ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵙⴷⴰⵡⵉⵜ ⵏ ⵜⵉⵣⵉ ⵡⴻⵣⵣⵓ: ⵜⵓⵣⵡⵉⵔⵜ ⵜⴻⵜⵜⵓⵏⴻⴼⴽ ⵉ ⵓⵏⴻⵍⵎⴰⴷ
ⵜⵉⵣⵉ ⵡⴻⵣⵣⵓ– ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⵙⴷⴰⵡⵉⵜ ⵏ ⵎⵧⵓⵍⵧⵓⴷ ⵎⴰⵎⵎⴻⵔⵉ ⵏ ⵜⵉⵣⵉ ⵡⴻⵣⵣⵓ, ⵙⴰⵉⵙ ⵧⵓⴰⵔⴷⴰⵏⴻ, ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⴰⵖⴱⴻⵍ ⴰⵎⴻⵇⵔⴰⵏ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵜⴻⵙⴷⴰⵡⵉⵜ-ⴰ ⵏⴻⵜⵜⴰ ⴷ ⴼⴻⵔⵔⵓ ⵏ ⵡⵓⴳⵓⵔⴻⵏ ⵏ ⵢⵉⵏⴻⵍⵎⴰⴷⴻⵏ.
ⵜⴰⵙⴷⴰⵡⵉⵜ ⵏ ⵜⵉⵣⵉ ⵡⴻⵣⵣⵓ ⵜⴻⵡⵡⵉ-ⴷ ⵜⵉⴷⴷⵉⵜ ⴰⵢⴷⴻⴳ ⵍⴰ ⵜⵅⴻⴷⴷⴻⵎ ⴰⴽⴽⴻⵏ ⴰⴷ ⵜⴻⵙⵙⴰⵍⵉ ⴰⵙⵡⵉⵔ ⵏ ⵜⵖⴰⵔⴰ-ⵏⵏⴻⵙ ⵢⴻⵔⵏⵓ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⴼⴽ ⴰⵙⵙⵉⵍⴻⵖ (ⵜⴰⴽⵡⵉⵏ) ⵢⴻⵍⵀⴰⵏ ⵉ ⵓⵏⴻⵍⵎⴰⴷ ⴰⴽⴽⴻⵏ ⴰⴷ ⵢⴻⵣⵎⴻⵔ ⴰⴷ ⵢⴰⴼ ⴰⵎⴽⴰⵏ ⵏ ⵓⵅⴻⴷⴷⵉⵎ ⴰⵙⵎⵉ ⴰⴷ ⴷ-ⵢⴰⵡⵉ ⴰⴳⴻⵔⴷⴰⵙ-ⵏⵏⴻⵙ (ⵛⴰⵀⴰⴷⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⴰⵔⴷⴰⵏⴻ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢⴷⴻⴳ ⴰⵢ ⴷ-ⵢⴻⵙⵙⴰⵡⴻⵍ ⵖⴻⴼ ⵢⵉⵎⵓⵙⵙⴰ ⵏ ⵜⵎⴻⵙⴱⴰⵏⵉⵜ ⴰⵢ ⵍⴰ ⵜⵜⴳⴻⵏ ⴰⵎⴰ ⴷ ⵉⵏⴻⵍⵎⴰⴷⴻⵏ, ⴰⵎⴰ ⴷ ⵉⵙⴻⵍⵎⴰⴷⴻⵏ, ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ.
