ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⵡⵊⴻⴷ ⵉ ⵡⴻⵏⵎⴰⴳⴻⵔ ⴰⴷⵣⴰⵢⵔⵉ-ⴰⴱⵔⵉⵟⴰⵏⵉ ⵖⴻⴼ ⵜⵏⴻⵣⵣⵓⵜ ⴷ ⵓⵙⵙⴻⴼⵜⵉ ⵏ 22 ⵎⴰⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ), ⵎⴰⵙⵙ ⴰⴱⴷⴻⵙⵙⴰⵍⴻⵎ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵏⵎⴰⵀⴰⵍ (ⵙⴰⴼⵉⵔ) ⵏ ⴱⵔⵉⵟⴰⵏⵢⴰ ⵜⴰⵎⴻⵇⵔⴰⵏⵜ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙ ⴰⵏⴷⵔⴻⵡ ⵊ. ⵏⵧⴱⵍⴻ, ⵢⴻⵔⵏⵓ ⵙⵙⴰⵡⵍⴻⵏ ⵖⴻⴼ ⵓⵙⵙⴻⵡⵊⴻⴷ ⵏ ⵡⴻⵏⵎⴰⴳⴻⵔ ⵡⵉⵙ 2 ⴰⴷⵣⴰⵢⵔⵉ-ⴰⴱⵔⵉⵟⴰⵏⵉ ⵖⴻⴼ ⵜⵏⴻⵣⵣⵓⵜ ⴷ ⵓⵙⵙⴻⴼⵜⵉ ⴰⴷ ⴷ-ⵢⵉⵍⵉⵏ ⴰⵙⵙ ⵏ 22 ⵎⴰⵢⵓ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵍⴻⵃⵙⴰⴱ ⵏ ⵡⴻⵍⵖⵓ ⵏ ⵡⴻⵖⵍⵉⴼ.

ⵢⴻⵍⵍⴰ-ⴷ ⵡⴻⵎⵢⴰⴳⴻⵔ-ⴰ ⵙ ⵡⴻⵃⴷⴰⵕ ⵏ ⵎⴰⵙⵙ ⴰⵜⴰⵎ ⵙⴰⵏⴷⵀⵓ, ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴷⴻⵠⴻⵍⵧⵒⵉⵏⴳ ⵎⴰⵔⴽⴻⵜⵙ ⴰⵙⵙⵧⵛⵉⴰⵜⴻⵙ (ⴷⵎⴰ), « ⵢⴻⵔⵏⵓ ⵢⴻⵍⵍⴰ-ⴷ ⴷⴻⴳ-ⵙ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⵙⵙⴻⵡⵊⴻⴷ ⵉ ⵡⴻⵏⵎⴰⴳⴻⵔ ⵡⵉⵙ 2 ⴰⴷⵣⴰⵢⵔⵉ-ⴰⴱⵔⵉⵟⴰⵏⵉ ⵖⴻⴼ ⵜⵏⴻⵣⵣⵓⵜ ⴷ ⵓⵙⵙⴻⴼⵜⵉ (…) ⴷ ⴰⵏⵎⴰⴳⴻⵔ ⴰⵢⴷⴻⴳ ⵃⴰⵔⴻⵏ ⴰⴷ ⵜⵜⴻⴽⴽⵉⵏ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ ⵉⴷⵣⴰⵢⵔⵉⵢⴻⵏ ⴷ ⵢⴻⴱⵔⵉⵟⴰⵏⵉⵢⴻⵏ, ⵢⴻⵔⵏⵓ ⴰⴷ ⴷ-ⵢⴻⵙⴷⵓⵇⵇⴻⵙ ⵡⴰⵢⴰ ⴰⵙⵙⴰⵖⴻⵏ ⵉⵙⵉⵏⴷⵉⵙⴰⵏⴻⵏ ⴳⴰⵔ ⵜⵎⵓⵔⴰ-ⵏⵏⴻⵖ, ⴰⵎ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵢⴰ ⴷ ⴰⴽⴻⵎⵎⴻⵍ ⵏ ⵡⴻⵏⵎⴰⴳⴻⵔ-ⵏⵏⵉ ⴰⵎⴻⵣⵡⴰⵔⵓ ⴰⵢ ⴷ-ⵢⴻⵍⵍⴰⵏ ⴷⴻⴳ ⴷⵓⵊⴻⵎⴱⴻⵕ ⵏ 2014 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⵏⵏⵉ.

ⵜⴻⵜⵜⴻⴽⴽⴰ ⵜⵎⴰⴳⵍⴰ (ⵡⴰⴼⴷ) ⵜⴰⴱⵔⵉⵟⴰⵏⵉⵜ ⵙ ⵡⴰⵟⴰⵙ ⵏ ⵜⴻⵕⵎⵉⵙⵉⵏ ⵜⵉⴱⵔⵉⵟⴰⵏⵉⵢⵉⵏ ⵜⵉⵎⴻⵇⵔⴰⵏⵉⵏ (ⵓⴳⴰⵔ ⵏ 100) ⵙⴻⴳ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ, ⵖⴻⴼ ⵍⴻⵃⵙⴰⴱ ⵏ ⵡⴻⵖⵍⵉⴼ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴱⵧⵓⵛⵀⵧⴰⵓⵔⴻⴱ ⴷⴰⴽⴽⴻⵏ ⴰⵜⴰⵏ ⵢⴻⵡⵊⴻⴷ ⴰⴽⴽⴻⵏ ⴰⴷ ⴷ-ⵢⴻⵙⵙⴻⵡⵊⴻⴷ ⴰⴽⴽ ⵜⵉⴳⵏⴰⵜⵉⵏ ⵉⵡⴰⵜⴰⵏ ⵉ ⵓⵙⵙⴻⵔⴱⴻⵃ ⵏ ⵜⵜⵉⵄⴰⴷ-ⴰ ⴰⴷⴰⵎⵙⴰⵏ ⴰⴷ ⴷ-ⵢⵉⵍⵉⵏ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⵜⴰⵎⵓⵔⵜ ⵍⴰ ⵜⴻⵙⵙⴻⴼⵄⴰⵍ ⴰⵟⴰⵙ ⵏ ⵜⵙⴻⵎⵎⴻⵙⴽⴰⵍ (ⵉⵚⵍⴰⵃⴰⵜ) ⵉ ⵍⵎⴻⵏⴷ ⵏ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.