ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵅⵜⴰⵎ ⵏ ⵡⴻⵏⵎⴰⴳⴻⵔ ⴰⵎⴰⵜⵓ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ
ⵄⴻⵎⵎⴰⵏ– ⵉⴼⵓⴽ ⵡⴻⵏⵎⴰⴳⴻⵔ ⴰⵎⴰⵜⵓ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵄⴻⵎⵎⴰⵏ (ⵍⵓⵕⴷⵓⵏ) ⵢⴻⵔⵏⵓ ⵏⴻⵚⵃⴻⵏ-ⴷ ⵜⴻⵎⵜⵜⴻⴽⴽⵉⵢⵉⵏ ⴷⴻⴳ-ⵙ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵜⵜⴻⴽⴽⵉ ⴰⴳⴰⴷⴷⴰⵏ (ⵎⵓⵜⴰⴽⴰⴼⵉ’) ⵏ ⵜⵎⴻⵟⵟⵓⵜ ⴷⴻⴳ ⵡⴰⵎⵎⴰⵙⴻⵏ ⵏ ⵓⴹⴻⴱⴱⴻⵔ ⴷⴻⴳ ⵡⴰⴽⴽ ⵉⵙⵡⵉⵔⴻⵏ.
ⵜⵉⵎⵜⵜⴻⴽⴽⵉⵢⵉⵏ ⵡⴻⴽⴽⴷⴻⵏⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⴹⵎⴻⵏ ⵓⵎⴻⵏⵣⴰⵢ ⵏ ⵜⴳⴰⴷⴷⴰ (ⵎⵓⵙⴰⵡⴰⵜ) ⴳⴰⵔ ⵡⴻⵔⴳⴰⵣ ⴷ ⵜⵎⴻⵟⵟⵓⵜ ⴷ ⵡⴻⵙⴼⵓⵍⵎⴻⵏ ⵏ ⵜⵎⴻⵟⵟⵓⵜ, ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏⵜ ⵜⵉⵖⵔⵉ ⵉ ⵡⴻⵃⴱⴰⵙ ⵏ ⵓⵎⴻⵃⵢⴰⴼ ⴳⴰⵔ ⵢⴻⵔⴳⴰⵣⴻⵏ ⴷ ⵜⵙⴻⴷⵏⴰⵏ ⴷ ⵓⵙⵙⴻⵊⵀⴻⴷ ⵏ ⵡⴻⵎⴽⴰⵏ ⵏ ⵜⵎⴻⵟⵟⵓⵜ ⴷⴻⴳ ⵡⴰⵎⵎⴰⵙⴻⵏ ⵏ ⵓⴹⴻⴱⴱⴻⵔ.
ⵜⴰⴳⵔⴰⵡⵜ ⵜⴰⵡⴰⵎⵏⵉⵜ ⵜⴰⴷⵣⴰⵢⵔⵉⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵏⵎⴰⴳⴻⵔ-ⴰ ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⵙⵓⵔⵉⴼⴻⵏ ⵉⵎⴻⵇⵔⴰⵏⴻⵏ ⴰⵢ ⵜⴳⴰ ⵜⵎⴻⵟⵟⵓⵜ ⵜⴰⴷⵣⴰⵢⵔⵉⵜ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵍⵍⴰⵏ-ⴷ ⵙ ⵍⴻⴱⵖⵉ ⴰⵙⴻⵔⵜⴰⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⵖⴻⴼ ⵍⴻⵃⵙⴰⴱ ⵏ ⵜⵎⴰⵣⴰⵏⵜ (ⵏⴰ’ⵉⴱⴰ) ⵙⴰⵎⵉⵔⴰ ⴱⵔⴰⵀⵉⵎⵉ, ⵍⴻⴱⵖⵉ ⴰⵙⴻⵔⵜⴰⵏ ⵏ ⵓⵙⴻⵍⵡⴰⵢ ⵏ ⵜⵎⵓⵔⵜ ⴷ ⵡⵉⵏ ⴰⵢ ⵢⴻⵙⵊⴻⵀⴷⴻⵏ ⴰⵎⴽⴰⵏ ⵏ ⵜⵎⴻⵟⵟⵓⵜ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⴰⵎ ⵡⴰⴽⴽⴻⵏ ⴰⵢ ⵜⵜ-ⵢⴻⴵⴵⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵍⴻⴱⵏⵉ ⵏ ⵜⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵏ ⵜⵎⵓⵔⵜ.
ⵍⴷⵣⴰⵢⴻⵔ ⴷ ⵢⵉⵡⴻⵜ ⵙⴻⴳ « ⵜⵎⵓⵔⴰ ⵢⴻⵣⵡⴰⵔⴻⵏ ⵖⴻⵔ ⵡⴻⵏⵔⴰⵔ ⴷⴻⴳ ⵓⴳⴳⴻⵏⵙⴻⵙ (ⵜⴰⵎⵜⵉⵍ) ⵏ ⵜⵎⴻⵟⵟⵓⵜ ⴷⴻⴳ ⵢⴻⴳⵔⴰⵡⴻⵏ ⵓⴼⵔⵉⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴰⵣⴰⵏⵜ ⴽⵀⴰⴷⵉⴷⵊⴰ ⵢⴰⵛⵀⴽⵧⵓⵔ, ⴰⵢ ⴷ-ⵢⴻⵏⵏⴰⵏ ⴷⴰⵖ ⴷⴰⴽⴽⴻⵏ ⴷⴻⴳ 2015, ⵢⴻⵏⵏⵓⵍⴼⴰ-ⴷ ⵓⵥⴻⴹⴹⴰ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⴰⵢ ⵍⴰ ⵉⵅⴻⴷⴷⵎⴻⵏ ⵉ ⵓⵙⵙⴻⵊⵀⴻⴷ ⵏ ⵓⵜⵜⴻⴽⴽⵉ ⴰⵙⴻⵔⵜⴰⵏ ⵏ ⵜⵎⴻⵟⵟⵓⵜ ⴷ ⵡⴻⵃⵔⴰⵣ ⵏ ⵢⴻⴽⵙⴰⴱⴻⵏ ⵉⵙⴻⵔⵜⴰⵏⴻⵏ ⴷ ⵢⴻⵏⵎⴻⵜⵜⵉⵢⴻⵏ-ⵉⴷⴰⵎⵙⴰⵏⴻⵏ.
