ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

« ⵙⴼⴰⵇⴻⵙ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2016 » ⴷ ⵜⴰⴳⵏⵉⵜ ⵉ ⵡⴻⵎⵄⴰⵡⴻⵏ ⴰⴷⴻⵍⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ

ⵇⵙⴻⵏⵟⵉⵏⴰ – ⵏⵏⴰⵏ-ⴷ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, ⴷⴻⴳ ⵇⵙⴻⵏⵟⵉⵏⴰ, ⵜⵏⴻⵖⵍⴰⴼⵜ ⵜⴰⵜⵓⵏⵙⵉⵜ ⵏ ⵢⴻⴷⵍⴻⵙ, ⵙⵧⵏⵉⴰ ⵎⴱⴰⵔⴻⴽ, ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴷⴰⴽⴽⴻⵏ ⵜⴰⴷⵢⴰⵏⵜ ⵏ « ⵙⴼⴰⵇⴻⵙ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2016 » ⴰⴷ ⴷ-ⵜⵉⵍⵉ ⴷ « ⵜⴰⴳⵏⵉⵜ ⵉ ⵓⵙⵙⴰⵍⵇⴻⵢ ⵏ ⵡⴻⵎⵄⴰⵡⴻⵏ ⴰⴷⴻⵍⵙⴰⵏ ⴰⵢ ⵍⴰ ⴷ-ⵢⴻⵜⵜⴰⵡⵉⵏ ⵢⴰⴳⵉ ⵍⴼⴰⵢⴷⴰ ⴳⴰⵔ ⵍⴷⵣⴰⵢⴻⵔ ⴷ ⵜⵓⵏⴻⵙ ».

ⵏⵏⴰⵏ-ⴷ ⴰⵢⴰ ⵉ ⵍⵎⴻⵏⴷ ⵏ ⵜⴼⵓⴳⵍⴰ (ⵉⵃⵜⵉⴼⴰⵍ) ⵓⵏⵚⵉⴱ ⵏ ⵜⵓⴽⵛⵉ ⵏ ⵓⵙⴰⴼⵓ ⵏ ⵜⴻⴷⵢⴰⵏⵜ ⵏ ⵜⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵉ ⵜⴻⵎⴷⵉⵏⵜ ⵏ ⵙⴼⴰⵇⴻⵙ (ⴷⴻⴳ ⵜⵓⵏⴻⵙ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵣⴻⵇⵇⴰ ⵏ ⵢⵉⵀⴰⵏⴰⵢⴻⵏ (ⵄⵓⵔⵓⴹ) ⵏ ⵃⵎⴻⴷ-ⴱⴰⵢ, ⴷⵖⴰ ⵜⴻⵍⵍⴰ-ⴷ ⵜⴰ ⴷ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵉⵏⵉⵏ ⵢⵉⵏⴻⵖⵍⴰⴼⴻⵏ-ⴰ ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⵜⵓⵏⴻⵙ « ⵛⴻⵔⴽⴻⵏ-ⵜⴻⵏ ⵢⴻⵃⵔⵉⵛⴻⵏ ⴷ ⵉⵎⴻⵇⵔⴰⵏⴻⵏ ⵏ ⵓⵎⴻⵣⵔⵓⵢ, ⵉⴷⵍⴻⵙ ⴷ ⵡⴰⵏⵙⴰⵢⴻⵏ », ⵢⴻⵔⵏⵓ ⴰⵏⴻⵛⵜ-ⴰ ⴰⴽⴽ ⴰⴷ ⵢⴻⵜⵜⵡⴰⵙⵙⴻⴵⵀⴻⴷ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ-ⴰ ⴰⴷ ⵢⴻⴱⴷⵓⵏ ⵙⴻⴳ-ⴰ ⵖⴻⴼ ⴽⵔⴰ ⵏ ⵍⴻⴷⵡⴰⵕ ⴷⴻⴳ ⵜⴻⵎⴷⵉⵏⵜ ⵏ ⵙⴼⴰⵇⴻⵙ (ⴷⴻⴳ ⵢⵓⵍⵢⵓ ⵏ 2016).

