ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵥⴰⵎ ⵏ 135 ⵏ ⵜⵏⴰⵔⵉⵢⵉⵏ ⵏ ⵓⵙⴻⵏⴷⵓⵇ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ ⴷⴻⴳ 4 ⵏ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ

ⵜⵉⵣⵉ ⵡⴻⵣⵣⵓ – ⵏⵏⴰⵏ-ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ (ⵛⴰⵙⵏⵧⵙ), ⴰⵛⵀⴻⵓⴽ-ⵢⵧⵓⵙⵙⴻⴼ ⵛⵀⴰⵧⵓⴽⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵉⵣⵉ ⵡⴻⵣⵣⵓ ⴷⴰⴽⴽⴻⵏ ⴰⵙⴻⵏⴷⵓⵇ ⴰⴷ ⵢⴻⵔⵏⵓ ⴰⴷ ⵢⴻⵙⵄⵓ 135 ⵏ ⵜⵏⴰⵔⵉⵢⵉⵏ (ⵎⴰⴽⴰⵜⵉⴱ) ⵉⵎⴰⵢⵏⵓⵜⴻⵏ ⴷⴻⴳ 4 ⵏ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.

«ⵏⴻⴹⴼⴻⵔ, ⵙⴻⴳ ⵎⴻⵍⵎⵉ ⴽⴰⵏ, ⵢⵉⵡⴻⵏ ⵏ ⵓⵖⴰⵡⴰⵙ ⴰⵖⴻⵍⵏⴰⵡ ⴰⵎⴰⵢⵏⵓ ⵏ ⵡⴻⴼⵔⴰⵇ ⵏ ⵜⵏⴰⵔⵉⵢⵉⵏ ⵙ ⵓⵙⵙⴻⴱⴷⴻⴷ ⵏ ⵜⵏⴻⴳⴳⵉⵡⵉⵏ (ⵡⴰⴽⴰⵍⴰⵜ) ⵏ ⵓⵙⴻⵏⴷⵓⵇ ⴷⴻⴳ ⵢⴰⵍ ⵜⴰⵡⵉⵍⴰⵢⵜ, ⵢⴻⵔⵏⵓ ⵎⴰⵛⵉ ⴽⴰⵏ ⴷⴻⴳ ⵢⴰⵍ ⵜⴰⵎⵏⴰⴹⵜ ⴰⵎ ⵣⵉⴽ, ⵢⴻⵔⵏⵓ ⵏⴳⴰ ⴰⵢⴰ ⴰⴽⴽⴻⵏ ⴰⴷ ⵏⴻⵙⵙⴻⵍⵀⵓ ⵉⵡⴻⵥⵍⴰ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ « ⵜⵉⵏⴻⴳⴳⵉⵡⵉⵏ-ⴰ ⵜⵉⵎⵏⴰⴹⴰⵏⵉⵏ ⵓⵔ ⵍⵍⵉⵏⵜ ⵣⴻⵎⵔⴻⵏⵜ ⴰⴷ ⴷ-ⵍⵀⵓⵏ ⴷ ⵡⴰⴽⴽ ⵉⵖⴻⴱⵍⴰⵏ ⵏ ⵡⵉⴷ ⴷ-ⵢⴻⵎⵎⴻⵕⴽⴰⵏ ⴷⴻⴳ ⵜⴻⵎⵔⵓⵣⵉⵏ (ⵎⵓⵍⵃⴰⵇⴰⵜ), ⴰⵎⴰ ⴷ ⵜⵉⵏⴻⴳⴳⵉⵡⵉⵏ ⵏ ⵓⴳⴰⴼⴰ (ⵛⴰⵎⴰⵍ) ⵏ ⵜⵎⵓⵔⵜ, ⴰⵎⴰ ⴷ ⵜⵉⴷ ⵏ ⵡⴻⵏⵥⵓⵍ ».

ⵢⴻⵏⵏⴰ-ⴷ ⴷⴰⵖ ⵓⵎⴰⵙⴰⵢ-ⴰ ⴷⴰⴽⴽⴻⵏ ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵓⵙⴻⵏⴷⵓⵇ ⵍⴰ ⵜⵅⴻⴷⴷⴻⵎ ⵉⵎⵉⵔ-ⴰ ⴰⴽⴽⴻⵏ ⴰⴷ ⵜⴻⵙⵄⵓ ⵓⴳⴰⵔ ⵏ ⵍⴻⵄⵇⵓⴷⴰⵜ ⴷ ⵜⴻⴽⵍⵉⵏⵉⵢⵉⵏ, ⵍⴰⴷⵖⴰ ⵜⵉⴷ ⴰⵢ ⵢⴻⵜⵜⴳⴻⵏ ⵜⵉⵎⴻⵀⵍⵉⵏ (ⵄⴰⵎⴰⵍⵉⵢⵢⴰⵜ) ⵜⵉⵎⴷⴻⵇⵇⴻⵇⵉⵏ.

ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵢⴰ ⴰⴷ ⴷ-ⵢⵉⵍⵉ ⴷⴻⴼⴼⵉⵔ ⵎⴰ ⵏⴻⵙⵙⴻⴱⴷⴻⴷ-ⴷ ⵜⴰⵎⵉⵍⴰⵍⵜ ⵏ ⵢⴻⵎⵙⴻⵏⵣⴰ ⴷ ⵢⵉⵏⴹⴻⵏ (ⵃⵉⵔⴰⴼⵉⵢⵢⵉⵏ), ⴰⵎ ⵡⴰⴽⴽⴻⵏ ⴷⴰⵖ ⴰⴷ ⴷ-ⵜⵜⵡⴰⵙⵙⴻⴹⵔⵓⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵉ ⵍⴼⴰⵢⴷⴰ ⵏ ⵢⵉⴱⵓⴳⴰⵟⵓⵜⴻⵏ, ⵉⵎⴻⵏⵙⴰⴼⴰⵔⴻⵏ (ⵚⴰⵢⴷⴰⵍⵉⵢⵢⵉⵏ) ⴷ ⵢⴻⵎⵙⵓⵊⵊⵉⵢⴻⵏ ⵉⵎⴻⵙⵎⵓⵜⴰ ».