« ⵜⴰⵎⵓⵖⵍⵉ-ⵏⵏⴻⵖ ⵏ ⵜⴻⵙⴷⴰⵡⵉⵜ ⵜⴻⴼⴽⴰ ⴰⵣⴰⵍ ⵉ ⵓⵏⴻⵍⵎⴰⴷ ⵓⵎⵉ ⵢⴻⵙⵙⴻⴼⴽ ⴰⴷ ⵏⴻⴹⵎⴻⵏ ⴰⵙⵙⵉⵍⴻⵖ ⵏ ⵜⵖⴰⵔⴰ ⵙ ⵡⴻⴹⵎⴰⵏ ⵏ ⵜⵙⴻⵏⵙⴻⴳⵎⵉⵜ (ⴱⵉⴷⴰⵖⵓⴵⵉⵢⵢⴰ) ⵜⴰⵎⴻⵍⵍⵉⵍⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵜⵉⴷⴷⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⴽⴻⵎⵎⴻⵍ, ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⴷⴰⵖ ⴷⴻⴳ ⵜⴻⴳⵏⴰⵜⵉⵏ ⵉⴳⴻⵔⵔⵣⴻⵏ ⴰⴽⴽⴻⵏ ⴰⴷ ⵣⴻⵎⵔⴻⵏ ⵢⵉⵏⴻⵍⵎⴰⴷⴻⵏ ⴰⴷ ⵣⴻⵔⵡⴻⵏ (ⵢⴰⴷⵔⵓⵙⵓⵏ), ⵉⵙⴻⵍⵎⴰⴷⴻⵏ ⴰⴷ ⵏⴰⴷⵉⵏ ⵢⴻⵔⵏⵓ ⵉⵏⴰⵡⵓⵔⴻⵏ (ⵎⵓⵡⴰⴹⴹⴰⴼⵉⵏ) ⵏ ⵜⴻⵙⴷⴰⵡⵉⵜ ⴰⴷ ⴳⴻⵏ ⵍⴻⵛⵖⴰⵍ-ⵏⵙⴻⵏ ⴰⴽⴽⴻⵏ ⵉⵡⴰⵜⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⵓⵙⵙⴰ ⵏ ⵜⵎⴻⵙⴱⴰⵏⵉⵜ ⴷⴻⴳ ⵜⴻⵙⴷⴰⵡⵉⵜ ⵏ ⵜⵉⵣⵉ ⵡⴻⵣⵣⵓ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⵙⴷⴰⵡⵉⵜ ⴷⴰⴽⴽⴻⵏ ⴰⵜⴰⵏ ⵢⴻⵡⵊⴻⴷ ⵉ ⵡⴻⵎⵛⵉⵡⴻⵕ ⴷ ⵢⴻⵛⵔⵉⴽⴻⵏ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵏⴰⴱⴰⴹ ⵢⴻⵔⵏⵓ ⴷⴻⴳ ⵓⴽⴰⵜⴰⵔ (ⵉⵟⴰⵔ) ⵏ ⵡⴻⵎⵇⴰⴷⴻⵔ ».
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵛⵛⵡⴰⵍ ⴰⵢ ⴷ-ⵢⴻⵜⵜⵉⵍⵉⵏ ⵙⴻⴳ-ⴰ ⵖⴻⵔ ⴷⴰ ⴷⴻⴳ ⵜⴻⵙⴷⴰⵡⵉⵜ-ⴰ ⵜⵜⵉⵍⵉⵏ-ⴷ ⴷⴰⵖ ⴷⴻⴳ ⵜⴻⵙⴷⴰⵡⵉⵢⵉⵏ ⵏⵉⴹⴻⵏ ⵢⴻⵔⵏⵓ ⵜⵉⴽⴽⴰⵍ, ⴰⵛⵛⴻⵜⴽⵉ ⵢⴻⵜⵜⵉⵍⵉ-ⴷ ⵖⴻⴼ ⴽⵔⴰ ⵏ ⵜⵖⴰⵡⵙⵉⵡⵉⵏ ⴷ ⵜⵓⵣⵔⵉⴼⵉⵏ (ⵛⴰⵔⵄⵉⵢⵢⴰ) ⴰⵢⵢⴻⵙ ⵢⴻⵙⵙⴻⴼⴽ ⴰⴷ ⴷ-ⵍⵀⵓⵏ ⵢⵉⵎⴰⵙⴰⵢⴻⵏ ⵏ ⵜⴻⵙⴷⴰⵡⵉⵜ.
