ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⴱⴷⴰ ⵡⴻⵙⵡⵉⵔ ⴰⴼⴻⵖⵏⴰⵎⵉ ⵏ ⵓⴽⴰⴱⴰⵔ ⵏ ⵡⴻⵎⵙⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⴳⴷⴰⵢ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⴱⴷⴰ ⵡⴻⵙⵡⵉⵔ (ⵎⵓ’ⵜⴰⵎⴰⵔ) ⴰⴼⴻⵖⵏⴰⵎⵉ ⵏ ⵡⴻⵎⵙⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⴳⴷⴰⵢ ⴰⵙⵙ ⵏ ⵍⴻⵅⵎⵉⵙ ⵜⴰⵚⴻⴱⵃⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵡⴻⵃⴷⴰⵕ ⵏ 1.600 ⵢⴻⵎⵜⵜⴻⴽⴽⵉⵢⴻⵏ ⴰⴽⴽⴻⵏ ⴰⴷ ⴼⴻⵔⵏⴻⵏ ⴰⵎⴰⵔⵓ ⴰⵎⴰⵜⵓ ⵏ ⵓⴽⴰⴱⴰⵔ-ⴰ ⴰⵢ ⵢⴻⵃⴽⴻⵎ ⵙⴻⴳ ⵍⴻⵄⴹⵉⵍ, ⵙⴻⴳ ⵢⵓⵏⵢⵓ ⵢⴻⵣⵔⵉⵏ, ⵎⴰⵙⵙ ⴰⵀⵎⴻⴷ ⵧⵓⵢⴰⵀⵉⴰ.
ⴰⴱⴻⴷⴷⵓ-ⴰ ⵢⴻⵍⵍⴰ-ⴷ ⵙ ⵡⴻⵃⴷⴰⵕ ⵏ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⴷⵉⵙⴰⵏ ⵉⵙⴻⵔⵜⴰⵏⴻⵏ ⵢⴻⵎⴳⴻⵔⵔⴰⴷⴻⵏ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ.
ⵎⴰⵙⵙ ⵧⵓⵢⴰⵀⵉⴰ ⵢⵓⵖⴰⵍ-ⴷ ⵖⴻⴼ ⵢⵉⵖⴻⴼ ⵏ ⵓⴽⴰⴱⴰⵔ-ⴰ ⴷⴻⴳ ⵢⵓⵏⵢⵓ ⵏ 2015 ⴷⴻⴳ ⵡⴻⵎⴽⴰⵏ ⵏ ⵎⴰⵙⵙ ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵢⴻⵔⵏⵓ ⴷ ⵏⴻⵜⵜⴰ ⴰⵢ ⴷ ⴰⵎⴰⵣⵡⴰⵔ ⴰⵎⴻⵏⵢⴰⴼ ⵉ ⵡⴻⵎⴽⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵡⴻⵎⵙⴻⴳⵔⴰⵡ ⴰⵖⴻⵍⵏⴰⵡ ⴰⵎⴻⴳⴷⴰⵢ.
ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ ⵏ ⵓⴽⴰⴱⴰⵔ-ⴰ ⴰⵢⴷⴻⴳ ⴰⴼⵔⴰⵏ ⵏ ⵓⵎⴰⵔⵓ ⴰⵎⴰⵜⵓ ⴰⴷ ⴷ-ⵢⵉⵍⵉ ⵙ ⵓⵙⴻⵏⴷⵓⵇ ⵏ ⵜⴻⴼⵔⴰⵏⵉⵏ ⵢⴻⵔⵏⵓ ⵙ ⵜⴻⵡⵔⵉⵇⵜ ⵏ ⵜⴰⵖⴻⵛⵜ ⵜⵓⴼⴼⵉⵔⵜ.
ⴰⵙⵡⵉⵔ-ⴰ ⴰⴼⴻⵖⵏⴰⵎⵉ ⴰⴷ ⵢⴻⵇⵇⵉⵎ 3 ⵏ ⵡⵓⵙⵙⴰⵏ ⵢⴻⵔⵏⵓ ⴰⴷ ⴷ-ⵢⴻⵜⵜⵡⴰⴼⵔⴻⵏ ⴷⴰⵖ ⴷⴻⴳ-ⵙ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵓⴽⴰⴱⴰⵔ.
ⴰⴷ ⴷ-ⵜⵜⵡⴰⵇⴻⴷⴷⵎⴻⵏⵜ ⴷⴰⵖ ⵜⵏⴻⵖⵜⵓⵙⵉⵏ (ⵇⴰⵔⴰⵔⴰⵜ) ⵜⵉⵙⴻⵔⵜⴰⵏⵉⵏ, ⵜⵉⴷⴰⵎⵙⴰⵏⵉⵏ, ⵜⵉⵏⵎⴻⵜⵜⵉⵢⵉⵏ ⴷ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵜⵉⴳⴰⵡⵜ ⵉ ⵢⴻⵎⵜⵜⴻⴽⴽⵉⵢⴻⵏ ⴰⴽⴽⴻⵏ ⴰⴷ ⵜⴻⵏⵜ-ⵙⵄⴻⴷⴷⵉⵏ.
ⵍⵍⴰⵏ-ⴷ ⵢⴰⴳⵉ ⵢⴻⵙⵡⵉⵔⴻⵏ ⵏ ⵓⴽⴰⴱⴰⵔ-ⴰ ⴷⴻⴳ ⵜⵡⵉⵍⴰⵢⵉⵏ ⴷ ⵜⴻⵎⵏⴰⴹⵉⵏ ⴷⴻⴳ ⵡⴰⵢⵢⵓⵔ ⵏ ⵢⴻⴱⵔⵉⵔ ⴰⴽⴽⴻⵏ ⴰⴷ ⴷ-ⵙⵡⴻⵊⴷⴻⵏ ⵉ ⵡⴻⵙⵡⵉⵔ-ⴰ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴰⴽⴽⴻⵏ ⴰⴷ ⵢⴻⵜⵜⵡⴰⵔⵥⴻⵎ ⵡⴻⵏⵔⴰⵔ ⵉ ⵓⵎⵓⵔ ⴰⵎⴻⵇⵔⴰⵏ ⵏ ⵢⵉⵎⴻⵖⵏⴰⵙⴻⵏ ⵏ ⵓⴽⴰⴱⴰⵔ-ⴰ ⴰⴽⴽⴻⵏ ⴰⴷ ⴷ-ⵜⵜⴻⴽⴽⵉⵏ ⵙ ⵜⴻⴽⵜⴰ-ⵏⵙⴻⵏ ⵉ ⵍⵎⴻⵏⴷ ⵏ ⵡⴻⵙⵡⵉⵔ-ⴰ ⴰⴼⴻⵖⵏⴰⵎⵉ.
