ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵇⵙⴻⵏⵟⵉⵏⴰ 2015: ⵜⴰⵊⵎⵉⵍⵜ ⵉ ⵢⵉⵣⴻⴼⴼⴰⵏⴻⵏ ⵏ ⵓⵎⴻⵣⴳⵓⵏ ⴱⴻⵛⵀⴻⴽⵔⵉ, ⴷⴻⴽⴽⴰⵔ ⴷ ⵣⴻⵔⵎⴰⵏⵉ
ⵇⵙⴻⵏⵟⵉⵏⴰ– ⵢⴻⵔⵔⴰ ⵡⴻⵙⵔⵉⵔ ⴰⵇⵙⴻⵏⵟⵉⵏⵉ ⵏ ⴻⵍ ⵎⵉⵣⵀⴻⵔ ⴻⵍ ⵎⴰⵙⵔⴰⵀⵉ, ⵜⴰⵊⵎⵉⵍⵜ, ⴰⵙⵙ ⵏ ⵙⵙⴻⴱⵜ, ⵉ ⵢⵉⵣⴻⴼⴼⴰⵏⴻⵏ ⵏⵧⵓⵔⴻⴷⴷⵉⵏⴻ ⴱⴻⵛⵀⴻⴽⵔⵉ, ⴷⵊⴰⵎⴻⵍ ⴷⴻⴽⴽⴰⵔ ⴷ ⴰⵍⵍⴰⵧⵓⴰ ⵣⴻⵔⵎⴰⵏⵉ ⵏ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵇⵙⴻⵏⵟⵉⵏⴰ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ ⴷ ⵜⴰⵎⴻⵇⵔⴰⵏⵜ.
ⵜⴰⴼⵓⴳⵍⴰ-ⴰ (ⵃⴰⴼⵍ) ⵜⴻⵍⵍⴰ-ⴷ ⴷⴻⴳ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵇⵙⴻⵏⵟⵉⵏⴰ ⵡⵓⵖⵓⵔ ⴰⵢ ⴷ-ⵎⵍⴰⵍⴻⵏ ⴰⵟⴰⵙ ⵙⴻⴳ ⵡⴰⵢⵜ ⵓⵎⴻⵣⴳⵓⵏ, ⵉⵏⴰⵥⵓⵔⴻⵏ, ⵉⵎⴻⴷⴷⵓⴽⴰⵍ ⴷ ⵡⵉⴷ ⴰⵢ ⵢⴻⵜⵜⵉⵍⵉⵏ ⵉ ⵢⵉⵣⴻⴼⴼⴰⵏⴻⵏ-ⵏⵏⵉ, ⵢⴻⵔⵏⵓ ⵜⴻⵍⵍⴰ-ⴷ ⵜⴰ ⴷ ⵜⴰⴳⵏⵉⵜ ⵉ ⵓⵎⵎⴻⴽⵜⵉ ⵏ ⵡⴰⵛⵃⴰⵍ ⵏ ⵜⵎⴻⵔⵡⵉⵏ ⵏ ⵢⵉⵙⴻⴳⴳⴰⵙⴻⵏ ⵏ ⵡⴻⵙⵏⵓⵍⴼⵓ ⴷⴻⴳ ⵢⵉⵎⴻⵛⵡⴰⵕⴻⵏ ⵏ ⵢⵉⵏⴰⵥⵓⵔⴻⵏ-ⴰ ⵓⵎⵉ ⵜⵓⵖⴰⵍ ⵜⴻⵊⵎⵉⵍⵜ, ⵍⴰⴷⵖⴰ ⵉⵎⵉ ⴰⵢ ⵜⵜⴻⴽⴽⴰⵏ ⵎⵍⵉⵃ ⴷⴻⴳ ⵡⴻⵙⴱⴰⵏⵉ ⵏ ⵓⵎⴻⵣⴳⵓⵏ ⴰⵇⵙⴻⵏⵟⵉⵏⵉ.
ⵏⵧⵓⵔⴻⴷⴷⵉⵏⴻ ⴱⴻⵛⵀⴻⴽⵔⵉ ⵢⴻⵙⵙⴰⵡⴻⵍ-ⴷ ⵖⴻⴼ 40-ⵏⵏⵉ ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⴽⴽⴰ ⴷⴻⴳ ⵓⵎⴻⵣⴳⵓⵏ ⵏ ⵇⵙⴻⵏⵟⵉⵏⴰ ⵙ ⵢⵉⵙⴻⵎ-ⵏⵏⴻⵙ ⴷ ⴰⵣⴻⴼⴼⴰⵏ ⵢⴻⵔⵏⵓ ⴷ ⴰⵏⴻⴷⴱⴰⵍ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰ ⵎⴰ ⵉⵅⵓⵚⵚ ⵜⵜⴰⵡⵉⵍ, « ⴰⵎⴻⵣⴳⵓⵏ ⴷ ⵓⵀⴰⵏⴰⵢ (ⵄⴰⵔⴹ) ⵍⵍⴰⵏ ⴷ ⴰⵔⴰⵎⵙⵓ ⴰⵢ ⵉⵛⴻⵔⴽⴻⵏ ⴰⴽⴽ ⵡⵉⴷ ⵢⴻⵜⵜⴻⴽⴽⴰⵏ », ⵢⴻⵔⵏⵓ ⴰⵎⴻⵣⴳⵓⵏ ⵏ ⵇⵙⴻⵏⵟⵉⵏⴰ ⵢⴻⵍⵍⴰ ⴷ ⴰⵅⵅⴰⵎ ⵏ ⵓⴼⴻⴵⴵⴻⴵ ⴰⴷⴻⵍⵙⴰⵏ ⵉ ⵓⵙⵙⴻⴷⴷⵓ ⵏ ⵓⵎⴻⵣⴳⵓⵏ.
