ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴻⵥⵍⵓ ⴰⵖⴻⵍⵏⴰⵡ : ⴷ ⵢⵉⵡⴻⵏ ⵏ ⵍⵡⴰⴵⴻⴱ ⵉ ⵢⴻⵜⵜⵄⴰⵡⴰⵏⴻⵏ ⵉⵍⴻⵎⵥⵉⵢⴻⵏ ⴰⴽⴽⴻⵏ ⴰⴷ ⴽⴻⵛⵎⴻⵏ ⵖⴻⵔ ⵜⵓⴷⴻⵔⵜ ⵜⴰⵏⵎⴻⵜⵜⵉⵜ ⴰⴽⴽⴻⴷ ⵜⴷⴰⵎⵙⴰⵏⵜ

ⴱⵍⵉⴷⴰ – ⴰⵎⴻⵥⵍⵓ ⴰⵖⴻⵍⵏⴰⵡ ⴷ ⵢⵉⵡⴻⵏ ⵏ ⵍⵡⴰⴵⴻⴱ ⴰⵔⴰ ⵢⴻⴵⴵⴻⵏ ⵉⵍⴻⵎⵥⵉⵢⴻⵏ ⴰⴷ ⵙⴼⴰⵢⴷⵉⵏ ⵙⴻⴳ ⵢⵉⵡⴻⵏ ⵏ ⵓⵙⵉⵍⴻⵖ ⴰⵙⴰⴷⵓⵔⴰⵏ, ⴰⵢⴰ ⴰⴷ ⵜⴻⵏ ⵢⴰⵍⵍⴻⵍ ⴰⴽⴽⴻⵏ ⴰⴷ ⴽⴻⵛⵎⴻⵏ ⴷⴻⴳ ⵜⵓⴷⴻⵔⵜ ⵜⴰⵏⵎⴻⵜⵜⵉⵜ ⴰⴽⴽⴻⴷ ⵜⴷⴰⵎⵙⴰⵏⵜ ⵏ ⵜⵎⵓⵔⵜ, ⵉ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⴱⵍⵉⴷⴰ, ⵓⵎⴻⵏⵣⴰⴹ ⵏ ⵜⵔⴻⴷⵙⴰ ⵏ ⵢⵉⵍⵍⴻⵍ (ⵜⴰⵎⵏⴰⴹⵜ ⵜⵓⵔⴷⵉⵙⵜ ⵜⴰⵎⴻⵣⵡⴰⵔⵓ), ⴰⵊⵉⵏⵉⵔⴰⵍ ⵙⴰⵎⴰⵀⴰ ⵣⵉⵏⴻⴷⴷⵉⵏⴻ.

ⵢⴻⵎⵎⴻⵙⵍⴰⵢ-ⴷ ⵉ ⵍⵎⴻⵏⴷ ⵏ ⵜⴻⵡⵡⵓⵔⴰ ⵢⴻⵍⴷⵉⵏ ⵖⴻⴼ ⵓⵎⴻⵥⵍⵓ ⴰⵖⴻⵍⵏⴰⵡ, ⵉ ⴷ-ⵢⴻⴹⵔⴰⵏ ⴷⴻⴳ ⵓⵍⴻⵎⵎⴰⵙ ⵏ ⵓⵎⴻⵥⵍⵓ ⴰⵖⴻⵍⵏⴰⵡ ⵏ ⵜⴻⵎⵏⴰⴹⵜ ⵜⵓⵔⴷⵉⵙⵜ ⵜⴰⵎⴻⵣⵡⴰⵔⵓⵜ, ⵢⴻⵏⵏⴰ-ⴷ ⵓⵊⵉⵏⵉⵔⴰⵍ ⵙⴰⵎⴰⵀⴰ ⵉ ⵍⵎⴻⵏⴷ ⵏ ⵓⵙⴻⴽⵙⴻⵎ ⵏ ⵓⵚⴰⴹⵓⴼ ⴰⵎⴰⵢⵏⵓ ⵖⴻⴼ ⵓⵎⴻⵥⵍⵓ ⴰⵖⴻⵍⵏⴰⵡ, ⵢⴻⵔⵣⴰ ’’ⴰⵙⴻⵏⵖⴻⵙ ⵏ ⵡⴰⴽⵓⴷ ⵏ ⵍⵡⴰⴵⴻⴱ ⴰⵖⴻⵍⵏⴰⵡ ⵖⴻⵔ 12 ⵡⴰⵢⵢⵓⵔⴻⵏ’’.

ⴷ ⵢⵉⵡⴻⵜ ⵏ ⵓⵖⵜⴰⵙ ⵉ ⵣⵓⵍⴻⵏ ⴰⵟⴰⵙ ⵢⴻⵎⴷⴰⵏⴻⵏ’’, ⴰⵢⴰ ⵢⴻⵙⵙⴻⴼⵔⴻⵃ-ⴰⵖ.

ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴻⵥⵍⵓ ⴰⵖⴻⵍⵏⴰⵡ ⴷ ⵢⵉⵡⴻⵜ ⵏ ‘’ⵜⴻⵣⴷⵉⵜ ⴳⴰⵔ ⵢⴻⵎⴷⴰⵏⴻⵏ ⴰⴽⴽⴻⴷ ⵜⵙⵓⴷⵓⵜ ⵜⵓⵔⴷⵉⵙⵜ’’, ⵉⴷⴻⵔⵔⴻⵔ-ⴷ ⴷⴰⴽⴽⴻⵏ ⵍⵡⴰⴵⴻⴱ-ⴰ ⴰⵖⴻⵍⵏⴰⵡ ⵢⴻⵙⵙⴰⵡⴻⴹ ⵉⵍⴻⵎⵥⵉⵢⴻⵏ ⵉⵣⵣⴰⵢⵔⵉⵢⴻⵏ, ⵢⴻⵎⵎⴻⵥⵍⴻⵏ ⴷⴻⴳ ⵓⵙⵡⵉⵔ ⵏ ⵓⵍⵎⴰⴷ ⴰⴽⴽⴻⴷ ⵍⵉⵃⴰⵍⴰ ⵜⴰⵏⵎⴻⵜⵜⵉⵜ, ⴰⴽⴽⴻⵏ ⴰⴷ ⵥⵥⴷⴻⵏ ⴰⵙⵙⴰⵖⴻⵏ ⵏ ⵜⴻⴳⵎⴰⵜ, ⵔⵏⴰⵏ ⴼⴽⴰⵏ ⵜⴰⵙⴻⴽⵜⴰ ⵏⵏⵉⴹⴻⵏ ⵉ ⵜⴻⴽⵜⵉ-ⴰ ⵏ ⵓⵖⵍⴰⵏ.