ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⴷⵔⴻⵎ ⵏ ⵢⵉⵡⴻⵜ ⵏ ⵜⵏⴰⴼⴼⴰⵔⵜ ⵏ ⵔⵔⴻⴱⵔⴰⴱ ⴰⴽⴽⴻⴷ ⴽⵔⴰⴹ (3) ⵍⴱⵓⵎⴱⴰⵜ ⵓⴼⵓⵙ ⴷⵉ ⵜⵓⴱⵉⵔⴻⵜ (ⵜⴰⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⵢⴻⵍⵍⴰ-ⴷ ⵓⵀⵓⴷⴷⵓ ⵏ ⵢⵉⵡⴻⵜ ⵏ ⵜⵏⴰⴼⴼⴰⵔⵜ (ⵍⴽⴰⵥⵎⴰ), ⴽⵔⴰⴹ (3) ⵏ ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ ⴰⴽⴽⴻⴷ ⴽⵔⴰ ⵏ ⵡⴰⵍⵍⴰⵍⴻⵏ ⵏ ⵓⵙⵟⴻⵔⴹⴻⵇ, ⴰⵙⵙ ⵏ ⵍⴰⵔⴻⴱⵄⴰ ⴷⴻⴳ ⵜⵓⴱⵉⵔⴻⵜ, ⵙⴻⴳ ⵜⴰⵎⴰ ⵏ ⵜⵙⴻⵏⵙⵉⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⵖⴻⴼ ⴰⴽⴽⴻⵏ ⵉ ⴷ-ⵉⵡⴻⴽⴽⴻⴷ ⵡⴻⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ) ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ.

« ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵔⵔⴻⴱⵔⴰⴱ, ⵜⴻⵙⵙⴰⵡⴻⴹ ⴰⵙⵙ ⵏ 02 ⵙⴻⴳ ⵎⴻⵖⵔⴻⵙ 2016 ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷⵉ ⵜⵓⴱⵉⵔⴻⵜ ( ⵜⴰⵎⴰ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵏⵣⵓⵜ) , ⴰⴷ ⵜⴻⵙⵙⴻⴷⵔⴻⵎ ⵜⴰⵏⴰⴼⴼⴰⵔⵜ , 3 ⵍⴱⵓⵎⴱⴰⵜ ⵢⴻⵜⵜⵡⴰⵅⴻⴷⵎⴻⵏ ⵙ ⵓⴼⵓⵙ, ⴰⴽⴽⴻⴷ ⵜⵜⴰⵡⵉⵍⴰⵜ ⵏ ⵓⵙⵟⴻⵕⴹⴻⵇ » ⵉ ⴷ-ⵢⴻⵏⵏⴰ ⵓⵖⵍⵉⴼ ⵏ ⵜⵎⴰⵃⴰⴷⴷⵉⵜ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵟⵟⴼⴻⵏ ⵢⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ (ⵉⴵⴰⴷⴰⵕⵎⵉⵢⴻⵏ) ⴷⴻⴳ ⵜⵍⴻⵎⵙⴻⵏ ⴰⴽⴽⴻⴷ ⵎⵙⴻⵜⵖⴰⵏⴻⵎ (ⵜⴰⵎⴰ ⵜⴰⵙⴻⵔⴷⴰⵙⴰⵏⵜ ⵜⵉⵙ 2) 777 ⴽⵉⵍⵓ ⵏ ⵍⴽⵉⴼ ».

ⵖⴻⵔ ⵜⴰⵎⴰ ⵏ ⵡⴰⵢⴰ, ⵜⵡⴻⴽⴽⴻⴷ-ⴷ ⵜⴻⵖⴱⴰⵍⵓⵜ-ⴰ ⴷⴰⴽⴽⴻⵏ ⵜⵉⵙⴻⵏⵙⵉⵔⵉⵏ ⵜⵓⴷⴷⵉⵙⵉⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴷⵉ ⵜⵎⴻⵏⵖⴻⵙⵜ ⴰⴽⴽⴻⴷ ⴱⵓⵔⴵ ⴱⴰⴵⵉ ⵎⵓⵅⵟⴰⵕ ( ⵉⵜⴻⴱⵄⴻⵏ ⵖⴻⵔ ⵜⴰⵎⴰ ⵜⴰⵙⴻⵔⴷⴰⵙⴰⵏⵜ ⵜⵉⵙ 6) ⵙⵙⵃⴻⴱⵙⴻⵏⵜ (19) ⵏ ⵢⵉⵎⵙⴻⵜⵜⵉⵢⴻⵏ, ⴰⴽⴽⴻⵏ ⵉ ⵟⵟⴼⴻⵏⵜ ⵙⵉⵏ ⵏ ⵢⵉⴽⴰⵎⵢⵓⵏⴻⵏ, ⵜⴰⴽⴻⵔⵔⵓⵙⵜ , 13 ⵏ ⵢⵉⵎⵏⴰⴷⵉⵢⴻⵏ ⵏ ⵓⵎⵖⵓⵣ, 28.7 ⵏ ⵢⵉⵟⵓⵏⴻⵏ ⵏ ⵢⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⴰⴽⴽⴻⴷ 1.160 ⵏ ⵍⵍⵉⵜⵔⴰⵜ ⵏ ⵓⵚⴻⵕⵖⵓ » .