ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵍⴰ ⴷ-ⵜⵜⵀⴻⵢⵢⵉⵏ ⴰⴷ ⵙⴷⴻⵔⵎⴻⵏ ⵉⵅⵅⴰⵎⴻⵏ ⵉⴼⴰⵍⴻⵙⵟⵉⵏⵉⵢⴻⵏ

ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ– ⵀⴻⵢⵢⴰⵏ-ⴷ ⵢⵉⵖⴰⵍⵍⴻⵏ ⵉⵚⵔⴰⵢⵉⵍⵉⵢⴻⵏ ⵜⴰⴳⴻⵔⵜⵉⵍⵜ (ⵅⴰⵔⵉⵟⴰ) ⵉ ⵍⵎⴻⵏⴷ ⵏ ⵓⵙⵙⴻⴷⵔⴻⵎ ⵏ 3 ⵏ ⵢⴻⵅⵅⴰⵎⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⴳⴰⵏ-ⴷ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⵜⴰⴳⴻⵔⵜⵉⵍⵜ ⵏ 3 ⵏ ⵢⴻⵅⵅⴰⵎⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵢⵉⴹ ⵉ ⵍⵎⴻⵏⴷ ⵏ ⵓⵙⵙⴻⴷⵔⴻⵎ-ⵏⵙⴻⵏ. ⵢⵉⵡⴻⵏ ⵙⴻⴳ ⵢⴻⵅⵅⴰⵎⴻⵏ-ⴰ ⵢⵓⵙⴰ-ⴷ ⴷⴻⴳ ⵜⴰⴷⴷⴰⵔⵜ ⵏ ⴰⵍ-ⴻⵉⵣⴰⵔⵉⵢⴰ, ⵙⴷⴰⵜ ⵎⴰⴰⵍⴻ ⴰⴷⵓⵎⵉⵎ, ⴷⴻⴳ ⵡⴻⴳⵎⵓⴹ (ⵛⴰⵔⵇ) ⵏ ⵍⵇⵓⴷⵙ, ⵎⴰ ⴷ ⵙⵉⵏ ⵏⵉⴹⴻⵏ ⵓⵙⴰⵏ-ⴷ ⴷⴻⴳ ⵜⴰⴷⴷⴰⵔⵜ ⵏ ⵇⴰⵔⵢⵓⵜ, ⴷⴻⴳ ⵡⴻⴳⵎⵓⴹ ⵏ ⵔⴰⵎⴰⵍⵍⴰⵀ, ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ.

ⵢⵉⵡⴻⵏ ⵙⴻⴳ ⵢⴻⵅⵅⴰⵎⴻⵏ-ⴰ ⴷ ⴰⵢⵍⴰ ⵏ ⵜⵡⴰⵛⵓⵍⵜ ⵏ ⵙⴰⴰⴷⵉ ⴰⵍⵉ ⴰⴱⵓ ⴰⵀⵎⴰⴷ, ⴰⵢ ⴹⴹⴼⴻⵏ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ.

ⵙⵉⵏ-ⵏⵏⵉ ⵏ ⵢⴻⵅⵅⴰⵎⴻⵏ ⵏⵉⴹⴻⵏ ⴷ ⵡⵉⴷ ⵏ ⵜⵡⴰⵛⵓⵍⵉⵏ ⵏ ⵙⵉⵏ-ⵏⵏⵉ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵏ 17 ⵏ ⵢⵉⵙⴻⴳⴳⴰⵙⴻⵏ, ⵍⴰⴱⵉⴱ ⴰⵣⵣⴰⵎ ⴷ ⵎⵧⵀⴰⵎⵎⴻⴷ ⵣⴰⴳⵀⵍⵡⴰⵏ ⵏ ⵜⴰⴷⴷⴰⵔⵜ ⵏ ⵇⴰⵔⵢⵓⵜ, ⴰⵢ ⵏⵖⴰⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ.

ⴰⵙⵙⴻⴷⵔⴻⵎ ⵏ ⵢⴻⵅⵅⴰⵎⴻⵏ ⴷ ⵜⴰⵙⴻⵔⵜⵉⵜ ⴰⵢ ⵙⵇⴻⴷⵛⴻⵏ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⴰⵛⵃⴰⵍ ⴰⵢⴰ.

ⴰⵟⴰⵙ ⵏ ⵜⵡⴰⵛⵓⵍⵉⵏ ⴰⵢ ⵢⴻⵛⵛⴻⵜⴽⴰⵏ ⵖⴻⴼ ⵍⴰⵎⴻⵕ ⵏ ⵓⵙⵙⴻⴷⵔⴻⵎ ⴰⵢ ⴷ-ⵢⴻⴼⴼⵖⴻⵏ ⵖⴻⴼ ⵢⴻⵅⵅⴰⵎⴻⵏ-ⵏⵙⴻⵏ, ⵢⴻⵔⵏⵓ ⴰⵙⵙⴻⴷⵔⴻⵎ-ⴰ ⵢⴻⵔⵏⴰ ⵙⴻⴳ ⵜⵓⴱⴻⵕ ⵏ 2015. ⴷ ⴰⵛⵓ ⴽⴰⵏ, ⵛⵛⵕⴻⵄ ⴰⵏⴰⴼⴻⵍⵍⴰ (ⵎⴰⵃⴽⴰⵎⴰ ⵄⵓⵍⵢⴰ) ⵏ ⵉⵙⵕⴰⵢⵉⵍ ⵢⴻⵜⵜⴰⴳⵉ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵛⵛⴻⵜⴽⵉⵢⴻⵏ-ⴰ ⵢⴻⵔⵏⵓ ⵢⴻⵜⵜⴰⴽⴼ ⵜⵜⴻⵙⵔⵉⵃ ⵉ ⵓⵡⴰⵏⴰⴽ (ⴷⴰⵡⵍⴰ) ⵉⵙⵕⴰⵢⵉⵍⵉ ⴰⴷ ⵢⴻⵙⵙⴻⴷⵔⴻⵎ ⵉⵅⵅⴰⵎⴻⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ.

Ɣⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ ⴰⵏⴻⴳⴳⴰⵔⵓ ⵏ ⵜⵏⴰⵔⵉⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ (ⵧⵛⵀⴰ), ⵉⵙⵕⴰⵢⵉⵍ ⵜⴻⵙⵙⴻⴷⵔⴻⵎ ⵏⴻⵖ ⵜⴻⴽⴽⴻⵙ 283 ⵏ ⵢⴻⵅⵅⴰⵎⴻⵏ ⴷ ⵡⴰⵢⴻⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏ, ⵢⴻⵔⵏⵓ ⵉⵃⴻⵜⵜⴻⵎ ⵡⴰⵢⴰ 404 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴳⴰⵔ-ⴰⵙⴻⵏ 219 ⵏ ⵢⵉⴳⴻⵔⴷⴰⵏ, ⴰⴽⴽⴻⵏ ⴰⴷ ⵇⵇⵉⵎⴻⵏ ⵡⴰⵔ ⵜⴰⵏⴻⵣⴷⵓⵖⵜ.

ⵉⵙⵙⴻⴷⵔⴰⵎ-ⴰ ⵃⵓⵣⴰⵏ ⴷⴰⵖ 1150 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵏⵉⴹⴻⵏ ⴰⵢ ⵢⴻⵙⵕⵓⵃⴻⵏ ⵜⴰⵖⴱⴰⵍⵓⵜ ⵏ ⵓⵎⴻⴷⵅⵓⵍ-ⵏⵙⴻⵏ.