ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⴼⴽⴰ ⴰⵣⴰⵍ ⵉ ⵡⴻⵎⵄⴰⵡⴻⵏ ⴷ ⵜⵎⵓⵔⴰ ⵏ ⵡⴻⴳⵔⴰⴽⴰⵍ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵎⴰⵔⵓ ⴰⵎⴰⵜⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵎⴰⵙⵙ ⵀⴰⵙⵙⴰⵏⴻ ⵔⴰⴱⴻⵀⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⴼⴽⴰ ⴰⵣⴰⵍ ⵉ ⵡⴻⵎⵄⴰⵡⴻⵏ ⴰⵎⵏⴰⴹⴰⵏ ⴳⴰⵔ ⵜⵎⵓⵔⴰ ⵏ ⵢⵉⵍⴻⵍ ⴰⴳⵔⴰⴽⴰⵍ, ⴷⴻⴳ ⵢⵉⵡⴻⵏ ⵡⴻⵎⵢⴰⴳⴻⵔ ⴷ ⵓⵎⴰⵍⴰⵍ ⵏ ⵓⵎⴰⵔⵓ ⴰⵎⴰⵜⵓ ⴰⵎⴻⵏⵣⵓ ⵏ ⵜⴷⵓⴽⵍⵉ ⵉ ⵡⴻⴳⵔⴰⴽⴰⵍ ⴷ-ⵢⴻⵍⵀⴰⵏ ⴷ ⵜⵏⴻⴼⵍⵉⵜ ⵏ ⵜⴻⵕⵎⵉⵙⵉⵏ, ⵎⴰⵙⵙ ⵛⵍⴰⵓⴷⵉⵧ ⵛⵧⵔⵜⴻⵙⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ.
ⵎⴰⵙⵙ ⵔⴰⴱⴻⵀⵉ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵏⴻⴼⵍⵉ (ⵜⵓⵟⴰⵡⵡⴰⵔ) ⵜⵉⵛⵛⵓⵔⴽⴰ ⵜⴰⵎⴰⵜⵓⵜ ⴳⴰⵔ ⵍⴻⵣⵣⴰⵢⴻⵔ ⴷ ⵜⵎⵓⵔⴰ ⵏ ⵜⴻⵎⴷⴰ ⵏ ⵡⴻⴳⵔⴰⴽⴰⵍ ⵉ ⵍⴼⴰⵢⴷⴰ ⵏ ⵜⵎⵓⵔⴰ ⵏ ⵜⴻⵎⵏⴰⴹⵜ ⴰⵢ ⵍⴰ ⵢⴻⵜⵜⵎⴰⴳⴰⵔⴻⵏ ⴰⵟⴰⵙ ⵏ ⵡⵓⴳⵓⵔⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ, ⵜⴰⴷⴰⵎⵙⴰ ⴷ ⵜⵎⴻⵜⵜⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.
ⵉⵃⴻⵜⵜⴻⵜ-ⴷ ⴷⴰⵖ ⴷⴰⴽⴽⴻⵏ « ⵜⴰⵎⵓⵔⵜ-ⵏⵏⴻⵖ ⵜⴻⴹⴹⴻⴼ ⴷⴻⴳ ⵓⵙⵙⴻⵊⵀⴻⴷ ⵏ ⵡⴰⵙⵙⴰⵖⴻⵏ ⵏ ⵡⴻⵎⵄⴰⵡⴻⵏ ⴷ ⵜⴷⵓⴽⵍⵉ ⵉ ⵡⴻⴳⵔⴰⴽⴰⵍ ⴷ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵏⴻⴼⵍⵉⵜ ⵜⴰⵎⴳⵓⵔⴰⵏⵜ (ⵜⴰⵏⵎⵉⵢⴰ ⵚⵉⵏⴰⵄⵉⵢⵢⴰ), ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⵏⴻⴼⵍⵉⵜ ⵏ ⵜⵣⴻⵎⵎⴰⵔ ⵜⵉⵖⴻⵍⵏⴰⵡⵉⵏ ⴷⴻⴳ ⵡⴻⵃⵔⵉⵛ ⵏ ⵜⴻⵎⴳⵓⵔⵉ ⴷ ⵓⵙⵙⴻⴱⴷⴻⴷ ⵏ ⵜⴻⵕⵎⵉⵙⵉⵏ ⵜⵉⵎⴻⵥⵢⴰⵏⵉⵏ ⴷ ⵜⵍⴻⵎⵎⴰⵙⵉⵏ ⴷⴻⴳ ⵓⴽⴰⵜⴰⵔ ⵏ ⵓⵏⴻⵡⵡⴻⵄ ⵏ ⵜⴷⴰⵎⵙⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵍⵖⵓ-ⴰ.
ⵎⴰⵙⵙ ⵛⵧⵔⵜⴻⵙⴻ ⵢⴻⵔⵣⴰ-ⴷ ⴷ ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⴰⵢⴷⴻⴳ ⵍⵍⴰⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵜⴷⵓⴽⵍⵉ ⵉ ⵡⴻⴳⵔⴰⴽⴰⵍ ⴷ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵏⴻⴼⵍⵉⵜ ⵜⴰⵎⴳⵓⵔⴰⵏⵜ, ⵢⴻⵔⵏⵓ ⵜⵉⵔⵣⵉ-ⵏⵙⴻⵏ ⵏ ⵓⵅⴻⴷⴷⵉⵎ ⵖⴻⴼ ⵍⴻⵣⵣⴰⵢⴻⵔ ⴰⴷ ⴷ-ⵜⵉⵍⵉ ⵓⵙⵙⴰⵏ ⵏ ⵍⴻⵜⵏⵉⵢⴻⵏ ⴷ ⵜⵜⵍⴰⵜⴰ.
ⵉⵙⵡⵉ ⵏ ⵜⴻⵔⵣⵉ-ⴰ ⴷ ⴰⵙⵙⴻⵡⵊⴻⴷ ⵉ ⵓⵙⵙⵓⴷⴻⵙ, ⴷⴻⴳ ⵍⴻⵣⵣⴰⵢⴻⵔ, ⵏ ⵓⵙⴰⵔⴰⴳ ⵏ ⵡⴻⵙⵡⵉⵔ ⵓⵏⵏⵉⴳ ⵏ ⵜⵏⴻⴼⵍⵉⵜ ⵜⴰⵎⴳⵓⵔⴰⵏⵜ ⴷ ⵜⵎⴻⵇⵇⵓⵏⵉⵏ ⴷⴻⴳ ⵜⵎⵓⵔⴰ ⵜⴰⵄⵕⴰⴱⵉⵏ. ⴰⴷ ⴷ-ⵢⵉⵍⵉ ⵓⵙⴰⵔⴰⴳ-ⴰ ⴷⴷⴰⵡ ⵍⴻⵄⵏⴰⵢⴰ ⵏ ⵜⴷⵓⴽⵍⵉ ⵉ ⵡⴻⴳⵔⴰⴽⴰⵍ ⴷ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⵏⴻⴼⵍⵉⵜ ⵜⴰⵎⴳⵓⵔⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵍⵖⵓ-ⵏⵏⵉ.
