ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ: ⵢⴻⵔⵔⴰ ⵓⵡⴰⵍⵉ ⵜⴰⵊⵎⵉⵍⵜ ⵉ ⵢⵉⵎⴰⵔⵉⵔⴻⵏ ⵏ ⵍⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵙⴼⵓⴳⵍⴻⵏ ⵢⵉⵎⴰⵔⵉⵔⴻⵏ ⵏ ⵍⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ (ⵜⴰⵎⵖⵓⵏⵜ 1ⵓⵜ ⵏ ⵜⵛⵉⵔⵜ ⵏ ⵓⴹⴰⵔ) ⵔⵔⴱⴻⵃ-ⵏⵙⴻⵏ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵎⴳⴰⵍ ⵏⴰ ⵃⵓⵙⵉⵏ ⴷⴰⵢ (1 ⵖⴻⵔ 0) ⵙ ⵢⵉⵡⴻⵏ ⵏ ⵡⴻⵎⵙⵓⴷⴻⵖ ⴷⴻⴳ ⵢⵉⵣⴻⵏⵇⴰⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵇⴱⴻⵍ ⵎⴰ ⴷⴷⴰⵏ ⴰⴷ ⵥⵔⴻⵏ ⴰⵡⴰⵍⵉ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵎⴻⵏⵙⵉ ⵏ ⵓⵙⴻⵔⵀⵓ (ⵛⴰⵔⴰⴼ) ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ-ⵏⵙⴻⵏ ⴷⴻⴳ ⵓⵙⴻⵏⵙⵓ ⵏ ⵙⴰⴼⵉⵔ ⴰⴽⴽⴻⵏ ⴰⴷ ⴰⵙⴻⵏ-ⵢⴻⵔⵔ ⵜⴰⵊⵎⵉⵍⵜ.

ⴷⴻⴳ ⵢⵉⵡⴻⵜ ⵏ ⵜⵎⴻⵖⵔⴰ ⵜⴰⵎⴻⵇⵔⴰⵏⵜ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ-ⵏⵙⴻⵏ, ⵜⵓⵖⴰⵍ ⵜⴻⵊⵎⵉⵍⵜ ⵉ ⵢⵉⵎⴰⵔⵉⵔⴻⵏ-ⴰ ⵓⵎⵉ ⴼⴽⴰⵏ 30 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ. ⴰⵣⴳⴻⵏ ⵙⴻⴳ ⵢⴻⴷⵔⵉⵎⴻⵏ-ⴰ ⵢⴻⴼⴽⴰ-ⵜⴻⵏ-ⵉⴷ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⵎⴰⵙⵙ ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⵎⴰ ⴷ ⴰⵣⴳⴻⵏ ⵏⵉⴹⴻⵏ ⵅⴻⵍⵍⵚⴻⵏ-ⵜ-ⵉⴷ ⵢⴻⵔⴳⴰⵣⴻⵏ ⵏ ⵢⵉⵡⴻⵥⵍⴰ (ⵔⵉⴵⴰⵍ ⴰⵄⵎⴰⵍ) ⵏ ⵜⵎⴰⵏⴻⵖⵜ.

ⵢⴻⵏⵏⴰ-ⴷ ⵎⴰⵙⵙ ⵣⵧⵓⴽⵀ, ⵉ ⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⵉⴷⵔⵉⵎⴻⵏ-ⴰ ⴰⴷ ⵜⵜⵓⵏⴻⴼⴽⴻⵏ ⵉ ⵢⵉⵎⴰⵔⵉⵔⴻⵏ ⴽⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⵓⵎⴰⵔ ⵉⵎⵉ ⵜⴰⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵜⴻⵖⵍⵉ-ⴷ ⴳⴰⵔ ⵙⵏⴰⵜ ⵜⴻⵖⵍⴰⵎⵉⵏ ⵏ ⵜⵎⴰⵏⴻⵖⵜ.

ⵢⴻⵎⵎⵓⴳⴻⵔ ⵎⴰⵙⵙ ⵣⵧⵓⴽⵀ ⵜⴰⵖⵍⴰⵎⵜ ⵏ ⵍⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⵖⴻⴼ ⵜⵉⵣⵉ ⵏ ⵜⵉⵙ 7 ⵏ ⵜⵎⴻⴷⴷⵉⵜ ⵙ ⵡⴻⵃⴷⴰⵕ ⵏ ⵡⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴰⵎ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴷ ⵓⵏⴻⵖⵍⴰⴼ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ.

ⵃⴻⴷⵕⴻⵏ ⴷⴰⵖ ⴰⵟⴰⵙ ⵙⴻⴳ ⵢⴻⵎⴹⴻⴱⴱⵔⴻⵏ ⵉⵇⴱⵓⵔⴻⵏ ⴷ ⵢⵉⵎⵉⵔⴰⵏⴻⵏ ⵏ ⵍⵎⵓⵍⵓⴷⴻⵢⵢⴰ ⴷ ⴽⵔⴰ ⵏ ⵢⵉⵎⴰⵔⵉⵔⴻⵏ ⵉⵇⴱⵓⵔⴻⵏ ⵙⴻⴳ ⵜⵙⵓⵜⵡⵉⵏ ⵢⴻⵎⴳⴻⵔⵔⴰⴷⴻⵏ.

ⵎⴰ ⴷ ⵜⴰⵖⵍⴰⵎⵜ ⵏ ⵏⴰ ⵃⵓⵙⵉⵏ ⴷⴰⵢ ⴰⵢ ⵉⵅⴻⵚⵔⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ, ⵜⵜⵡⴰⵄⴻⵔⴹⴻⵏ-ⴷ ⴷⴰⵖ ⵢⵉⵎⴰⵔⵉⵔⴻⵏ ⴷ ⵢⴻⵙⵍⴻⵖⵎⴰⵢⴻⵏ-ⵏⵏⴻⵙ (ⵎⵓⴷⴰⵔⵔⵉⴱⵉⵏ) ⵖⴻⵔ ⵜⴼⵓⴳⵍⴰ-ⴰ (ⵉⵃⵜⵉⴼⴰⵍ) ⵢⴻⵔⵏⵓ ⵜⵜⵓⵏⴻⴼⴽⴻⵏ 4,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵍⵎⴻⵏⴷ ⵏ ⵡⴰⵢⴰ.