜⵓⴳⴰ ⴷ ⵛⵡⵉⵟ ⵏ ⵕⵕⵓⵣ ⴰⵢ ⵍⴰ ⵢⴻⵜⵜⵏⵓⵣⵓⵏ ⵙ 50 ⵏ ⵜⵉⴽⴽⴰⵍ ⵏⵏⵉⴳ ⵙⵙⵓⵎⴰ-ⵏⵏⴻⵙ ⴷⴻⴳ ⴷⵉⵎⴻⵛⵇ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵀⵉⵍ ⵏ ⵜⵓⵞⵞⵉⵜ.
ⴰⵢⴰ ⵢⴻⵍⵍⴰ-ⴷ ⴷ ⴰⵙⵓⵔⵉⴼ ⴰⵎⴻⵇⵔⴰⵏ ⴷⴻⴳ ⵍⴻⵎⵄⴰⵡⵏⴰ ⵏ ⵡⵉⴷ ⵢⴻⵍⵍⵓⵥⴻⵏ ⴷⴻⴳ ⵙⵓⵔⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵡⴰⵀⵉⵍ ⴰⵎⴰⴹⴰⵍⴰⵏ ⵏ ⵜⵓⵞⵞⵉⵜ ⴷⴻⴳ ⵙⵓⵔⵢⴰ, ⵊⴰⵛⵧⴱ ⴽⴻⵔⵏ, ⴷⴻⴼⴼⵉⵔ ⵎⴰ ⵜⴻⵜⵜⵡⴰⴼⵔⴻⵇ ⵍⴻⵎⵄⴰⵡⵏⴰ-ⵏⵏⵉ.
ⴷ ⴰⵛⵓ ⴽⴰⵏ, « ⵉⵎⴻⵣⴷⴰⵖⴻⵏ-ⴰ ⵃⵡⴰⴵⴻⵏ ⴰⴷ ⵞⵞⴻⵏ ⵢⴰⵍ ⴰⵙⵙ. ⵙ ⵡⴰⵢⴰ, ⵏⴻⵙⵙⴰⵔⴰⵎ ⴰⴷ ⵏⴽⴻⵎⵎⴻⵍ ⴰⴷ ⵏⴼⴻⵔⵔⴻⵇ ⵍⴻⵎⵄⴰⵡⵏⴰ ⵉ ⵢⵉⵎⴷⴰⵏⴻⵏ ⵢⴻⵏⴹⴻⵔⵔⴻⵏ ⵎⵍⵉⵃ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴻⵔⵏ.
