ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵖⵍⴰⴼ ⵏ ⵡⴻⵍⵎⵓⴷ ⵉⵎⵉⵏⴻⴳ ⵢⴻⵎⵎⵓⴳⴻⵔ ⴰⵎⴻⵙⵖⵉⵡⴰⵏ ⵏ ⵎⵉⵍⴰⵏⵧ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵡⴻⵍⵎⵓⴷ ⵉⵎⵉⵏⴻⴳ, ⵜⴰⵀⴰⵔ ⵀⴰⴷⵊⴰⵔ, ⴰⵙⵙ ⵏ ⵍⴻⵜⵏⵉⵢⴻⵏ, ⴰⵎⴻⵙⵖⵉⵡⴰⵏ ⵏ ⵎⵉⵍⴰⵏⵧ, ⴳⵉⵓⵍⵉⴰⵏⵧ ⵒⵉⵙⴰⵒⵉⴰ ⴰⵢ ⴷ-ⵉⴳⴰⵏ ⵜⵉⵔⵣⵉ ⵏ ⵓⵅⴻⴷⴷⵉⵎ ⵖⴻⴼ ⵍⴻⵣⵣⴰⵢⴻⵔ.
« ⵢⴻⵍⵍⴰ-ⴷ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵓⵎⴻⵏⵣⴰⵢ ⵉ ⵓⵙⵙⴻⴱⴷⴻⴷ ⵏ ⵢⵉⵡⴻⵜ ⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵏ ⵓⵅⴻⴷⴷⵉⵎ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵍⴱⴻⵏⵢⴰⵏⴰⵜ ⵉⵙⴻⵏⵣⵉⴽⴰⵏⴻⵏ ⵙ ⵍⴻⵎⵄⴰⵡⵏⴰ ⵏ ⵢⵉⵎⴰⵣⵣⴰⴳⴻⵏ ⵉⵟⴰⵍⵢⴰⵏⵉⵢⴻⵏ ⵢⴻⵍⵍⴰⵏ ⴷ ⵜⴰⵎⵓⵔⵜ ⵉⵥⴻⵡⵔⴻⵏ ⴷⴻⴳ ⵡⴻⵏⵔⴰⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⴷⵊⴰⵔ ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵡⴻⵎⵢⴰⴳⴻⵔ-ⴰ.
« 49 ⵏ ⵢⴻⵎⵜⴰⵡⴰⵢⴻⵏ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵜⴻⵙⴷⴰⵡⵉⵢⵉⵏ ⵜⵉⵟⴰⵍⵢⴰⵏⵉⵢⵉⵏ ⴷ ⵜⴷⵣⴰⵢⵔⵉⵢⵉⵏ ⵉ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵡⴻⵎⵄⴰⵡⴻⵏ ⴷⴻⴳ ⵡⴻⵏⵔⴰⵔ ⵏ ⵓⵏⴰⴷⵉ ⵓⵙⵙⵏⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵍⵍⴰⵏⵜ « ⵜⴻⵖⵍⴰⵎⵉⵏ ⵜⵓⵅⵍⵉⴹⵉⵏ ⵏ ⵓⵏⴰⴷⵉ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ».
ⵢⴻⵍⵍⴰ-ⴷ ⴷⴰⵖ ⵡⴰⵡⴰⵍ, ⴷⴻⴳ ⵡⴻⵎⵢⴰⴳⴻⵔ-ⴰ, ⵖⴻⴼ « ⵡⴰⵣⴰⵍ ⵏ ⵡⴻⵙⵎⴰⵍ ⵏ ⵓⵙⵙⴻⵍⵎⴻⴷ ⵏ ⵜⵟⴰⵍⵢⴰⵏⵉⵜ ⴷⴻⴳ ⵜⴻⵙⴷⴰⵡⵉⵢⵉⵏ ⵜⵉⴷⵣⴰⵢⵔⵉⵢⵉⵏ ».
ⵙⴻⴳ ⵢⵉⴷⵉⵙ-ⵏⵏⴻⵙ , ⵉⵡⴻⴽⴽⴻⴷ-ⴷ ⵓⵎⴻⵙⵖⵉⵡⴰⵏ ⵏ ⵎⵉⵍⴰⵏⵧ ⵖⴻⴼ ⵡⴰⵣⴰⵍ ⵏ « ⵓⵙⵙⴻⵊⵀⴻⴷ ⵏ ⵡⴻⵎⵄⴰⵡⴻⵏ ⴳⴰⵔ ⵜⴻⵙⴷⴰⵡⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵟⴰⵍⵢⴰⵏⵉⵢⵉⵏ ⵍⴰⴷⵖⴰ ⴷⴻⴳ ⵡⴻⵏⵔⴰⵔ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵓⵙⵙⴻⵊⵀⴻⴷ ⵏ ⵓⵙⵙⴻⵍⵎⴻⴷ ⵏ ⵢⵉⵍⴻⵎⵥⵉⵢⴻⵏ ».
