ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵇⴰⴷⵔⴻⵏ ⵢⵉⵏⴻⵖⵎⴰⵙⴻⵏ ⵜⴻⵣⴷⴻⴳ ⵏ ⵚⵚⴻⵏⵄⴰ (ⴰⵏⴻⵖⵍⴰⴼ)
ⵓⵎ ⵍⴻⴱⵡⴰⵇⵉ – ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ, ⵀⴰⵎⵉⴷ ⴳⵔⵉⵏⴻ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵓⵎ ⵍⴻⴱⵡⴰⵇⵉ, ⵉ ⵢⵉⵏⴻⵖⵎⴰⵙⴻⵏ ⴰⴽⴽⴻⵏ « ⴰⴷ ⵇⴰⴷⵔⴻⵏ ⵜⴻⵣⴷⴻⴳ ⴷ ⵍⴻⵇⴷⴻⵔ ⵏ ⵚⵚⴻⵏⵄⴰ ».
ⵎⵉ ⵢⴻⵔⵥⴻⵎ ⴰⵎⵎⴰⵙ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷⴻⴳ ⵕⵕⴰⴷⵢⵓ ⵜⴰⵎⵏⴰⴹⴰⵏⵜ (ⴵⵉⵀⴰⵡⵉⵢⵢⴰ) ⵏ ⵓⵎ ⵍⴻⴱⵡⴰⵇⵉ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⴽⴽⴻⵏ ⴰⴷ ⵢⴻⵙⵄⵓ ⵓⵏⴻⵖⵎⴰⵙ ⴰⵙⵡⵉⵔ ⵉⵡⴰⵜⴰⵏ, ⵢⴻⵙⵙⴻⴼⴽ ⴰⴷ ⴷ-ⵢⴻⵜⵜⵉⵍⵉ « ⵓⵙⵙⵉⵍⴻⵖ ⵢⴻⵜⵜⴽⴻⵎⵎⵉⵍⴻⵏ » ⴰⴷ ⵢⴻⴷⴷⵓⵏ ⴷⴻⴳ ⵡⴻⴱⵔⵉⴷ ⵏ ⵓⵙⵙⴻⵎⵙⵓⴷⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵓⵔⴰⵔ ⵜⵖⴻⵎⵙⴰ ⵜⴰⴷⵣⴰⵢⵔⵉⵜ ⴷⴷⵓⵕ ⴷⴻⴳ ⵓⵙⵙⴻⴳⵎⵉ ⴷ ⵡⴻⵙⴵⵓⴵⴵⴻⴳ ⵏ ⵜⵎⴻⵜⵜⵉ.
ⵢⴻⵔⵣⴰ ⴷⴰⵖ ⵓⵏⴻⵖⵍⴰⴼ ⵖⴻⴼ ⵜⵏⴰⵔⵉⵜ (ⵎⴰⴽⵜⴰⴱ) ⵏ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵓⵎ ⵍⴻⴱⵡⴰⵇⵉ ⴰⵢ ⵍⴰ ⵢⴻⵜⵜⵡⴰⵚⴻⴳⴳⴰⵎⴻⵏ ⵓⵙⵙⴰⵏ-ⴰ, ⵢⴻⵔⵏⵓ ⴷⴷⵓⴽⴽⵍⴻⵏ ⵢⵉⴷ-ⵙ ⴰⵏⴻⵎⵀⴰⵍ ⴰⵎⴰⵜⵓ ⵏ ⵡⴻⵖⵙⵓⵔ ⴰⵏⴰⴳⴷⵓⴷ ⵏ ⵜⵍⵉⵥⵔⵉ ⵜⴰⴷⵣⴰⵢⵔⵉⵜ, ⵜⴻⵡⴼⵉⴽ ⴽⵀⴻⵍⵍⴰⴷⵉ, ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵕⵕⴰⴷⵢⵓ ⵏ ⵍⴻⵣⵣⴰⵢⴻⵔ, ⵛⵀⴰⴰⴱⴰⵏⴻ ⵍⵧⵓⵏⴰⴽⴰⵍ.
ⵏⵏⵉⴳ ⵡⴰⵢⴰ, ⵢⴻⵔⵥⴻⵎ ⵎⴰⵙⵙ ⴳⵔⵉⵏⴻ, ⵙⴷⴰⵜ ⵡⴻⵅⵅⴰⵎ ⵏ ⵜⵡⵉⵍⴰⵢⵜ ⵏ ⵓⵎ ⵍⴻⴱⵡⴰⵇⵉ, ⵢⵉⵡⴻⵜ ⵏ ⵜⴻⵎⵕⴰⵃⵜ ⵓⵎⵉ ⵙⴻⵎⵎⴰⵏ « ⵢⴻⵏⵏⴰⵢⴻⵔ », ⵢⴻⵔⵏⵓ ⴷⴻⴳ ⵜⴻⵎⵕⴰⵃⵜ-ⵏⵏⵉ ⴰⵢ ⴷ-ⵜⴻⵍⵍⴰ ⵜⵣⵉⴽⴽⴻⵏⵜ ⵜⵉⵙ 3 ⵏ « ⵜⴽⴻⵎⵎⴰⵔⵜ ⵏ ⴱⵓⵀⴻⵣⵣⴰ », ⵢⴻⵜⵜⵡⴰⵙⵙⵏⴻⵏ ⵙⴻⴳ ⵣⵉⴽ ⴷⴻⴳ ⵜⴻⵎⵏⴰⴹⵜ ⵏ ⵡⴻⵡⵔⴰⵙ, ⵢⴻⵔⵏⵓ ⵢⴻⵙⵍⴰ, ⴷⵉⵏ, ⵉ ⵓⵏⴻⵙⴽⵉⵏ (ⵄⴰⵔⴹ) ⴰⵢⴷⴻⴳ ⴰⵢ ⴰⵙ-ⴷ-ⵇⴻⴷⴷⵎⴻⵏ ⵜⴰⴽⴻⵎⵎⴰⵔⵜ-ⴰ (ⴵⵓⴱⵏ).
ⵉⵎⴻⴽⵙⴰⵡⴻⵏ ⵙⵙⴻⵡⵊⴰⴷⴻⵏ-ⴷ ⵜⴰⴽⴻⵎⵎⴰⵔⵜ ⵏ ⴱⵓⵀⴻⵣⵣⴰ ⵎⵉ ⴰⴷ ⴷ-ⵜⴰⵡⴻⴹ ⵜⴻⴼⵙⵓⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴼ. ⵀⴰⵎⴻⵍ ⵉⵅⴻⴷⴷⵎⴻⵏ ⴷ ⴰⵎⴻⴽⵙⴰ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⴱⴰⴱⵓⵛ.
