ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵖⵍⴰⵎⵜ ⵏ « ⴻⵍ-ⵡⴰⴼⴰ » ⴰⴷ ⵜⴻⵟⵟⴻⴼ ⴰⴱⵔⵉⴷ ⵖⴻⵔ ⵡⴻⵏⵥⵓⵍ ⵏ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵡⵡⴻⴹ-ⴷ ⵜⴻⵖⵍⴰⵎⵜ (ⵇⴰⴼⵉⵍⴰ) ⵏ « ⴻⵍ-ⵡⴰⴼⴰ » ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵜⴻⵔⵣⵉ-ⵏⵏⴻⵙ ⵉ ⵓⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⴳⴰⵔ ⵡⴻⵎⵖⵉⵡⴰⵏ ⴰⵖⴻⵍⵏⴰⵡ ⵢⴻⴷⴷⵔⴻⵏ ⴷⴻⴳ ⵡⴻⵣⵖⴰⵔ ⴷ ⵜⵎⵓⵔⵜ ⵏ ⵍⴻⵣⵣⴰⵢⴻⵔ, ⵢⴻⵔⵏⵓ ⴰⴷ ⵜⴻⴱⴷⵓ ⴰⴱⵔⵉⴷ-ⵏⵏⴻⵙ ⵖⴻⵔ ⵜⴻⵎⵏⴰⴹⵉⵏ ⵏ ⵡⴻⵏⵥⵓⵍ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⴷ-ⵜⴻⵍⵎⴻⴷ ⵖⴻⴼ ⵜⴱⵓⵖⴰⵔ (ⵜⴰⵔⴰⵡⴰⵜ) ⵜⵉⴳⴰⵎⴰⵏⵉⵏ ⴷ ⵜⴷⴻⵍⵙⴰⵏⵉⵏ ⴰⵢ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵉⵏ ⵜⵉⵡⴻⵙⵄⴰⵏⵉⵏ ⵏ ⵍⴻⵣⵣⴰⵢⴻⵔ.
ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵖⵍⴰⵎⵜ-ⴰ ⵏⵏⴰⵏ-ⴷ, ⴷⴻⴳ ⵜⴼⵓⴳⵍⴰ (ⵉⵃⵜⵉⴼⴰⵍ) ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ-ⵏⵙⴻⵏ ⴷⴻⴳ ⵡⴻⵖⵍⵉⴼ ⵏ ⵢⴻⴷⵍⴻⵙ, ⴷⴰⴽⴽⴻⵏ ⵙⵙⴰⵔⴰⵎⴻⵏ ⴰⴷ ⵜⵉⵍⵉ ⵜⴻⵔⵣⵉ-ⴰ ⵖⴻⴼ ⵡⴻⵏⵥⵓⵍ ⴷ ⵜⴰⴳⵏⵉⵜ ⴰⴷ ⵜⴻⵏ-ⵢⴻⴵⴵⴻⵏ ⴰⴷ ⵙⵙⵏⴻⵏ ⵜⵉⴱⵓⵖⴰⵔ ⵏ ⵜⴳⴻⵎⵎⵉ (ⵜⵓⵔⴰⵜ) ⵜⴰⴳⴰⵎⴰⵏⵜ ⴷ ⵜⴷⴻⵍⵙⴰⵏⵜ ⵏ ⵜⵎⵓⵔⵜ ⵢⴻⵔⵏⵓ ⴰⴷ ⵏⴰⴷⵉⵏ ⵖⴻⴼ ⵢⵉⵏⵓⵔⴰⵔ ⵏ ⵡⴻⵎⵄⴰⵡⴻⵏ ⴷⴻⴳ ⵢⵉⵏⵓⵔⴰⵔ ⵏ ⵜⴽⴻⵔⵔⴰⵣⵜ ⴷ ⵜⵎⴻⵔⵔⵉⵜ.
ⵜⴰⵖⵍⴰⵎⵜ-ⴰ ⵜⵜⴻⴽⴽⴰⵏ ⴷⴻⴳ-ⵙ 100 ⵏ ⵢⵉⵎⴰⵙⵍⴰⴹⴻⵏ (ⴰⵄⴹⴰ’) ⵙⴻⴳ ⵜⵉⴷⴷⵓⴽⵍⵉⵡⵉⵏ ⵜⵉⴷⴻⵍⵙⴰⵏⵉⵏ ⵢⴻⵎⴳⴻⵔⵔⴰⴷⴻⵏ, ⵢⴻⵔⵏⵓ ⵍⵍⴰⵏ ⴷⴰⵖ ⴳⴰⵔ-ⴰⵙⴻⵏ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⴷ ⵢⵉⵏⴻⵍⵎⴰⴷⴻⵏ ⵏ ⵜⵥⵓⵔⵉⵡⵉⵏ ⵜⵓⵛⴱⵉⵃⵉⵏ.
ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵡⴻⵖⵍⵉⴼ ⵏ ⵢⴻⴷⵍⴻⵙ, ⵙⵎⴰⵉⵍ ⵧⵓⵍⴻⴱⵙⵉⵔ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⴰⵖⵍⵉⴼ ⵍⴰ ⵢⴻⵜⵜⴻⴳ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵉⵇⴻⵢⵢⴻⵎ ⵜⵉⴳⴻⵎⵎⵉ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⴰⵙⵍⴰⴹⴻⵏ ⵏ ⵜⴻⵖⵍⴰⵎⵜ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵡⴰⵀⵉⵍ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵙ ⵡⴻⵎⵄⴰⵡⴻⵏ ⴷ ⵡⴻⵖⵍⵉⴼ ⵏ ⵜⵎⴻⵔⵔⵉⵜ ⴰⴽⴽⴻⵏ ⴰⴷ ⵎⴱⴰⴷⴷⴰⵍⴻⵏ ⵜⵜⴻⵊⵕⵉⴱⴰⵜ ⵢⴻⵔⵏⵓ ⴰⴷ ⴷ-ⵔⴻⵥⵎⴻⵏ ⵉⵏⵓⵔⴰⵔ ⵏ ⵜⵉⵛⵛⵓⵔⴽⴰ.
ⵢⴻⵔⵏⴰ-ⴷ ⴷⴰⴽⴽⴻⵏ ⵜⵉⴷⵢⴰⵏⵉⵏ ⵜⵉⴷⴻⵍⵙⴰⵏⵉⵏ ⴷⴻⴳ ⵍⴻⵣⵣⴰⵢⴻⵔ ⵔⴻⵥⵎⴻⵏⵜ ⵉ ⵡⴰⵔⵔⴰⵡ ⵏ ⵡⴻⵎⵖⵉⵡⴰⵏ ⴰⵖⴻⵍⵏⴰⵡ ⵉⵣⴻⴷⵖⴻⵏ ⴷⴻⴳ ⵡⴻⵣⵖⴰⵔ.
ⵎⴰ ⴷ ⴰⵎⴰⵣⴰⵏ (ⵏⴰ’ⵉⴱ) ⵙⴰⵎⵉⵔ ⵛⵀⴰⴰⴱⵏⴰ, ⴰⴷ ⵢⴻⴷⴷⵓⵏ ⴷ ⵜⴻⴳⵔⴰⵡⵜ-ⴰ ⴰⵢ ⵢⴻⵔⵣⴰⵏ ⵢⴰⴳⵉ ⵖⴻⴼ ⵡⴰⵟⴰⵙ ⵏ ⵜⴻⵎⴷⵉⵏⵉⵏ ⵜⵉⴷⵣⴰⵢⵔⵉⵢⵉⵏ ⴷⴻⴳ 2013, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵣⵡⵓⵔ-ⴰ (ⵎⵓⴱⴰⴷⴰⵔⴰ) ⵉⵙⵡⵉ-ⵏⵏⴻⵙ ⴷ ⴰⵙⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⴳⴰⵔ ⵡⴰⵔⵔⴰⵡ ⵏ ⵡⴻⵎⵖⵉⵡⴰⵏ ⴰⴷⵣⴰⵢⵔⵉ ⵢⴻⵍⵍⴰⵏ ⴷⴻⴳ ⵡⴻⵣⵖⴰⵔ ⴷ ⵜⵎⵓⵔⵜ-ⵏⵙⴻⵏ ⵜⴰⵏⴻⵚⵍⵉⵜ, ⴰⵎ ⵡⴰⴽⴽⴻⵏ ⴰⴷ ⵜⴻⵏ-ⵢⴻⴵⴵ ⵡⴰⵢⴰ ⴰⴷ ⴷ-ⴱⴻⴷⵔⴻⵏ ⵙⵔⵉⴷ ⵉⵖⴻⴱⵍⴰⵏ-ⵏⵙⴻⵏ ⵉ ⵢⴻⵎⴹⴻⴱⴱⵔⴻⵏ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵛⵀⴰⴰⴱⵏⴰ ⴷⴰⴽⴽⴻⵏ ⴰⴷ ⴷ-ⵜⵉⵍⵉ ⴷⴰⵖ, ⴷⴻⴳ ⵡⴰⵢⵢⵓⵔ ⵏ ⵎⴰⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ, ⵜⴻⵥⵔⵉⴳⵜ ⵜⵉⵙ ⵙⵏⴰⵜ ⵏ ⵜⴻⴷⵢⴰⵏⵜ ⵓⵎⵉ ⵙⴻⵎⵎⴰⵏ « ⵍⴻⵣⵣⴰⵢⴻⵔ ⴷⴻⴳ ⵡⵓⵍ ».
