ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵉⵄⴻⴷⴷⵉ ⵓⵎⵜⵉⵡⴻⴳ ⵎⴰⵔⴽⵓⵔ ⴰⵙⵙ ⵏ ⵍⴻⵜⵏⵉⵢⴻⵏ ⴳⴰⵔ ⵡⴰⴽⴰⵍ ⴰⴽⴽⴻⴷ ⵜⴰⴼⵓⴽⵜ

ⵒⴰⵔⵉⵙ – ⴰⵎⵜⵉⵡⴻⴳ (ⴽⴰⵡⴽⴻⴱ) ⴰⵎⴻⵥⵥⵢⴰⵏ ⵏ ⵓⵏⴰⴳⵔⴰⵡ ⴰⴼⵓⴽⴰⵏ, ⵎⴰⵔⴽⵓⵔ, ⴰⴷ ⵉⵄⴻⴷⴷⵉ ⴰⵙⵙ ⵏ ⵍⴻⵜⵏⵉⵢⴻⵏ ⵉ ⴷ-ⵉⵜⴻⴷⴷⵓⵏ ⴳⴰⵔ ⵓⵎⵜⵉⵡⴻⴳ ⵏ ⵡⴰⴽⴰⵍ ⴰⴽⴽⴻⴷ ⵜⴰⴼⵓⴽⵜ, ⴷ ⵢⵉⵡⴻⵜ ⵏ ⵜⴻⴷⵢⴰⵏⵜ ⴰⵔⴰ ⵏⵡⴰⵍⵉ ⴷⴻⴳ ⵢⵉⴷⵉⵙ ⵏ ⵓⵎⴰⴹⴰⵍ ⵉⴷⴻⴳ ⴰⵔⴰ ⵢⵉⵍⵉ ⵢⵓⵍⵉ ⵡⴰⵙⵙ, ⴷ ⵉⴷⵉⵙ ⵏ ⵜⵓⵔⵓⴼⵜ ⵜⵓⵜⵔⵉⵎⵜ, ⵖⴻⴼ ⵡⴰⴽⴽⴻⵏ ⵉ ⴷ-ⵏⵏⴰⵏ ⵢⵉⵎⴻⵙⵏⴰⵍⵍⵓⵏⴻⵏ.

ⴰⴷ ⵢⴻⴱⴷⵓ ⵓⵄⴻⴷⴷⵉ-ⵙ ⵖⴻⴼ 11ⵀ12 ⴳⵎⵜ ⵙⴰⴽⵉⵏ ⴰⴷ ⵢⴻⴽⴼⵓ ⵖⴻⴼ 18ⵀ42 ⴳⵎⵜ. ⵢⴻⵣⵎⴻⵔ ⴰⴷ ⵢⴻⵎⵅⴰⵍⵍⴰⴼ ⵓⵙⵔⴰⴳ (ⵙⵙⴰⵄⴰ) ⵙⴻⴳ ⵓⴷⴻⴳ ⵖⴻⵔ ⵡⴰⵢⴻⴹ.

ⴰⴷ ⵜⴱⴰⵏ ⵜⵎⵓⵖⵍⵉ ⵏ ⵓⵎⵜⵉⵡⴻⴳ ⵎⴰⵔⴽⵓⵔ, ⵎⵉ ⴰⵔⴰ ⴷ-ⵉⵄⴻⴷⴷⵉ, ⴰⵎⵣⵓⵏ ⴰⴽⴽⴻⵏ ⵢⴻⵞⵞⴰ-ⴷ ⵉⵔⵉ ⵙⴻⴳ ⵢⵉⵔⴰⵏ ⵏ ⵜⴻⵃⴱⵓⵍⵜ ⵏ ⵜⴰⴼⵓⴽⵜ ⵙⴰⴽⵉⵏ ⴰⴷ ⵜⵜ-ⵢⴻⵣⴳⴻⵔ, ⵛⵡⵉⵟ ⵛⵡⵉⵟ ⴰⵔⴰ ⵉⵜⴻⴷⴷⵓ ⴰⵍⴰⵎⵎⴰ ⵢⴻⴼⴼⴻⵖ-ⴷ ⵙⴻⴳ ⵢⵉⴷⵉⵙ ⵏⵏⵉⴹⴻⵏ’’, ⴰⴽⴽⴰ ⵉ ⴷ-ⵢⴻⵙⵙⴻⴳⵣⵉ ⵢⵉⵡⴻⵏ ⵙⴻⴳ ⵢⵉⵎⴻⵙⵏⴰⵍⵍⵓⵏⴻⵏ, ⵒⴰⵙⵛⴰⵍ ⴷⴻⵙⵛⴰⵎⵒⵙ.

ⵜⴰⴷⵢⴰⵏⵜ-ⴰ, ⴰⴷ ⵜⴻⵟⵟⴻⴼ ⵙⴰ (7) ⵡⴰⵙⵔⴰⴳⴻⵏ ⴷ ⵓⵣⴳⴻⵏ, ‘’ⴷ ⴰⵣⴳⴰⵔ ⴷⵔⵓⵙ-ⵉⵜ ⵎⴰⴹⵉ ⴰⵛⴽⵓ ⵢⴻⵙⵙⴻⴼⴽ ⴰⴷ ⵎⵎⵣⵉⵔⴳⴻⵏ ⴰⴽⴽⴻⵏ ⵢⴻⵇⵡⴻⵎ ⵜⴰⴼⵓⴽⵜ, ⴰⵎⵜⵉⵡⴻⴳ ⵏ ⵎⴰⵔⴽⵓⵔ ⴰⴽⴽⴻⴷ ⵡⵉⵏ ⵏ ⵡⴰⴽⴰⵍ, ⵉ ⴷ-ⵢⴻⵙⵙⴻⴷⴷⵉ.

