ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵏ ⵜⵛⵉⵔⴹⴰⵔⵜ ⵏ ⵜⵣⴻⵇⵇⴰ: ⴷ ⵏⵔ ⵍⴱⵓⵕⵊ ⴱⵓⵄⵕⵉⵕⵉⵊ ⴰⵢ ⴷ-ⵢⴻⴼⵔⵓⵔⵉⵏ

ⵙⵉⴷⵉ ⴱⴻⵍⵄⴻⴱⴱⴰⵙ – ⴷ ⵏⴰⴷⵉ ⵔⵉⴰⴷⵀⵉ ⵏ ⵍⴱⵓⵕⵊ ⴱⵓⵄⵕⵉⵕⵉⵊ ⴰⵢ ⴷ-ⵉⵔⴻⴱⵃⴻⵏ, ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵏ ⵜⵛⵉⵔⴹⴰⵔⵜ ⵏ ⵜⵣⴻⵇⵇⴰ ⵎⵉ ⵜⴻⵔⵏⴰ ⵜⴰⵖⵍⴰⵎⵜ ⵏ ⵎⴰⵛⵀⴰⴰⵍ ⴱⴳⴰⵢⴻⵜ ⵙ 6 ⵖⴻⵔ 2. ⵜⴻⵍⵍⴰ-ⴷ ⵜⴻⵎⵍⵉⵍⵉⵜ-ⴰ ⴷⴻⴳ ⵜⵣⴻⵇⵇⴰ ⵏ ⵓⵙⵓⴷⴷⵉⵙ ⴰⴷⴷⴰⵍⴰⵏ ⵏ 24 ⴼⵓⵕⴰⵕ 1956 ⵏ ⵙⵉⴷⵉ ⴱⴻⵍⵄⴻⴱⴱⴰⵙ.

ⴰⵣⴳⴻⵏ ⴰⵎⴻⵣⵡⴰⵔⵓ ⵏ ⵜⴻⵎⵍⵉⵍⵉⵜ ⵉⴼⵓⴽ ⵙ 0 ⵖⴻⵔ 0, ⵎⴰⵛⴰ, ⵎⵉ ⴷ-ⵜⵓⵖⴰⵍ ⵏⵔ ⵍⴱⵓⵕⵊ ⴱⵓⵄⵕⵉⵕⵉⵊ ⵖⴻⵔ ⵡⴻⵏⵔⴰⵔ, ⵢⴻⴷⴷⵓⵇⵇⴻⵙ-ⴷ ⵡⵓⵔⴰⵔ ⵢⴻⵔⵏⵓ ⵜⴻⵙⵙⴰⵡⴻⴹ ⴰⴷ ⵜⴻⵔⵏⵓ ⵜⴰⵅⵚⵉⵎⵜ-ⵏⵏⴻⵙ ⵙ 6 ⵖⴻⵔ 2.

«ⵏⴻⵙⵙⴻⵇⴷⴻⵛ ⵢⵉⵡⴻⵜ ⵏ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⴰⵢ ⴷ-ⵢⴻⵍⴼⴰⵏ ⵜⴻⵏⴼⴻⵄ. ⵙⵙⴰⵡⴹⴻⵏ ⵢⵉⵎⴰⵔⵉⵔⴻⵏ-ⵉⵏⵓ ⴰⴷ ⵃⴻⴽⵎⴻⵏ ⵜⴰⴳⵏⵉⵜ, ⵓⵍⴰ ⵎⴰ ⵢⴻⵍⵍⴰ-ⴷ ⵡⴻⵃⵕⴰⵙ ⴼⴻⵍⵍ-ⴰⵙⴻⵏ. ⵏⵓⵔⴰⵔ ⵜⵉⵎⵍⵉⵍⵉⵜ ⵉⴳⴻⵔⵔⵣⴻⵏ ⵢⴻⵔⵏⵓ ⵏⵓⴽⵍⴰⵍ ⵔⵔⴱⴻⵃ-ⴰ ⴰⴷ ⵏⴻⵀⴷⵓ ⵉ ⵜⴻⵎⴷⵉⵏⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵏ ⵏⵔ ⵍⴱⵓⵕⵊ ⴱⵓⵄⵕⵉⵕⵉⵊ, ⵛⵀⵧⵓⵉⵜⴻⵔ ⴰⴱⴷⴻⵍⵀⴰⴼⵉⴷ.

ⵎⴰ ⴷ ⴰⵙⵍⴻⵖⵎⴰⵖ ⵏ ⵜⴻⵖⵍⴰⵎⵜ ⵏ ⴱⴳⴰⵢⴻⵜ, ⴷⵊⴻⵍⵍⵧⵓⵍ ⴰⴱⴷⴻⵔⴰⵧⵓⴼ, ⵢⴻⵜⵜⵡⴰⵅⴻⵢⵢⴻⴱ ⴰⵟⴰⵙ ⵙ ⵜⴻⵎⵍⵉⵍⵉⵜ-ⴰ ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ « ⵓⵔⴰⵔ ⵢⴻⵍⵍⴰ-ⴷ ⴷⴻⴳ ⵡⴻⵣⴳⴻⵏ ⵡⵉⵙ ⵙⵉⵏ ⴰⵢⴷⴻⴳ ⵉⵎⴰⵔⵉⵔⴻⵏ-ⵉⵏⵓ ⴳⴰⵏ ⴰⵟⴰⵙ ⵏ ⵜⵓⵛⵛⴹⵉⵡⵉⵏ, ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴰⴷ ⴷ-ⵉⵏⵉⵖ ⴷⴰⴽⴽⴻⵏ ⵜⴰⵖⵍⴰⵎⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ ⵜⴻⵜⵜⵓⵔⴰⵔ ⵎⵍⵉⵃ ⵜⴰⵛⵉⵔⴹⴰⵔⵜ ⵢⴻⵔⵏⵓ ⵜⴻⵙⵄⴰ ⵜⵜⴻⵊⵕⵉⴱⴰ ⵎⴻⵖⵖⵔⴻⵏ ⴷⴻⴳ ⵡⴻⵎⵙⵉⵣⵡⴻⵔ (ⵎⵓⵏⴰⴼⴰⵙⴰ). ⵜⴰⵖⵍⴰⵎⵜ-ⵏⵏⴻⵖ ⵎⴻⵥⵥⵉⵢⴻⵜ ⵢⴻⵔⵏⵓ ⵎⴰⵣⴰⵍ ⴰⴷ ⵜⴽⴻⵎⵎⴻⵍ ⴰⵍⵎⴰⴷ-ⵏⵏⴻⵙ ⴷⴻⴳ ⵡⴰⴷⴷⴰⵍ-ⴰ ».

ⴰⵟⴰⵙ ⵏ ⵢⴻⵎⴼⴻⵕⵕⴵⴻⵏ ⴰⵢ ⵉⵃⴻⴷⵕⴻⵏ ⵜⵉⵎⵍⵉⵍⵉⵜ-ⴰ, ⴳⴰⵔ-ⴰⵙⴻⵏ ⴰⵛⵃⴰⵍ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵡⴰⴷⴷⴰⵍ.