ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⴳⴻⵙⵜⵓⵔ: ⵙⵏⴰⵜ ⵏ ⵜⵣⴰⵍⵖⵉⵡⵉⵏ ⵏ ⵡⴻⴱⵕⵓⵏⵣ ⵉ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵔⴻⴱⵃⴻⵏⵜ-ⴷ ⵜⴷⵣⴰⵢⵔⵉⵢⵉⵏ ⵙⴰⵔⴰⵀ ⴰⵜⵔⵧⵓⵣ ⴷ ⴰⴱⵉⴽ ⴱⵧⵓⵏⴳⴰⴱ ⵙⵏⴰⵜ ⵏ ⵜⵣⴰⵍⵖⵉⵡⵉⵏ ⵏ ⵡⴻⴱⵕⵓⵏⵣ ⴷⴻⴳ ⵜⴽⵓⴱⴰ ⵏ ⵜⵙⴻⴷⵏⴰⵏ (ⵉⵎⴻⵏⵖⵉ ⴰⵜⴻⵔⵔⴰⵙⴰⵏ) ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⴳⴻⵙⵜⵓⵔ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵇⵇⴰ ⵏ ⵀⴰⵔⵛⵀⴰ-ⵀⴰⵛⴻⵏⴻ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).

ⵙⴰⵔⴰⵀ ⴰⵜⵔⵧⵓⵣ ⵢⴻⵍⵍⴰⵏ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ ⴷⴻⴳ ⵜⴰⴳⴳⴰⵢⵜ ⵏ ⵢⵉⵍⴻⵎⵥⵉⵢⴻⵏ (17 ⵏ ⵢⵉⵙⴻⴳⴳⴰⵙⴻⵏ) ⵜⴻⵅⵚⴻⵔ ⴷⴻⴳ ⵡⴻⵣⴳⴻⵏ ⵏ ⵜⵏⴻⴳⴳⴰⵔⵓⵜ ⵎⴳⴰⵍ ⵜⵎⴰⵚⵔⵉⵜ ⵎⴻⵏⵏⴰⵜⴰⵍⵍⴰ ⴰⵀⵎⴻⴷ (12 ⵖⴻⵔ 15), ⵎⴰ ⴷ ⴰⴱⵉⴽ ⴱⵧⵓⵏⴳⴰⴱ ⵜⴻⵔⵏⴰ-ⵜⵜ ⵜⵜⵓⵏⵙⵉⵜ ⴰⵣⵣⴰ ⴱⴻⵙⴱⴻⵙ ⵙ ⵡⴻⴳⵎⵓⴹ ⵏ 4 ⵖⴻⵔ 15.

ⴷⴻⴳ ⵜⵏⴻⴳⴳⴰⵔⵓⵜ, ⴷ ⵜⴰⵜⵓⵏⵙⵉⵜ ⴰⵣⵣⴰ ⴱⴻⵙⴱⴻⵙ (25 ⵏ ⵢⵉⵙⴻⴳⴳⴰⵙⴻⵏ) ⴰⵢ ⵢⴻⵔⵏⴰⵏ ⵜⴰⵎⴰⵚⵔⵉⵜ ⵎⴻⵏⵏⴰⵜⴰⵍⵍⴰ ⴰⵀⵎⴻⴷ ⵙ 15 ⵏ ⵜⵉⵏⵏⴰⵍⵉⵢⵉⵏ ⵖⴻⵔ 8. ⵙ ⵡⴰⵢⴰ, ⴷ ⵜⵉⴽⴽⴻⵍⵜ ⵜⵉⵙ 18 ⴰⵢⴷⴻⴳ ⴱⴻⵙⴱⴻⵙ ⴰⴷ ⴷ-ⵜⴻⵔⴱⴻⵃ ⴰⵔⵔⴰⵣ ⴰⴼⵔⵉⵇⵉ ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⴱⴻⵃ 2 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ ⴷⴻⴳ ⵜⴻⵍⵖⵓⵖⴰ-ⴰ ⴷⴻⴼⴼⵉⵔ ⵎⴰ ⵜⴻⵔⴱⴻⵃ-ⴷ ⵜⴰⵎⴻⵣⵡⴰⵔⵓⵜ, ⴰⵙⵙ ⵏ ⵍⵊⴻⵎⵄⴰ, ⵎⴳⴰⵍ ⵡⴻⵍⵜⵎⴰ-ⵙ ⵜⴰⵎⴻⵇⵔⴰⵏⵜ ⴷⴻⴳ ⵢⵉⵎⴻⵏⵖⵉ ⴰⵜⴻⵔⵔⴰⵙⴰⵏ ⵙ ⵓⴳⴻⵙⵜⵓⵔ.

ⵖⴻⵔ ⵢⴻⵔⴳⴰⵣⴻⵏ, ⴰⵙⵙ ⵡⵉⵙ ⵙⵉⵏ ⵏ ⵜⴻⵍⵖⵓⵖⴰ-ⴰ ⴷ ⵡⵉⵏ ⴰⵢⴷⴻⴳ ⴷ ⴰⵙⵉⵏⵉⴳⴰⵍⵉ ⴰⵍⴻⵅⴰⵏⴷⵔⴻ ⴱⵧⵓⵣⴰⵉⴷ ⴰⵢ ⵉⵔⴻⴱⵃⴻⵏ ⵜⴰⵏⴻⴳⴳⴰⵔⵓⵜ ⵎⴳⴰⵍ ⵓⵎⴰⵚⵔⵉ ⴰⵢⵎⴰⵏ ⴼⴰⵢⴻⵣ ⵙ 10 ⵏ ⵜⵉⵏⵏⴰⵍⵢⵉⵏ ⵖⴻⵔ 6.