ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵍⴻⴼ : ⵜⵡⵉⵣⴰ ⵏ ⵓⵃⴻⵙⵙⴻⵙ ⵖⴻⴼ ⵢⵉⵙⴻⵀⵡⴰ ⵏ ⵜⴻⵅⵅⴰⵎⵉⵏ ⵉ ⵍⴼⴰⵢⴷⴻⵜ ⵏ ⵢⵉⵏⴻⵍⵎⴰⴷⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵓⵙⴻⴳⵎⵉ

ⵛⵍⴻⴼ – ⵀ ⴰⴷ ⴱⴷⴰⵏⵜ ⵜⵉⴽⴻⴱⴱⴰⵏⵢⵉⵏ ⵏ ⵓⵎⴻⵙⵜⴰⵏ ⵓⵖⴰⵔⵉⵎ ⵏ ⵜⵡⵉⵍⴰⵢⵜ ⵏ, ⵛⵍⴻⴼ, ⵙⴻⴳ ⵡⴰⵙⵙ ⵏ ⵜⵜⵍⴰⵜⵉ, ⴷⴻⴳ ⵉ ⵜⵡⵉⵣⴰ ⵏ ⵓⵃⴻⵙⵙⴻⵙ ⵖⴻⴼ ⵉⵙⴻⵀⵡⴰ ⵏ ⵜⴻⵅⵅⴰⵎⵉⵏ ⵉ ⵍⴼⴰⵢⴷⴻⵜ ⵏ ⵢⵉⵏⴻⵍⵎⴰⴷⴻⵏ ⵏ ⵢⵉⵖⴻⵔⴱⴰⵣⴻⵏ ⵏ ⵓⵙⴻⴳⵎⵉ. ⵡⴰⵢ ⴷⴻⴳ ⵢⴻⵙⵡⵉⵔ ⵉⵜⵍⴰⵜⴻⵢⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵓⵜⵍⴰⵢⵜ ⵏ ⵢⴻⵎⴹⴻⴱⴱⴻⵔ ⵏ ⵍⵡⵉⵇⴰⵢⴰ ⴷⴻⴳ ⵉ ⵜⴰⵎⴻⵀⵍⴰ ⵏ ⵜⵡⵉⵍⴰⵢⵜ ⵏ ⵓⵎⴻⵙⵜⴰⵏ ⵓⵖⴰⵔⵉⵎ.

ⴰⵔⴻⵏ ⵉ ⵉⵡⴻⴹⴹⵃⴻⴷ ⵓⵎⴻⵙⵀⵓⵍ-ⴰⵢ ⴱⴻⵍⵍⵉ ⵜⵡⵉⵣ-ⴰⵢⴰ ⵏ ⵓⵃⴻⵙⵙⴻⵙ ⵖⴻⴼ ⵉⵙⴻⵀⵡⴰ ⵏ ⵜⴻⵅⵅⴰⵎⵉⵏ ⵀ ⴰⴷ ⴷ ⵜⴻⴱⴹⵓ ⵍⵎⵉⵣ ⵏ ⵢⵉⵎⴰⵍⴰⵙ. ⵓ ⵏⴻⵜⵜⴰⵜ ⵀ ⴰⴷ ⴷ ⵜⵜⴰⵡⴻⴹ ⵍⴰⴽ ⵖⴻⵔ ⵢⵉⵏⴻⵍⵎⴰⴷⴻⵏ ⵏ ⵢⴻⵍⵎⵓⵙⴻⵏ ⵏ ⵓⵙⵉⵍⴻⵖ ⴷ ⵓⵙⴻⵍⵎⴻⴷ ⵏ ⵍⵃⴻⵔⴼⴰⵜ ⴷ ⵜⵜⴻⵅⵅⴰⵎⵉⵏ ⵏ ⵍⴻⵖⵔⵓⵣ.

ⵜⴰⵎⴰⵡⵜ ⴱⴻⵍⵍⵉ ⵜⵜⵓⵊⴻⵔⵔⴷⴻⵏ ⴰⵣⴰⵍ ⵏ 20 ⴰⵍⴼ ⵏ ⵍⴻⴼⵣⴻⵄ ⵖⴻⴼ ⵓⴼⵓⵙ ⵏ ⵙⵙⵔⴰⴱⴻⵙ ⵏ ⵓⵎⴻⵙⵜⴰⵏ ⵓⵖⴰⵔⵉⵎ ⴷⴻⴳ ⵉ ⵓⵙⴻⵏⵜⴻⵍ ⵏ ⵢⵉⵙⴻⵀⵡⴰ ⵏ ⵜⴻⵅⵅⴰⵎⵉⵏ. ⵎⴰⵏⵉ ⵎⵎⵓⵜⴻⵏ ⵡⵉⵙ-61 ⵏ ⵢⵓⴷⴰⵏ ⵙⴻⴳ ⵉ ⵓⵎⴰⵞⵞⵓ ⵢⴻⵜⵜⵡⴰⵔⴻⵀⵊⴻⵏ ⴷ ⵍⵉⵅⵜⵉⵏⴰⵇⴰⵜ ⵙ ⵍⴳⴰⵣ.

ⴰⴷ ⵏⴻⵙⵎⴻⴽⵜⵉ ⴱⴻⵍⵍⵉ ⵜⵡⵉⵣ-ⴰⵢⴰ ⵏ ⵓⵃⴻⵙⵙⴻⵙ ⵜⴻⵎⵎⵓⴳ ⴷⴻⴳ ⵓⴱⵔⵉⴷ ⵏ ⵓⵙⴻⴷⴷⴻⵔ ⵏ, ⵡⴰⵙⵙ ⴰⵎⴰⴹⵍⴰⵏ ⵏ ⵓⵎⴻⵙⵜⴰⵏ ⵓⵖⴰⵔⵉⵎ ⵢⴻⵜⵜⵡⴰⵍⴰⵎⴻⵏ (1) ⵎⴻⵖⵔⴻⵙ. ⵢⴻⵍⵍⴰⵏ ⵢⴻⵜⵜⵓⵙⴻⴷⴷⴻⵔ ⵙⴻⴷⴷⵓ ⵏ ⵛⵛⵉⵄⴰⵔ « ⴰⵎⴻⵙⵜⴰⵏ ⵓⵖⴰⵔⵉⵎ ⴷ ⵜⵉⴽⵏⵓⵍⵓⵊⵢⴰⵜ ⵜⵉⵎⴰⵢⵏⵓⵜⵉⵏ ⵏ ⵜⵖⴰⵎⵙⴰ ».