ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵎⵓⵜⴻⵏ 3, ⵊⴻⵔⵃⴻⵏ 3 ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵡⴻⴱⵔⵉⴷ ⴷⴻⴳ ⴵⴻⵍⴼⴰ

ⴵⴻⵍⴼⴰ– 3 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⵓ ⵊⴻⵔⵃⴻⵏ 3 ⵏⵉⴹⴻⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ ⵏ ⵡⴻⴱⵔⵉⴷ ⴷ-ⵢⴻⵍⵍⴰⵏ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⴵⴻⵍⴼⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ (ⵃⵉⵎⴰⵢⴰ ⵎⴰⴷⴰⵏⵉⵢⵢⴰ).

ⴰⵙⴻⵀⵡⵓ-ⴰ ⵢⴻⵍⵍⴰ-ⴷ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ 1ⵓ ⴷⴻⴳ ⵡⴻⵃⵔⵉⵛ ⵢⴻⵇⵇⵏⴻⵏ ⵄⵉⵏ ⵡⴻⵙⵙⴰⵔⴰ ⵖⴻⵔ ⴱⵓⴳⴻⵣⵣⵓⵍ (ⵍⴻⵎⴷⴻⵢⵢⴰ), ⴷⴻⴳ ⵡⴻⵎⴽⴰⵏ ⵓⵎⵉ ⵜⵜⵉⵏⵉⵏ « ⵍⴻⵅⵛⴻⵎ », ⵎⵉ ⵎⵢⴻⵡⵡⴰⵜⴻⵏⵜ ⵙⵏⴰⵜ ⵏ ⵜⴽⴻⵕⵕⵓⵙⵉⵏ ⵜⵉⴼⴻⵙⵙⴰⵙⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.

ⵡⵉⴷ ⵢⴻⵎⵎⵓⵜⴻⵏ ⴷ ⵢⵉⵡⴻⵏ ⵏ ⵡⴻⵔⴳⴰⵣ ⵏ 50 ⵏ ⵢⵉⵙⴻⴳⴳⴰⵙⴻⵏ, ⵢⵉⵡⴻⵜ ⵏ ⵜⵎⴻⵟⵟⵓⵜ ⵏ 40 ⵏ ⵢⵉⵙⴻⴳⴳⴰⵙⴻⵏ ⴷ ⵢⵉⵡⴻⵏ ⵏ ⵡⴻⴳⵔⵓⴷ ⵏ 4 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⵓ ⵎⵎⵓⵜⴻⵏ ⵉⵎⵉⵔ-ⵏⵏⵉ ⴽⴰⵏ. ⵎⴰ ⴷ ⵡⵉⴷ ⵉⵊⴻⵔⵃⴻⵏ ⴷ ⵙⵉⵏ ⵏ ⵢⴻⵎⴷⴰⵏⴻⵏ ⵉⵎⴻⵇⵔⴰⵏⴻⵏ ⴷ ⵢⵉⵡⴻⵜ ⵏ ⵜⴻⵇⵛⵉⵛⵜ ⵏ 7 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.

ⵉⵎⴻⵕⵃⵓⵎⴻⵏ ⴷ ⵢⵉⵎⴻⵊⵔⴰⵃ ⵡⵡⵉⵏ-ⵜⴻⵏ ⵖⴻⵔ ⵡⴻⵙⴱⵉⵟⴰⵔ ⵏ ⵄⵉⵏ ⵡⴻⵙⵙⴰⵔⴰ.

ⵢⴻⵜⵜⵡⴰⵔⵥⴻⵎ ⵡⴻⵃⵜⴰⵛ ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵏ ⵙⵙⴻⴱⴱⴰ ⵏ ⵓⵙⴻⵀⵡⵓ-ⴰ.