ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵡⴻⵀⵕⴰⵏ: ⴰⵙⵙⴻⵃⴷⴻⵔ ⵉ ⵢⵉⴳⴻⵣⵣⴰⵔⴻⵏ ⵢⴻⵙⵙⴻⴽⵏⴰⴼⴻⵏ ⴰⴽⵙⵓⵎ ⴷⴻⴳ ⵜⵃⵓⵏⴰ-ⵏⵙⴻⵏ

ⵡⴻⵀⵕⴰⵏ – ⴰⵟⴰⵙ ⵙⴻⴳ ⵢⵉⴳⴻⵣⵣⴰⵔⴻⵏ ⴰⵢ ⵢⴻⵙⵙⴻⴽⵏⴰⴼⴻⵏ ⴰⴽⵙⵓⵎ ⴷⴻⴳ ⵜⵃⵓⵏⴰ-ⵏⵙⴻⵏ ⵓⵎⵉ ⵢⴻⵜⵜⵓⵏⴻⴼⴽ ⵓⵙⵙⴻⵃⴷⴻⵔ ⵙⵖⵓⵔ ⵜⵎⴻⵀⵍⴰ ⵏ ⵡⴻⵎⵙⵉⵣⵡⴻⵔ ⴷ ⵡⴰⵜⵉⴳⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⴰⵙⵙ ⵏ ⵍⴰⵕⴻⴱⵄⴰ ⵜⵎⴻⵀⵍⴰ ⵏ ⵜⵏⴻⵣⵣⵓⵜ ⵏ ⵜⵡⵉⵍⴰⵢⵜ ⵏ ⵡⴻⵀⵕⴰⵏ.

« ⴷⴻⴼⴼⵉⵔ ⵢⵉⵡⴻⵜ ⵏ ⵜⵃⴻⵎⵍⴰ ⵎⴻⵖⵖⵔⴻⵏ ⵏ ⵡⴻⵙⵃⵓⵍⴼⵓ ⵢⴻⵜⵜⵡⴰⵡⴻⵀⵀⴰⵏ ⵉ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ, ⵏⵓⵣⴻⵏ ⴰⵙⵙⴻⵃⴷⴻⵔ ⵉ ⵢⵉⴳⴻⵣⵣⴰⵔⴻⵏ ⴰⵢ ⵍⴰ ⵢⴻⵜⵜⴳⴻⵏ ⵛⵛⵖⴻⵍ-ⴰ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⴽⴽⴻⵏ ⴰⴷ ⵇⴰⴷⵔⴻⵏ ⵉⵍⵓⴳⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵓⵎⴻⵥⵍⵓ ⵏ ⵡⴻⵙⵡⴰⴹ (ⵎⴰⵚⵍⴰⵃⴰⵜ ⴰⵍ-ⵎⵓⵔⴰⵇⴰⴱⴰ) ⵏ ⵜⵙⴻⵎⵔⴰⵙ ⵜⵉⵎⵙⴻⵏⵣⵉⵢⵉⵏ, ⵏⵧⵓⵔⴻⴷⵉⵏⴻ ⵎⵧⴽⴰⴷⴻⵎ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵙⵙⴻⴽⵏⴻⴼ ⵏ ⵡⴻⴽⵙⵓⵎ ⵓⵔ ⵢⴻⴷⴷⵉ ⴷ ⵚⵚⴻⵏⵄⴰ ⵏ ⵓⴳⴻⵣⵣⴰⵔ.

ⵖⴻⴼ ⵍⴻⵃⵙⴰⴱ ⵏ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵙⵉⵎⴰⵍ ⵍⴰ ⵜⵔⴻⵏⵏⵓ ⵜⵣⴻⵔⵔⴻⵄ ⵜⵙⴻⵎⵔⴻⵙⵜ-ⴰ, ⴰⵙⵙⴻⴽⵏⴻⴼ ⵏ ⵡⴻⴽⵙⵓⵎ ⵢⴻⵙⵙⴻⴼⴽ ⴰⴷ ⴷ-ⵍⵀⵓⵏⵜ ⵢⵉⴷ-ⵙ ⵜⵏⴻⵞⵞⵉⵢⵉⵏ ⴰⵢ ⵢⴻⵙⵄⴰⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ-ⵙⴻⵏⵜ ⵢⴻⵔⵏⵓ ⵙⵄⴰⵏⵜ ⵜⵜⴻⵙⵔⵉⵃ ⴰⵢ ⵜⴻⵏⵜ-ⵢⴻⴵⴵⴰⵏ ⴰⴷ ⴳⴻⵏⵜ ⴰⵢⴰ.

« ⵍⴻⵎⵎⴻⵔ ⵓⵔ ⵜⵜⴰⵖⴻⵏ ⴰⵡⴰⵍ, ⴰⴷ ⵜⵜⵡⴰⵛⴰⵕⵄⴻⵏ ⵖⴻⴼ ⵡⴻⵔⴽⴰⴹ ⵏ ⵍⵇⴰⵏⵏ ⵢⴻⵔⵏⵓ ⴰⴷ ⵜⵜⵡⴰⵄⴰⵇⴱⴻⵏ ⵙ ⵡⴻⵎⴷⴰⵍ ⵓⵄⴹⵉⵍ ⵏ ⵡⴰⵢⵢⵓⵔ ⵏ ⵜⵃⵓⵏⴰ-ⵏⵙⴻⵏ ⴷ ⵍⴻⵅⴹⴻⵢⵢⴰ ⵏ ⴳⴰⵔ 20.000 ⴷ 200.000 ⵏ ⵢⵉⴷⵉⵏⴰⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵡⵊⴻⴷ ⵉ ⵡⴰⵢⵢⵓⵔ ⵏ ⵔⴻⵎⴹⴰⵏ ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵕⴰⵏ, ⵢⴻⵏⵏⴰ-ⴷ ⵎⴰⵙⵙ ⵎⵧⴽⴰⴷⴻⵎ ⴷⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴳⵔⴰⵡ ⵏ ⵡⴰⵏⵏⴰⵢ (ⵏⵉⴹⴰⵎ ⵎⵓⵔⴰⵇⴰⴱⴰ) ⵏ ⵙⵙⵓⵎⴰⵜ, ⵢⴻⵔⵏⵓ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵡⴻⴼⵔⴰⵇ ⵏ ⵜⴻⴳⵔⴰⵡⵉⵏ ⵏ ⵢⵉⵄⴻⵙⵙⴰⵙⴻⵏ ⴰⴷ ⵢⴻⵙⵙⴻⴼⵇⴰⴷⴻⵏ ⵙⵙⵓⵎⴰⵜ ⴷ ⵙⵙⵓⵇ ⴷ ⵓⵀⴻⵢⵢⵉ ⵏ ⵓⵕⴰⴱⵓⵍ ⴰⴷ ⵢⴻⵜⵜⴹⴰⴼⴰⵔⴻⵏ ⵢⴰⵍ ⴰⵙⵙ ⴰⴱⴻⴷⴷⴻⵍ ⵏ ⵙⵙⵓⵎⴰⵜ.