ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴳⴰⵔ ⵏ ⴽⵕⴰⴹ ⵏ ⵜⵎⴻⵔⵡⵉⵏ ⵉⵙⴻⵏⴼⴰⵔⴻⵏ ⵏ ⵉⵚⴰⴹⵓⴼⴻⵏ ⴷⴻⴳ ⵓⵎⵉⵣⵣⵡⴻⵔ ⵏ ⵡⴰⵙ ⵏ ⵜⴻⴷⵡⵉⵍⵜ ⵏ ⵜⴻⴼⵙⵓⵜ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⵓⴳⴰⵔ ⵏ ⴽⵕⴰⴹ ⵏ ⵜⵎⴻⵔⵡⵉⵏ ⵏ ⵢⵉⵙⴻⵏⴼⴰⵔⴻⵏ ⵉⵚⴰⴹⵓⴼⴻⵏ ⴰⴷ ⵜⵜⵡⴰⵣⴻⵔⵡⴻⵏ ⵓⵇⴱⴻⵍ ⴰⴷ ⵜⴻⵏ ⴱⵓⵟⵉⵏ ⵙⵏⴰⵜ ⵏ ⵜⴻⵅⵅⴰⵎⵉⵏ ⵏ ⵡⴻⵎⵏⵉ ⴷⵉ ⵜⴻⴷⵡⵉⵍⵜ-ⴰⴳⵉ ⵏ ⵜⴻⴼⵙⵓⵜ ⵢⴻⵜⵜⵓⵕⴻⵥⵎⴻⵏ ⴰⵙⵙ ⵏ ⵍⴰⵕⴻⴱⵄⴰ.
ⴰⵎⵏⵉ ⴰⴷ ⴷ-ⵢⴻⵍⵀⵉ ⴰⴽⴽⴰ, ⵙ ⵡⴻⵣⵔⴰⵡ ⴷ ⵓⵙⴽⴰⵙⵉ ⵏ ⵡⵓⴳⴰⵔ ⵏ ⴽⵕⴰⴹ ⵏ ⵜⵎⴻⵔⵡⵉⵏ ⵏ ⵢⵉⵙⴻⵏⴼⴰⵔⴻⵏ ⵉⵚⴰⴹⵓⴼⴻⵏ ⴷ-ⵉⵜⵜⵓⵀⴻⴳⴳⴰⵏ, ⴳⴰⵔ-ⴰⵙⴻⵏ ⵚⴰ (7) ⵏ ⵉⵚⵓⴹⴰⴼ ⵏⵉⴷⴰⵅⵍⵉⵢⴻⵏ ⴰⵍⵎⴻⵏⴷ ⵏ ⵢⵉⴱⴻⴷⴷⵉⵍⴻⵏ ⴷ-ⵢⴻⵍⵍⴰⵏ ⴷⵉ ⵜⵎⴻⵏⴷⴰⵡⵜ.
ⴷ ⵉⵚⴰⴹⵓⴼⴻⵏ ⵢⴻⵔⵣⴰⵏ ⵍⴰⴷⵖⴰ ⵡⵉⴷ ⵢⴻⵙⵙⴻⵍⵃⵓⵢⴻⵏ ⴰⵣⴻⵏⵣⵓⵢ ⵙ ⵣⵣⵢⴰⴷⴰ, ⴰⵙⴻⵏⴼⴰⵔ ⵢⴻⵔⵣⴰⵏ ⴰⵎⴻⵏⵏⵓⵖ ⵎⴳⴰⵍ ⵜⵉⵔⴻⴱⴱⵓⵢⴰⵄ ⵢⴻⵜⵜⵡⴰⵙⵓⴷⴷⵙⴻⵏ ⵏ ⵜⵉⴽⴽⵓⵕⴹⴰ, ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵔⵣⴰⵏ ⴰⵙⴻⴼⵜⵉ ⴷ ⵓⵏⴻⴳⵎⵓ ⵏ ⵜⴻⵕⵎⵉⵙⵉⵏ ⴰⴽⴽ ⴷ ⵓⵙⴻⵏⴼⴰⵔ ⵢⴻⵔⵣⴰⵏ ⴰⵙⴻⵅⴷⴻⵎ ⵏ ⵜⴻⵛⵕⴰⴹ ⴷⴻⴳ ⵢⵉⵙⵓⵔⵔⵉⴼⴻⵏ ⵏ ⵛⵕⴰⵄ ⴷ ⵓⵜⴻⴱⴱⴻⵜ ⵖⴻⴼ ⵢⴻⵎⴷⴰⵏⴻⵏ.
ⵉⵙⴻⵏⴼⴰⵔⴻⵏ ⵡⵉⵢⴰⴹ ⴰⴷ ⵉⵍⵉⵏ ⴷⵉ ⵜⵜⵉⵄⴰⴷ ⵏ ⵜⴻⴷⵡⵉⵍⵜ-ⴰⴳⵉ ⵏ ⵜⴻⴼⵙⵓⵜ ⵍⴰⴷⵖⴰ ⵡⵉⴷ ⵢⴻⵔⵣⴰⵏ ⵜⵉⴽⴻⴱⴱⵓⵏⴰⵢ ⵜⵉⵍⴻⵎⵎⴰⵙⵉⵏ ⴷ ⵜⵎⴻⵥⵢⴰⵏⵉⵏ (ⵒⵎⴻ), ⵜⴰⵄⵙⵙⴰⵙⵜ ⵏ ⵜⵉⵍⴰⵙ, ⵜⴰⵣⵎⴻⵔⵜ ⴷ ⵓⴷⴻⵍⵍⴻⵍ ⴰⴽⴽ ⴷ ⵓⵏⴰⴷⵉ ⴷⵉ ⵜⵎⵓⵖⵍⵉⵡⵉⵏ ⵏ ⵢⴻⵎⴷⴰⵏⴻⵏ.
