ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵍⴻⵎⵙⴰⵏ: ⴰⵏⵇⴰⵙ ⵏ ⵜⴻⵎⵙⴰⵍ ⵏ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ ⵙ 70% ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016

ⵜⵍⴻⵎⵙⴰⵏ– ⵢⴻⵏⵇⴻⵙ ⵡⴻⵎⴹⴰⵏ ⵏ ⵜⴻⵎⵙⴰⵍ ⵏ ⵓⵙⵙⴻⵜⵜⵉ (ⵜⴰⵀⵔⵉⴱ) ⵙ 70% ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2016 ⴷⴻⴳ ⵜⵡⵉⵍⴰⵢⵜ ⵏ ⵜⵍⴻⵎⵙⴰⵏ ⵖⴻⴼ ⵍⴻⵃⵙⴰⴱ ⵏ ⵢⵉⵍⵉⵏⴷⵉ ⵜⴰⵍⵍⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴻⵏⵣⴰⴹ (ⵇⴰ’ⵉⴷ) ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ ⵏ ⵜⴻⵎⵏⴰⴹⵜ-ⴰ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ.

ⵉⵅⴻⴱⴱⴻⵔ-ⴷ ⵓⴳⴻⵏⵙⴻⵙ-ⴰⴽⵏⴰⵏⴻⵔ ⵎⵧⵀⴰⵎⴻⴷ ⵙⴰⵍⴰⵀ ⵔⴻⴼⴰⴷⴰ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ, ⴷⴰⴽⴽⴻⵏ ⴰⵎⴹⴰⵏ ⵏ ⵜⴻⵎⵙⴰⵍ ⵏ ⵓⵙⵙⴻⵜⵜⵉ ⵢⴻⵏⵇⴻⵙ-ⴷ ⵖⴻⵔ 127, ⴷⴻⴼⴼⵉⵔ ⵎⴰ ⵍⵍⴰⵏⵜ-ⴷ 441 ⵏ ⵜⴻⵎⵙⴰⵍ ⵏ ⵓⵙⵙⴻⵜⵜⵉ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⴳⴳⴰⵙ-ⴰ, 120.035 ⵏ ⵢⵉⵍⵉⵜⵔⴻⵏ ⵏ ⵓⵙⴻⵔⵖⵓ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ (ⵢⵉⵍⵉ ⵉⵍⵉⵏⴷⵉ ⵜⵜⵡⴰⴹⴹⴼⴻⵏⵜ 460.870 ⵏ ⵢⵉⵍⵉⵜⵔⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ). ⵎⴰ ⴷ ⵜⴰⵙⵎⴻⴽⵜⴰ ⵏ ⵜⵓⵞⵞⵉⵜ ⴰⵢ ⵢⴻⵜⵜⵡⴰⴹⴹⴼⴻⵏ ⴰⵙⴻⴳⴳⴰⵙ-ⴰ ⵜⴻⵏⵇⴻⵙ-ⴷ ⵖⴻⵔ 265 ⵏ ⵢⵉⴽⵉⵍⵓⴳⵕⴰⵎⴻⵏ ⵢⵉⵍⵉ ⵉⵍⵉⵏⴷⵉ, 1.783 ⵏ ⵢⵉⴽⵉⵍⵓⴳⵕⴰⵎⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵜⵡⴰⴹⴹⴼⴻⵏ 7.234 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵏⵏⵃⴰⵙ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵜⴻⵣⵡⴰⵔⴰ ⵏ ⵓⵙⴻⴳⴳⴰⵙ-ⴰ, ⵢⵉⵍⵉ ⵜⵜⵡⴰⴹⴹⴼⴻⵏ 9.850 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015.