ⵜⵓⵔⵓⴼⵜ ⵏ ⵓⵜⴰⵔⴰⵎⵜ ⴰⴽⴽⴻⴷ ⵜⵉⵏ ⵏ ⵓⴳⴰⴼⴰ, ⴰⵜⴰⵔⴰⵎ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ, ⵜⴰⴼⵔⵉⵇⵜ ⵏ ⵓⵜⴰⵔⴰⵎ, ⴽⴰⵏⴰⴷⴰ, ⴰⴳⵎⵓⴹ ⵏ ⵎⴰⵔⵉⴽⴰⵏ ⵏ ⵓⴳⴰⴼⴰ ⴰⴽⴽⴻⴷ ⵓⵃⵔⵉⵛ ⴰⵎⴻⵇⵇⵔⴰⵏ ⵏ ⵎⴰⵔⵉⴽⴰⵏ ⴰⵍⴰⵜⵉⵏⵉ ⴰⴷ ⵉⵍⵉⵏ ⴷⴻⴳ ⵓⵣⵉⵔⵉⴳ ⴰⵎⴻⵣⵡⴰⵔⵓ ⴰⴽⴽⴻⵏ ⴰⴷ ⵡⴰⵍⵉⵏ ⴰⵣⴳⴰⵔ-ⴰ ⴰⵖⴻⵣⴼⴰⵏ. ⴰⵢⴰ ⵎⴰ ⵢⴻⵍⵍⴰ ⵜⴻⵚⴼⴰ ⵜⴻⴳⵏⴰⵡⵜ.

ⵓⵔ ⵢⴻⵜⵜⵡⴰⵙⵙⴻⵏ ⴰⵔⴰ ⴰⵟⴰⵙ, ⵎⴰⵔⴽⵓⵔ ⴷ ⴰⵎⵜⵉⵡⴻⴳ ⵉ ⵉⵇⴻⵔⴱⴻⵏ ⵓⴳⴰⵔ ⵜⴰⴼⵓⴽⵜ, ⴰⵎⴻⵛⵛⴰⵇ ⵢⴻⵍⵍⴰⵏ ⴳⴰⵔ-ⴰⵙ ⴰⴽⴽⴻⴷ ⵜⴰⴼⵓⴽⵜ ⵢⴻⵙⵄⴰ ⴰⵣⴰⵍ ⵏ 58 ⵉⵎⴻⵍⵢⵓⵏⴻⵏ ⵏ ⵢⵉⴽⵉⵍⵓⵎⵉⵜⵔⴻⵏ.

ⴷ ⴰⵎⵜⵉⵡⴻⴳ ⴰⵎⴻⵥⵥⵢⴰⵏ (ⴰⴽⴷⵓ-ⵙ ⴷⴻⴳ-ⵙ 4.780 ⵉⴽⵉⵍⵓⵎⵉⵜⵔⴻⵏ), ⵢⴻⵜⵜⴻⵣⵣⵉ-ⴷ ⵖⴻⴼ ⵜⴰⴼⵓⴽⵜ ⴷⴻⴳ 88 ⵡⵓⵙⵙⴰⵏ. ⵢⴻⵜⵜⵄⴻⴷⴷⵉ-ⴷ ⵓⵎⵜⵉⵡⴻⴳ-ⴰ ⴳⴰⵔ ⵡⴰⴽⴰⵍ ⴰⴽⴽⴻⴷ ⵢⴻⵜⵔⵉ-ⵏⵏⴻⵖ (ⵜⴰⴼⵓⴽⵜ) ⵢⴰⵍ ⵎⵉ ⴰⵔⴰ ⵣⵔⵉⵏ 116 ⵡⵓⵙⵙⴰⵏ, ⵢⴻⵜⵜⴱⴰⵏ-ⴷ ⴰⵎⵣⵓⵏ ⴰⴽⴽⴻⵏ ⵉⵃⴻⴱⴱⵓ ⵏⵏⵉⴳ ⵏⴻⵖ ⴷⴷⴰⵡ ⵜⴰⴼⵓⴽⵜ.

ⴰⵣⴳⴰⵔ ⵏ ⵓⵎⵜⵉⵡⴻⴳ ⵎⴰⵔⴽⵓⵔ ⴳⴰⵔ-ⴰⵖ ⴰⴽⴽⴻⴷ ⵜⴰⴼⵓⴽⵜ ⵓⵔ ⵢⴻⵟⵟⵓⵇⴻⵜ. ⴷⴻⴳ 100 ⵉⵙⴻⴳⴳⴰⵙⴻⵏ, ⵢⴻⵜⵜⵄⴻⴷⴷⵉ-ⴷ 13 ⵏⴻⵖ 14 ⵜⵉⴽⴽⴰⵍ. ⵜⵉⴽⴽⴻⵍⵜ ⵜⴰⵏⴻⴳⴳⴰⵔⵓⵜ ⵉⴷⴻⴳ ⴷ-ⵉⵄⴻⴷⴷⴰ ⵖⵓⵔ-ⵙ ⵜⵓⵔⴰ 10 ⵉⵙⴻⴳⴳⴰⵙⴻⵏ ⴰⵢⴰ. ⵜⵉⴽⴽⴰⵍ ⵉ ⴷ-ⵉⵜⴻⴷⴷⵓⵏ ⴰⴷ ⵉⵍⵉⵏ-ⵜ ⴷⴻⴳ ⵡⴰⵢⵢⵓⵔ ⵏ ⵡⴻⵎⴱⴻⵔ 2019, ⵡⴻⵎⴱⴻⵔ 2032 ⴰⴽⴽⴻⴷ ⵎⴰⵢⵓ 2049.