ⵢⴻⵏⵏⴰ-ⴷ ⵎⴰⵙⵙ ⵎⵉⵀⵧⵓⴱⵉ ⴷⴰⴽⴽⴻⵏ « ⵢⵓⵎⴰⵔ (ⵢⴻⴼⵕⴻⵃ) ⵙ ⵔⵔⴱⴻⵃ ⵏ ⵜⴻⴷⵢⴰⵏⵜ ⵏ 'ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015’ », ⵢⴻⵔⵏⵓ ⵢⵓⵎⴻⵏ ⴷⴰⴽⴽⴻⵏ ⵜⴰⴷⵢⴰⵏⵜ-ⴰ ⴰⴷ ⵜⴻⵔⴱⴻⵃ ⴷⴰⵖ ⴷⴻⴳ ⵜⴻⵎⴷⵉⵏⵜ ⵏ ⵙⴼⴰⵇⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵢⴰ ⴰⴷ ⴷ-ⵢⵉⵍⵉ ⴷⴰⵖ ⴷ ⵜⴰⴳⵏⵉⵜ ⵏ « ⵡⴻⵎⵙⵓⵖⴰⵍ ⴳⴰⵔ ⵎⴰⵙⴻⵏⵙⴻⵏ ⴷ ⵙⴼⴰⵇⴻⵙ, ⴳⴰⵔ ⵙⵉⵔⵜⴰ ⴷ ⵇⴻⵔⵟⴰⵊ ».

ⴰⵙⴻⵎⵎⵉ ⵏ ⵜⴻⵎⴷⵉⵏⵜ ⵏ ⵙⴼⴰⵇⴻⵙ ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵜⴰⴷⵢⴰⵏⵜ-ⴰ ⵢⴻⵍⵍⴰ-ⴷ ⴰⵎⵣⵓⵏ ⴷ ⴰⵙⵙⴻⵖⵣⴻⴼ ⵏ ⵜⴻⴷⵢⴰⵏⵜ-ⴰ ⴰⵢ ⴷ-ⵢⴻⵍⵍⴰⵏ ⵏⴰⵇⴰⵍ ⴷⴻⴳ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵙⵉⵔⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵉⵀⵧⵓⴱⵉ ⴰⵢ ⴷ-ⵢⴻⵙⵙⴰⵡⵍⴻⵏ, ⵙ ⵜⴻⵖⵣⴻⴼ, ⵖⴻⴼ ⵓⵎⴻⵣⵔⵓⵢ ⵓⵛⵔⵉⴽ ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵍⴰⵜⴻⵕ ⴰⵢⵢⴻⵙ ⴷ-ⵢⴻⴳⵍⴰ ⵡⴰⵢⴰ ⵖⴻⴼ ⵍⵎⴻⵖⵔⴻⴱ ⴰⵎⴻⵇⵔⴰⵏ.

ⴷⴻⴳ ⵜⴻⴳⵏⵉⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵙⵄⴰⵏⵜ ⵜⵉⴳⴻⵎⵎⵉ ⵜⴰⵎⴻⵣⵔⵓⵢⴰⵏⵜ ⴷ ⵜⴰⵏⴻⵙⴱⴰⵖⵓⵔⵜ ⵢⴻⵔⵏⵓ ⴷ ⵜⴰⵍⵇⴰⵢⴰⵏⵜ, ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵅⴻⴷⵎⴻⵏⵜ ⴷⴷⵓⴽⵍⵉ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⴻⴷⵢⴰⵏⵜ-ⴰ ⴷ ⵜⴰⴳⵏⵉⵜ ⵉ ⵡⴻⵙⵏⴻⴼⵍⵉ (ⵜⴰⵟⵡⵉⵔ) ⴷ ⵓⵙⵙⴻⴵⵀⴻⴷ ⵏ ⵜⴷⵓⴽⵍⵉ ⴷ ⵡⴻⵎⵄⴰⵡⴻⵏ ⴰⵄⵕⴰⴱ.