ⵜⴰⵎⵙⴻⵜⵍⴻⵍⵜ ⵜⴻⵙⵙⴰⵡⴻⴹ ⵖⴻⵔ ⵢⴻⴳⵎⴰⴹ-ⴰ ⵙ ⵓⵙⵙⵓⴳⴳⴻⵜ ⵏ ⵜⴻⵏⵇⵉⴹⵉⵏ ⵏ ⵜⵄⴻⵙⵙⴰⵙⵜ, ⵜⵉⵎⴻⵣⵣⵉⵢⵉⵏ (ⴷⴰⵡⵔⵉⵢⵢⴰⵜ) ⴷ ⵢⴻⴽⵎⵉⵏⴻⵏ ⴰⵢ ⵍⴰ ⵜⴻⵜⵜⴻⴳ ⵜⴻⵎⵙⴻⵜⵍⴻⵍⵜ ⴷⴻⴳ ⵢⴻⴱⵔⵉⴷⴻⵏ ⴷ ⵜⴻⵣⵔⵉⴱⵉⵏ ⵏ ⵜⵡⵉⵍⴰⵢⵜ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵉⵏ ⵉⵇⴻⵔⴱⴻⵏ ⵖⴻⵔ ⵜⵍⵉⵙⴰ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵓⴽⴰⵜⴰⵔ ⵏ ⵓⵖⴰⵡⴰⵙ ⵏ « ⵍⴰⵍⵍⴰ ⵎⴻⵖⵏⴻⵢⵢⴰ » ⵉ ⵍⵎⴻⵏⴷ ⵏ ⵓⵙⵙⴻⵃⵕⴻⵙ ⵏ ⵜⴻⴳⵏⵉⵜ ⵖⴻⴼ ⵢⴻⵎⵙⴻⵜⵜⵉⵢⴻⵏ (ⵎⵓⵀⴰⵔⵔⵉⴱⵉⵏ).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⵉⵣⴻⴳⵔⴻⵏ ⵉ ⵜⵍⵉⵙⴰ, ⵢⴻⵏⵏⴰ-ⴷ ⵓⴳⴻⵏⵙⴻⵙ-ⴰⴽⵏⴰⵏⴻⵔ ⵔⴻⴼⴰⴷⴰ ⴷⴰⴽⴽⴻⵏ ⵏⴻⵇⵙⴻⵏⵜ-ⴷ ⵜⴻⵎⵙⴰⵍ ⵖⴻⵔ 74 ⴷⴻⴳ ⵜⴻⵣⵡⴰⵔⴰ ⵏ 2016, ⵢⵉⵍⵉ ⵉⵍⵉⵏⴷⵉ ⵍⵍⴰⵏⵜ-ⴷ 80 ⵏ ⵜⴻⵎⵙⴰⵍ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵙⵎⴻⴽⵜⴰ ⵏ ⵙⵙⴻⵍⵄⴰ ⴰⵢ ⴷ-ⵢⴻⵜⵜⵡⴰⴹⴹⴼⴻⵏ ⵜⴻⵔⵏⴰ ⵖⴻⵔ 12.099 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ 2016, ⵢⵉⵍⵉ ⵉⵍⵉⵏⴷⵉ ⵜⴻⵜⵜⵡⴰⴹⴹⴻⴼ-ⴷ ⵜⴻⵙⵎⴻⴽⵜⴰ ⵏ 11.002 ⵏ ⵢⵉⴽⵉⵍⵓⴳⵕⴰⵎⴻⵏ ⵏ ⵙⵙⴻⵍⵄⴰ.

ⵉⵎⴻⵏⵖⵉ ⵎⴳⴰⵍ ⵜⴻⵀⵢⵓⴼⵉⵏ ⴷ ⴰⵢⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ 50 ⵏ ⵜⴻⵎⵙⴰⵍ ⵏ ⵛⵛⵕⴻⵄ ⴰⵢⴷⴻⴳ ⵜⵜⵡⴰⴹⴹⴼⴻⵏ 95 ⵏ ⵢⴻⵎⴷⴰⵏⴻⵏ, ⴳⴰⵔ-ⴰⵙⴻⵏ 71 ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⵙ ⵍⵃⴻⴱⵙ.