ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
Seg Tasanayt s tmaziɣt imunen
ⵜⴰⵎⵙⴰⴼⴳⴰ ⵜⵉⵙⵕⴰⵢⵉⵍⵉⵜ ⵍⴰ ⵜⴻⵜⵜⴻⵎⵎⴻⵖ ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ
ⵖⴻⵣⵣⴰ – ⵎⵎⵖⴻⵏ ⵢⵉⵙⴰⴼⴰⴳⴻⵏ ⵉⵙⵕⴰⵢⵉⵍⵉⵢⴻⵏ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ ⵢⴻⵔⵏⵓ ⵃⵓⴽⵕⴻⵏ ⴽⵔⴰ ⵏ ⵢⵉⵎⵓⴽⴰⵏ ⴷⴻⴳ ⵓⴱⴰⵏⴷⵓ-ⴰ ⴰⴼⴰⵍⴻⵙⵟⵉⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⴼⴰⵍⴻⵙⵟⵉⵏⵉⵜ ⵏ ⵡⴰⴼⴰ.
ⵍⵍⴰⵏⵜ-ⴷ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⴷⴻⴳ ⵜⴻⵎⵏⴰⴹⵜ ⵏ ⵓⵏⴰⴼⴰⴳ (ⵎⴰⵟⴰⵔ) ⴰⴳⵔⴰⵖⵍⴰⵏ ⵓⵔ ⵍⴰ ⵢⴻⵜⵜⵡⴰⵙⵙⴻⵇⴷⴰⵛⴻⵏ (ⴷⴻⴳ ⵜⴻⵎⵏⴰⴹⵜ ⵏ ⵔⴰⴼⴰⵀ, ⴷⴻⴳ ⵡⴻⵏⵥⵓⵍ ⵏ ⵖⴻⵣⵣⴰ) ⴷ ⵍⴼⵉⵔⵎⴰⵜ ⴰⵢ ⴷ-ⵢⴻⵣⴳⴰⵏ ⵜⴰⵎⴰ-ⵏⵏⴻⵙ, ⵎⴰⵛⴰ ⵢⵉⵡⴻⵏ ⵓⵔ ⵢⴻⵊⵔⵉⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⵉⴼⴰⵍⴻⵙⵟⵉⵏⵉⵢⴻⵏ ⵏ ⵖⴻⵣⵣⴰ.
ⵓⵇⴱⴻⵍ ⴰⵢⴰ, ⵇⴻⵔⵔⵙⴻⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵉⵙⵕⴰⵢⵉⵍⵉⵢⴻⵏ ⵖⴻⴼ ⴽⵔⴰ ⵏ ⵢⵉⵎⵓⴽⴰⵏ ⵙⴷⴰⵅⴻⵍ ⵡⴰⴽⴰⵍ ⵏ ⵖⴻⵣⵣⴰ.
ⵉⵙⵕⴰⵢⵉⵍⵉⵢⴻⵏ ⵙⵙⵓⴳⴳⵜⴻⵏ, ⵜⴰⴳⴰⵔⴰ-ⴰ, ⵜⵓⵎⵎⵖⴰ ⵖⴻⴼ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⵢⴻⵔⵏⵓ ⵜⵓⵎⵎⵖⴰ ⵜⴰⵖⴻⵣⴼⴰⵏⵜ ⵜⴰⵏⴻⴳⴳⴰⵔⵓⵜ ⴰⵢ ⴷ-ⵢⴻⵍⵍⴰⵏ ⴷ ⵜⵉⵏ ⵏ ⵢⵓⵍⵢⵓ ⴷ ⵖⵓⵛⵜ ⵏ 2014 ⴰⵢⴷⴻⴳ ⵎⵎⵓⵜⴻⵏ 2.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ.