ⴰⵏⴰⵥⵓⵔ-ⴰ ⴰⵢ ⵢⴻⴱⴷⴰⵏ ⴰⵎⴻⵛⵡⴰⵕ-ⵏⵏⴻⵙ ⴷ ⴰⵃⴻⴼⴼⴰⴹ ⴷ ⵜⴻⴽⵔⵓⵜ ⵏ « ⵓⵎⴻⵣⴳⵓⵏ ⵏ ⵓⵎⴰⴹⴰⵍ ⴰⵎⴻⵥⵢⴰⵏ » ⵉ ⵢⵉⴳⴻⵔⴷⴰⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵏ 1970, ⵢⵓⴼⵔⴰⵔ-ⴷ ⵙ ⵡⴻⵎⵙⵓⴷⴻⵎ-ⵏⵏⵉ ⵢⴻⵙⵙⴻⴹⵙⴰⵢⴻⵏ ⵏ « ⵏⵓⵏⵓ » ⴰⵢ ⵢⴻⵍⵍⴰ ⵢⴻⵜⵜⵓⵔⴰⵔ-ⵉⵜ-ⵉⴷ ⵖⴻⵔ ⵢⵉⴷⵉⵙ ⵏ ⵓⵎⴻⵕⵃⵓⵎ ⴰⴱⴷⴻⵔⵔⴻⵣⴰⴽ ⴰⵢⴰⴷ, ⵓⵇⴱⴻⵍ ⵎⴰ ⵉⴳⴰ ⵉⵙⵓⵔⵉⴼⴻⵏ-ⵏⵏⴻⵙ ⵉⵎⴻⵣⵡⵓⵔⴰ ⴷⴻⴳ ⵓⵎⴻⵣⴳⵓⵏ ⵏ ⵢⵉⵎⴻⵇⵔⴰⵏⴻⵏ ⴷⴻⴳ ⵜⵛⴻⵇⵇⵓⴼⵜ ⵏ « ⵃⴻⵙⵏⴰ ⴷ ⵃⴰⵙⴰⵏ ».
ⴰⵍⵍⴰⵧⵓⴰ ⵣⴻⵔⵎⴰⵏⵉ ⵢⴻⴱⴷⴻⵔ-ⴷ ⵜⴰⵍⵍⵉⵜ ⵏ ⵡⵓⵔⴻⵖ ⵏ ⵓⵎⴻⵣⴳⵓⵏ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵣⴻⴼⴼⴰⵏⴻⵏ ⵍⵍⴰⵏ ⵙⵙⴰⵡⴰⴹⴻⵏ ⴰⴷ ⴷ-ⴽⴽⴻⵏ ⵏⵏⵉⴳ ⵍⴻⵅⵚⴰⵚ ⵏ ⵜⵜⴰⵡⵉⵍ ⴰⴽⴽⴻⵏ ⴰⴷ ⴷ-ⴳⴻⵏ ⴰⵀⴰⵏⴰⵢ (ⵄⴰⵔⴹ) ⵢⴻⵍⵀⴰⵏ.
ⵎⴰ ⴷ ⴷⵊⴰⵎⴻⵍ ⴷⴻⴽⴽⴰⵔ, ⵏⵏⴰⵏ-ⴷ ⴼⴻⵍⵍ-ⴰⵙ ⵡⵉⴷ ⵉⵃⴻⴷⵕⴻⵏ ⴷⴰⴽⴽⴻⵏ ⵢⴻⵍⵍⴰ ⴷ ⴰⵙⴷⴰⵡⴰⵏ (ⴵⴰⵎⵉⵄⵉ) ⵢⴻⵔⵏⵓ ⵢⴻⴱⴷⴰ ⴰⵎⴻⵛⵡⴰⵕ-ⵏⵏⴻⵙ ⴰⵎⴻⵣⴳⵓⵏⴰⵏ ⴷⴻⴳ ⵡⴰⵎⵎⴰⵙ ⴰⵎⵏⴰⴹⴰⵏ ⵏ ⵡⴻⵔⵎⵓⴷ ⴰⴷⴻⵍⵙⴰⵏ ⴰⵙⵎⵉ ⴰⵢ ⵜ-ⵎⴰⵣⴰⵍ ⴷ ⴰⵏⴻⵍⵎⴰⴷ.
