ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⴽⴻⵍⵍⴻⴼ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵍⵓⴱⵏⴰⵏⵉ ⵎⴻⵙⵙⴰⵀⴻⵍ ⴰⴷ ⵢⴻⵙⵙⵉⵡⴻⴹ ⵜⴰⴱⵕⴰⵜ ⵏ ⵡⴻⵙⵏⴻⵎⵎⴻⵔ ⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ
ⴱⵉⵔⵓⵜ – ⵉⴽⴻⵍⵍⴻⴼ ⵓⵏⴻⵖⵍⴰⴼ ⴰⵎⴻⵏⵣⵓ ⴰⵍⵓⴱⵏⴰⵏⵉ, ⵙⴰⵍⴰⵎ ⵜⴰⵎⵎⴰⵎ, ⴰⵙⵙ ⵏ ⵜⵜⵍⴰⵜⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⵜⴰⴱⵕⴰⵜ ⵏ ⵍⴻⵇⴷⴻⵔ ⴷ ⵡⴻⵙⵏⴻⵎⵎⴻⵔ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵖⴻⴼ ⵡⴰⴷⴷⵓⴷⴻⵏ ⵓⵖⵜⵉⵙⴻⵏ (ⵚⴰⵔⵉⵎⴰ) ⵏ ⵍⴷⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⴻⵔⵜⵉⵜ ⵜⴰⴱⴻⵕⵕⴰⵏⵉⵜ.
ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ (ⵃⵉⵡⴰⵔ) ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴽⴰⵜⴰⵔ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⴰⵢ ⵉⴳⴰ ⵎⴻⵙⵙⴰⵀⴻⵍ ⵖⴻⴼ ⵍⵓⴱⵏⴰⵏ, ⴱⴻⴷⵔⴻⵏ-ⴷ ⵙⵉⵏ-ⴰ ⵏ ⵢⵉⴷⵉⵙⴰⵏ ⵜⴰⴳⵏⵉⵜ ⴷⴻⴳ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵜⴻⵎⵏⴰⴹⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵡⴻⴽⴽⴷⴻⵏ ⴰⵄⴻⵡⵡⴻⵍ-ⵏⵙⴻⵏ ⴰⴽⴽⴻⵏ ⴰⴷ ⵙⵊⴻⵀⴷⴻⵏ ⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ.
ⵢⴻⵡⵡⴻⴹ ⵎⴰⵙⵙ ⵎⴻⵙⵙⴰⵀⴻⵍ ⵖⴻⵔ ⴱⵉⵔⵓⵜ ⴰⵙⵙ ⵏ ⵜⵜⵍⴰⵜⴰ ⴰⴽⴽⴻⵏ ⴰⴷ ⵢⴻⴳ ⵜⵉⵔⵣⵉ ⵏ ⵓⵅⴻⴷⴷⵉⵎ ⴷⴻⴼⴼⵉⵔ ⵎⴰ ⵢⴻⵔⵣⴰ ⵢⴰⴳⵉ ⵖⴻⴼ ⴷⵉⵎⴻⵛⵇ (ⵙⵓⵔⵢⴰ). ⴷⴻⴳ ⵜⴻⵔⵣⵉ-ⴰ, ⴰⴷ ⵢⴻⵙⵙⵉⵡⴻⵍ ⵎⴰⵙⵙ ⵎⴻⵙⵙⴰⵀⴻⵍ ⴷ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵉⵍⵓⴱⵏⴰⵏⵉⵢⴻⵏ ⵖⴻⴼ ⵜⴻⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ ⴷ ⵜⵜⴰⵡⵉⵍⴰⵜ ⵏ ⵓⵙⵙⴻⵊⵀⴻⴷ ⵏ ⵡⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ⵉⵣⴰⴷⴻⵏ ⵢⴻⵍⵍⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⵓⴱⵏⴰⵏ.
