ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 90.000 ⵏ ⵎⴻⴷⴷⴻⵏ ⴰⵢ ⵉⵔⴻⵡⵍⴻⵏ ⵙⴻⴳ ⵜⴻⵎⵏⴰⴹⵉⵏ ⵏ ⵢⵉⵎⴻⵏⵖⵉ ⴷⴻⴳ ⴷⴰⵕⴼⵓⵔ

ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵓⴳⴰⵔ 90.000 ⵏ ⵎⴻⴷⴷⴻⵏ ⴰⵢ ⵉⵔⴻⵡⵍⴻⵏ ⵙⴻⴳ ⵜⴻⵎⵏⴰⴹⵉⵏ ⴰⵢⴷⴻⴳ ⵢⴻⵏⴽⴻⵔ ⵢⵉⵎⴻⵏⵖⵉ ⴷ ⴰⵇⴻⵙⵃⴰⵏ ⴳⴰⵔ ⵢⵉⴳⴻⵏ (ⴵⴰⵢⵛ) ⴷ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ). ⵉⵎⴻⵏⵖⵉ-ⴰ ⵢⴻⵏⴽⴻⵔ ⴰⵣⴰⵍ ⵏ 6 ⵏ ⵍⴻⴷⵡⴰⵕ ⴰⵢⴰ ⴷⴻⴳ ⵊⴻⴱⴻⵍ ⵎⴰⵔⵔⴰ, ⴷⴻⴳ ⴷⴰⵕⴼⵓⵜ (ⴷⴻⴳ ⵓⵜⴰⵔⴰⵎ ⵏ ⵙⵓⴷⴰⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⴰⵙⵙ ⵏ ⵍⴻⵅⵎⵉⵙ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ.

ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵓⵛⵔⵉⴽ, ⵜⴰⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵏⴽⵧⵙⴰⵣⴰⵏⴰ ⴷⵍⴰⵎⵏⵉⵏⵉ-ⵣⵓⵏⴰ, ⴷ ⵓⵎⴰⵔⵓ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵙⵙⵓⵜⵔⴻⵏ ⵙⴻⴳ ⵙⵓⴷⴰⵏ ⴰⴷ ⵜⴻⴵⴵ ⵜⵓⵖⴷⴰⴹⵜ ⵏ ⵎⵉⵏⵓⴰⴷ (ⵜⵓⵖⴷⴰⴹⵜ ⵜⵓⵛⵔⵉⴽⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ ⴷⴰⵕⴼⵓⵔ) ⴰⴷ ⵜⴻⵙⵙⵉⵡⴻⴹ ⵍⴻⵎⵄⴰⵡⵏⴰ ⵖⴻⵔ ⵜⴻⵎⵏⴰⴹⵜ-ⴰ ⵏ ⵢⴻⴷⵔⴰⵔⴻⵏ.

ⵏⵏⴰⵏ-ⴷ ⵙⵉⵏ-ⴰ ⵏ ⵢⴻⵎⴹⴻⴱⴱⵔⴻⵏ ⴷⴰⴽⴽⴻⵏ « ⵜⴻⵛⵖⴻⴱ-ⵉⵜⴻⵏ ⴰⵟⴰⵙ ⵜⴻⵎⵙⴰⵍⵜ » ⵉⵎⵉ ⴰⵢ ⴷ-ⵔⴻⵡⵍⴻⵏ 90.000 ⵏ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⵖⴻⵔ ⴷⴰⵕⴼⵓⵔ ⵏ ⵓⴳⴰⴼⴰ, ⵏⵏⵉⴳ 2,6 ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴰⵢ ⵉⵔⴻⵡⵍⴻⵏ ⵢⴰⴳⵉ ⵓⵇⴱⴻⵍ ⵖⴻⴼ ⵍⴵⴰⵍ ⵏ ⵜⴰⵍⵓⴼⵜ ⵏ ⴷⴰⵕⴼⵓⵔ.

ⵢⴻⴼⴼⴻⵖ-ⴷ ⴷⴰⵖ ⵢⵉⵙⴰⵍⵉ, ⵓⵍⴰ ⵎⴰ ⵓⵔ ⴷ-ⵢⴻⵜⵜⵡⴰⵡⴻⴽⴽⴻⴷ ⴰⵔⴰ, ⵖⴻⴼ ⵜⵔⴻⵡⵍⴰ ⵏ ⵡⴰⵟⴰⵙ ⵏ ⵢⵉⵎⴻⵣⴷⴰⵖⴻⵏ ⵙⴻⴳ ⵜⵍⴻⵎⵎⴰⵙⵜ ⵏ ⴷⴰⵕⴼⵓⵔ ⵢⴻⵔⵏⵓ ⵡⴻⵔⵄⴰⴷ ⵓⵔ ⵙⵙⴰⵡⴹⴻⵏⵜ ⴰⵔⴰ ⵜⵓⴷⴷⵙⵉⵡⵉⵏ ⵏ ⵍⴻⵎⵄⴰⵡⵏⴰ ⴰⴷ ⴰⵡⴹⴻⵏⵜ ⵖⴻⵔ ⵢⵉⵎⵓⴽⴰⵏ-ⴰ ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⴰⵢⴰ.

ⵢⵓⵖ ⵍⵃⴰⵍ, ⵢⴻⵏⵏⴰ-ⴷ ⵢⴰⴳⵉ ⵢⵉⵡⴻⵏ ⵏ ⵓⵎⴰⵙⴰⵢ (ⵎⴰⵙ’ⵓⵍ) ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⴻⴳ ⵎⴻⵍⵎⵉ ⴽⴰⵏ ⴷⴰⴽⴽⴻⵏ ⵔⵏⴰⵏ ⵔⴻⵡⵍⴻⵏ 50.000 ⵏ ⵎⴻⴷⴷⴻⵏ ⵙⴻⴳ ⵢⴻⵅⵅⴰⵎⴻⵏ-ⵏⵙⴻⵏ ⴷⴻⴳ ⴷⴰⵕⴼⵓⵔ.

« ⵓⵍⴰⵛ ⵜⵉⴼⵔⴰⵜ ⵜⴰⵙⴻⵔⴷⴰⵙⴰⵏⵜ ⵉ ⵜⴰⵍⵓⴼⵜ ⵏ ⴷⴰⵕⴼⵓⵔ », ⵖⴻⴼ ⵡⴰⴽⴽⴻⵏ ⴰⵢ ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⵎⴰⵙⵙ ⴱⴰⵏ ⴷ ⵎⴰⵙⵙⴰ ⴷⵍⴰⵎⵉⵏⵉ-ⵣⵓⵎⴰ, ⵢⴻⵔⵏⵓ ⴳⵔⴻⵏ-ⴷ ⵜⵉⵖⵔⵉ ⵉ ⵍⴻⵎⵛⴰⵡⵕⴰⵜ.

ⴰⵎⴳⴰⵔⵓ-ⴰ (ⵃⴰⵔⴱ) ⵢⴻⴳⵍⴰ ⵙ 300.000 ⵏ ⵜⵎⴻⴷⴷⵓⵔⵉⵏ ⴷ 2,6 ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴰⵢ ⵉⵔⴻⵡⵍⴻⵏ ⵙⴻⴳ ⵢⴻⵅⵅⴰⵎⴻⵏ-ⵏⵙⴻⵏ ⵙⴻⴳ 2003, ⵖⴻⴼ ⵍⴻⵃⵙⴰⴱ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.