ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵔⵎⴻⵙ ⵙⴻⵍⵍⴰⵍ ⴰⵏⴻⵖⵍⴰⴼ ⴰⵏⴳⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵔⵎⴻⵙ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵏⴻⵖⵍⴰⴼ ⴰⵏⴳⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ, ⴳⴻⵧⵔⴳⴻ ⵔⴻⴱⴻⵍⵧ ⵒⵉⵏⵜⵧ ⵛⵀⵉⴽⵧⵜⵉ, ⵉ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ.

ⴷⴻⴳ ⵜⴻⵎⵍⵉⵍⵉⵜ-ⴰ, ‘’ⵡⴻⴽⴽⴷⴻⵏ-ⴷ ⵖⴻⴼ ⵜⴰⵖⴰⵔⴰ ⵏ ⵡⴰⵙⵙⴰⵖⴻⵏ ⵉⵙⴻⵔⵜⴰⵏⴻⵏ, ⵉⵔⵓⵃⴻⵏ ⴰⴽⵉⵏ ⴷⴻⴳ ⵓⵎⴻⵣⵔⵓⵢ, ⵢⴻⵍⵍⴰⵏ ⴳⴰⵔ ⵙⵏⴰⵜ ⵜⵎⵓⵔⴰ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⵖⴻⴼ ⵡⴰⵢⴰ ⴰⴽⴽ, ⵉ ⵙⵉⵏ ⵢⴻⵃⵔⵉⵛⴻⵏ ⵎⵙⴻⴳⵣⵉⵏ ⴰⴷ ⵙⵟⵓⵇⵜⴻⵏ ⵉⵎⵢⴰⴳⵔⴻⵏ ⴰⴽⴽⴻⵏ ⴰⴷ ⵙⵏⴻⴼⵍⵉⵏ ⴰⵎⴱⵉⴷⴷⴻⵍ ⴰⴷⴰⵎⵙⴰⵏ ⴳⴰⵔ ⵙⵏⴰⵜ ⵜⵎⵓⵔⴰ’’.

ⴰⵎⵛⵉⵡⴻⵔ, ⵉ ⴷ-ⵢⴻⴹⵔⴰⵏ ⵙ ⵜⵉⵍⵉⵏ ⵏ ⵓⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ ⴰⴽⴽⴻⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵢⴰ, ⵙⴻⴳ ⵜⴰⵎⴰ ⵏⵏⵉⴹⴻⵏ ‘’ⵢⴻⵙⵙⴰⵡⴻⴹ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴽⴽⴻⴷ ⵢⵉⵏⴻⴱⴳⵉ-ⵙ ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵜⵓⵜⵜⵔⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴰⴽⴽⴻⴷ ⵜⴻⵎⵏⴰⴹⴰⵏⵉⵏ ⵉⴷⴻⴳ ⵜⴻⵍⵍⴰ ⵍⴼⴰⵢⴷⴰ ⵜⵓⵛⵔⵉⴽⵜ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵍⵖⵓ-ⵏⵏⵉ.