ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵜⴰⵍⵉⴱⵉⵜ : ⵍⴰⵎⴰⵎⵔⴰ ⵉⵡⴻⴽⴽⴻⴷ-ⴷ ⵍⴻⴱⵖⵉ ⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ ⴰⵍⵎⴻⵏⴷ ⵏ ⵍⴻⵇⵡⴰⵏⴻⵏ ⵉⴳⴻⵔⴰⵖⵍⴰⵏⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵓⵎⵄⵉⵡⴻⵏ ⴰⴳⴻⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⵍⴻⴱⵖⵉ ⵏ ⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ ⴷⵉ ⵍⵉⴱⵢⴰ "ⴻⴳ ⵓⵙⵓⵔⵔⵉⴼ ⵏ ⵍⴻⵇⵡⴰⵏⴻⵏ ⵉⴳⴻⵔⴰⵖⵍⴰⵏⴻⵏ ⴷ ⵓⵇⴰⴷⴻⵔ ⵏ ⵜⵍⴻⵍⵍⵉ ⵏ ⵜⵎⵓⵔⴰ, ⵏ ⵍⴰⵎⴰⵏ ⴰⴽⴽ ⴷ ⵡⴻⵔⴽⴰⴷ ⵏ ⵜⵎⵓⵔⵜ-ⴰⴳⵉ".
ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵖⴻⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ-ⵉⵏⴻⵙ ⴰⴽⴽ ⴷ ⵜⵀⵧⵎⴰⵙ ⵙⵀⴰⵏⵏⵧⵏ, ⴰⵏⵎⴰⵣⵓⵍ ⵓⵎⴰⵔⴰⵢ ⵏ ⴷⴷⴻⵡⵍⴰ ⴰⵎⴰⵔⵉⴽⴰⵏⵉ ⵢⴻⵔⵣⴰⵏ ⵜⵉⵖⴰⵡⵙⵉⵡⵉⵏ ⵜⵉⵙⴻⵔⵜⴰⵏⵉⵏ, ⵎⴰⵙ ⵍⴰⵎⴰⵎⵔⴰ ⵉⵡⴻⴽⴽⴻⴷ-ⴷ ⴱⴻⵍⵍⵉ "ⵢⴻⵙⵇⴻⵔⴷⴻⵛ ⴰⴽⴽⴻⵏ ⵉⵡⴰⵜⴰ ⵜⴰⵍⵓⴼⵜ ⵏ ⵍⵉⴱⵢⴰ".
ⵢⴻⵏⵏⴰ ⴱⴻⵍⵍⵉ ⵢⴻⵎⵙⴻⴼⵀⴰⵎ ⴷ ⵎⴰⵙ ⵙⵀⴰⵏⵏⵧⵏ ⵖⴻⴼ "ⵍⴻⴱⵖⵉ ⵏ ⵙⵏⴰⵜ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⴰⴼⴻⵏ ⵜⵉⴼⵔⴰⵜⵉⵏ ⵙ ⵜⴻⵍⵡⵉⵜ ⴰⴽⴽ ⴷ ⵜⵙⴻⵔⵜⵉⵜ ⵉ ⵜⴰⵍⵓⴼⵜ ⵏ ⵍⵉⴱⵢⴰ ⵎⴰ ⴷ ⵉⴱⴻⴷⴷⵉ ⵎⴳⴰⵍ ⵔⵔⴻⴱⵔⴰⴱ ⴰⴷ ⵢⵉⵍⵉ ⵉⴱⴻⴷⴷ ⵖⴻⴼ ⵍⴻⵇⵡⴰⵏⴻⵏ ⵉⴳⴻⵔⴰⵖⵍⴰⵏⴻⵏ ⴷ ⵓⵇⴰⴷⴻⵕ ⵏ ⵜⵍⴻⵍⵍⵉ ⴷ ⵍⴰⵎⴰⵏ ⴷ ⵡⴻⵔⴽⴰⴷ ⴷⵉ ⵜⵎⵓⵔⵜ-ⴰⴳⵉ".
ⵢⴻⵔⵏⴰ ⵢⴻⵏⵏⴰ ⴷⴻⴳ ⵡⴰⵢⴰⴳⵉ, ⴱⴻⵍⵍⵉ ⵉⵙⵉⵏ ⵉⴷⵉⵙⴰⵏ "ⵔⵣⴰⵏ ⴷⴰⵖⴻⵏ ⴰⵣⴰⵍ ⵏ ⵜⵏⴻⵇⴹⴰⵜⵉⵏ ⵢⴻⵍⵍⴰⵏ ⴷⴻⴳ ⵓⵎⵉⵣⵣⵡⴻⵔ ⵏ ⵡⴰⵙⵙ ⵏ ⵜⴻⵎⵍⵉⵍⵉⵜ-ⴰⴳⵉ", ⵢⴻⵙⵙⴰⵃⵕⴻⵚ ⵖⴻⴼ '"ⵍⴻⴱⵖⵉ ⵏ ⵓⵕⴻⵚⵚⵉ ⵜⵉⴼⵔⴰⵜⵉⵏ ⵜⵉⵙⴻⵔⵜⵉⵢⵉⵏ ⴰⵍⵎⴻⵏⴷ ⵏ ⵍⴻⵇⵡⴰⵏⴻⵏ ⵉⴳⴻⵔⴰⵖⵍⴰⵏⴻⵏ ⵢⴻⵔⵣⴰⵏ ⴰⴽⴽ ⵜⵉⵍⵓⴼⴰ ⴷ ⵢⵉⵎⴻⵏⵏⵓⵖⴻⵏ ⴷⵉ ⵜⴻⵎⵏⴰⴹⵜ-ⵏⵏⴻⵖ".
