ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵀⵡⴰ ⵏ ⵡⴻⴱⵔⵉⴷ: ⵎⵎⵓⵜⴻⵏ 4 ⵢⴻⵔⵏⵓ ⵊⴻⵔⵃⴻⵏ 285 ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, 24 ⵎⴻⵖⵔⴻⵙ 2016 – 4 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴰⵎ ⵡⴰⴽⴽⴻⵏ ⵊⴻⵔⵃⴻⵏ 285 ⵏⵉⴹⴻⵏ ⴷⴻⴳ 230 ⵏ ⵢⵉⵙⴻⵀⵡⴰ ⵏ ⵡⴻⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⵍⵍⵉⵜ ⴳⴰⵔ 15 ⴷ 21 ⵏ ⵎⴻⵖⵔⴻⵙ ⴷⴻⴳ ⵜⴻⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴷ-ⵉⵇⴻⵔⴱⴻⵏ ⵖⴻⵔ-ⵙⴻⵏⵜ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ ⴰⵢ ⴷ-ⵜⴻⵙⵙⵓⴼⴼⴻⵖ ⴰⵙⵙ ⵏ ⵍⴻⵅⵎⵉⵙ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ.

ⵎⴰ ⵏⵇⵓⵔⴻⵏ ⵜⴰⵛⵔⴰⵡⵜ-ⴰ ⵖⴻⵔ ⵜⵉⵏ ⵏ ⴷⴷⵓⵕⵜ ⵢⴻⵣⵔⵉⵏ, ⴰⴷ ⴰⵖ-ⴷ-ⵉⴱⴰⵏ ⴷⴰⴽⴽⴻⵏ ⴰⵎⴹⴰⵏ (ⵄⴰⴷⴰⴷ) ⵏ ⵢⵉⵙⴻⵀⵡⴰ ⵢⴻⵔⵏⵓⴰ ⵙ ⵡⴰⵟⴰⵙ (+54) ⴰⵎ ⵡⴰⴽⴽⴻⵏ ⵢⴻⵔⵏⴰ ⵡⴻⵎⴹⴰⵏ ⵏ ⵢⵉⵎⴻⵊⵔⴰⵃ (+70) , ⵎⴰ ⴷ ⴰⵎⴹⴰⵏ ⵏ ⵢⵉⵎⴻⵜⵜⴰⵏⴻⵏ ⵢⴻⵏⵇⴻⵙ ⵙ 1.

ⴷ ⴰⵎⴷⴰⵏ ⴰⵢ ⴷ-ⵢⴻⵜⵜⵖⵉⵎⵉⵏ ⴷ ⵙⵙⴻⴱⴱⴰ ⵜⴰⴳⴻⵊⴷⴰⵏⵜ ⴷⴻⴳ ⵢⵉⵙⴻⵀⵡⴰ-ⴰ (87,40%) ⵖⴻⴼ ⵍⴵⴰⵍ ⵏ ⵜⴰⵣⵣⵍⴰ ⴷ ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵓⵎⴻⵛⵛⴰⵇ ⵏ ⵜⵖⴻⵍⵍⵉⵙⵜ.

ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴻⴳⴳⴰⵔ-ⴷ ⵜⵉⵖⵔⵉ ⵉ ⵉⵏⴻⵀⵀⴰⵕⴻⵏ ⴰⴽⴽⴻⵏ ⴰⴷ ⵜⵜⵇⴰⴷⴰⵔⴻⵏ ⵍⵇⴰⵏⵓⵏ ⵏ ⵡⴻⴱⵔⵉⴷ, ⴰⴷ ⵜⵜⴰⵔⵔⴰⵏ ⵍⵡⴻⵍⵀⴰ-ⵏⵙⴻⵏ ⵢⴻⵔⵏⵓ ⴰⴷ ⵜⵜⵃⴰⴷⴰⵔⴻⵏ, ⵍⴰⴷⵖⴰ ⵎⵉ ⵢⴻⵅⵚⴻⵔ ⵍⵃⴰⵍ.

ⵜⴰⵎⴻⵀⵍⴰ ⵜⴻⵙⵄⴰ ⴷⴰⵖ ⵓⴹⴹⵓⵏ ⴰⵣⴻⴳⵣⴰⵡ (1548) ⵉ ⵎⴻⴷⴷⴻⵏ ⴰⴽⴽⴻⵏ ⴰⴷ ⵙⵙⵓⵜⵔⴻⵏ ⵍⴻⵎⵄⴰⵡⵏⴰ.