ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⵍⴰⵎⴰⵎⵔⴰ ⵢⴻⵔⵎⴻⵙ ⴰⵏⵎⴰⵣⵓⵍ ⵏ ⵓⵎⴰⵔⴰⵢ ⵏ ⵓⵡⴰⵏⴻⴽ ⴰⵟⴰⵍⵢⴰⵏⵉ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵓⵡⴰⵏⴻⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵔⵎⴻⵙ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⴰⵏⵎⴰⵣⵓⵍ ⵏ ⵓⵎⴰⵔⴰⵢ ⵏ ⵓⵡⴰⵏⴻⴽ ⴰⵟⴰⵍⵢⴰⵏⵉ ⴷⴻⴳ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵔⵔⴰ ⴰⴽⴽⴻⴷ ⵓⵎⴻⴷⵀⴻⵍ ⴰⴳⵔⴰⵖⵍⴰⵏ, ⵠⵉⵏⵛⴻⵏⵣⵧ ⴰⵎⴻⵏⴷⵧⵍⴰ, ⵢⵓⵙⴰ-ⴷ ⴷⴻⴳ ⵢⵉⵡⴻⵜ ⵏ ⵜⵉⵔⵣⵉ ⵏ ⵓⵎⴰⵀⵉⵍ ⵖⴻⵔ ⵍⴻⵣⵣⴰⵢⴻⵔ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴰⵎⵙⴰ, ⵎⴰⵙⵙ ⴰⵎⴻⵏⴷⵧⵍⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵙⴰⵖⴻⵏ ⵏ ⵜⴻⴳⵎⴰⵜ ⵉ ⵢⴻⵙⴷⵓⴽⵍⴻⵏ ⵍⴻⵣⵣⴰⵢⴻⵔ ⴰⴽⴽⴻⴷ ⵟⴰⵍⵢⴰⵏ ‘’ⵓⵔ ⵔⵣⴰⵏ ⴰⵔⴰ ⴽⴰⵏ ⴼⴻⵔⵔⵓ ⵏ ⵢⵉⴳⵏⴰ ⵏ ⵜⵓⵔⴰ, ⵎⴰⵛⴰ ⴰⵢⴰ ⴰⴷ ⵢⴻⵙⵙⵉⵡⴻⴹ ⵙⵏⴰⵜ ⵜⵎⵓⵔⴰ-ⴰ ⴰⴽⴽⴻⵏ ⴰⴷ ⵙⵏⴻⵥⵔⴻⵏ ⵉⵎⴰⵏ-ⵏⵙⴻⵏⵜ ⵖⴻⵔ ⵙⴷⴰⵜ.

’ⵏⴻⵙⵄⴰ ⵉⵙⴻⵏⴼⴰⵔⴻⵏ ⵏ ⵓⵎⴻⴷⵀⴻⵍ ⴰⴷⴰⵎⵙⴰⵏ ⵔⵏⵓ-ⴰⵙ ⵏⴻⵛⵔⴻⴽ ⵉⴳⵏⴰ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ, ⴷⵖⴰ ⵍⵉⵃⴰⵍⴰ ⴷⴻⴳ ⵍⵉⴱⵢⴰ, ⴰⴽⴽⴻⴷ ⵢⵉⵎⴰⵍ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴰⴽⴽⴻⴷ ⵜⴻⴼⵔⵉⵇⵜ’’, ⵉ ⵢⴻⵔⵏⴰ ⵢⴻⵏⵏⴰ-ⴷ ⵎⴰⵙⵙ ⴰⵎⴻⵏⴷⵧⵍⴰ.

ⵜⵉⵔⵣⵉ ⵏ ⵎⴰⵙⵙ ⴰⵎⴻⵏⴷⵧⵍⴰ ⵜⴻⴽⵛⴻⵎ ⴷⴻⴳ ⵓⴽⴰⵜⴰⵔ ⵏ ’’ⵓⵎⵛⵉⵡⴻⵔ ⴰⵙⴻⵔⵜⴰⵏ ⴰⵍⵓⴳⵏⴰⵏ ⵉ ⵙⵙⴻⵎⵔⴰⵙⴻⵏⵜ ⵙⵏⴰⵜ ⵜⵎⵓⵔⴰ, ⵉ ⵍⵎⴻⵏⴷ ⵏ ⵓⵎⵜⴰⵡⴰ ⵏ ⵜⴻⴳⵎⴰⵜ, ⵏ ⵜⵉⵍⵉⵏ ⵏ ⵙⵏⴰⵜ ⵜⵎⵓⵔⴰ ⴷ ⵜⵉⵊⵉⵔⴰⵜⵉⵏ ⴰⴽⴽⴻⴷ ⵓⵎⴻⴷⵀⴻⵍ ⵉ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵍⴻⵣⵣⴰⵢⴻⵔ ⴰⴽⴽⴻⴷ ⵟⴰⵍⵢⴰⵏ ⴷⴻⴳ ⵡⴰⵢⵢⵓⵔ ⵏ ⵢⴻⵏⵏⴰⵢⴻⵔ 2003’’, ⵉ ⴷ-ⵙⵎⴻⴽⵜⴰⵏ.