ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

8 ⵎⴰⵢⵓ 1945 : 71 ⵏ ⵢⵉⵙⴻⴳⴳⴰⵙⴻⵏ, ⴷⵔⵓⵙ ⴰⴽⴽⴻⵏ ⴰⴷ ⵏⴻⵜⵜⵓ ⵜⴰⵎⴻⵜⵜⴰⵏⵜ ⵏ ⵢⵉⴳⵉⵎⴰⵏ ⵏ ⵢⵉⵣⵣⴰⵢⵔⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵙⴰ ⵏ ⵜⵎⴻⵔⵡⵉⵏ ⴷ ⵢⵉⵡⴻⵏ ⵏ ⵢⵉⵙⴻⴳⴳⴰⵙⴻⵏ ⵉ ⵢⴻⵣⵔⵉⵏ ⵙⴻⴳ ⵡⴰⵏⵖⴰⵜⴻⵏ ⵏ 8 ⵎⴰⵢⵓ 1945 ⵉ ⴷ-ⵢⴻⴳⵍⴰⵏ ⵙ ⵢⵉⴳⵉⵎⴰⵏ ⵏ ⵍⵎⴻⴳⵜⵉⵏ ⵉⵣⵣⴰⵢⵔⵉⵢⴻⵏ, ‘’ⵜⵉⵙⵓⵜⵡⵉⵏ ⵉ ⴷ-ⵉⵜⴻⴷⴷⵓⵏ ⵓⵔ ⵣⴻⵎⵎⵔⴻⵏⵜ ⴰⴷ ⵜⵜⵓⵏⵜ ⵡⵉⴷ ⵢⴻⵖⵍⵉⵏ ⵖⴻⴼ ⵜⵎⵓⵔⵜ’’, ⵉ ⴷ-ⵣⵣⵉⵔⴳⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵎⴵⵓⵀⴰⴷ ⴰⴽⴽⴻⴷ ⵡⴰⵔⵔⴰⵡ ⵏ ⵢⵉⵎⴻⵖⵔⴰⵙⴻⵏ.

ⵢⴻⵏⵏⴰ-ⴷ ; ⵖⴻⵔ ⵜⴰⵎⴰ ⵏ ⵜⴼⵓⴳⵍⴰ ⵜⵓⵏⵚⵉⴱⵜ ⵏ ⵓⵎⵓⵍⵍⵉ ⵡⵉⵙ 71 ⵏ ⵡⴰⵏⵖⴰⵜⴻⵏ ⵏ 8 ⵎⴰⵢⵓ 1945 ⵉ ⴷ-ⵢⴻⴳⵍⴰⵏ ⵙ ⵡⵓⴳⴰⵔ 45.000 ⵏ ⵢⵉⵎⴻⵖⵔⴰⵙⴻⵏ, ⵓⵎⴰⵔⴰⵢ ⵏ ⵜⵡⵉⵍⴰⵢⵜ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵏ ⵢⵉⵎⴵⵓⵀⴰⴷ (ⵧⵏⵎ),ⴰⴱⴷⴻⵍⵎⴰⵍⴻⴽ ⵎⴰⵀⵢⵧⵓⵣ ⴷⴰⴽⴽⴻⵏ ⵜⴰⴳⵏⵉⵜ-ⴰ ⴰⴷ ⴰⵖ-ⵜⴻⵙⵙⵉⵡⴻⴹ ⴰⴷ ⵏⵓⵖⴰⵍ ⵖⴻⵔ ⵓⵃⵔⵉⵛ ⵏ ⵜⴽⴰⵜⵓⵜ ⵜⵓⵛⵔⵉⴽⵜ ⵏ ⵓⵖⵔⴻⴼ ⴰⵣⵣⴰⵢⵔⵉ.

ⵢⴻⵣⵣⵉⵔⴻⴳ-ⴷ, ⴰⵍⵎⴻⵏⴷ ⵏ ⵡⴰⵢⴰ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⵙⴻⵎⵎⵉ ⵉⴷⴳⴻⵏ ⴰⴽⴽⴻⴷ ⵜⵙⵓⴷⴰ, ⵙ 2.287 ⵏ ⵢⵉⵎⴻⵖⵔⴰⵙⴻⵏ ⵏ ⵜⵎⴰⵏⴻⵖ ⵢⴻⵖⵍⵉ ⴷⴻⴳ ⵓⵔⵜⵉ ⵏ ⵢⵉⵙⴻⵖ ⴷⴻⴳ ⵓⵎⴳⴰⵔⵓ ⵏ ⵓⵙⵍⴻⵍⵍⵉ, ⵉ ⵓⵎⵉ ⵎⴰⵣⴰⵍ, ⴰⵔ ⵜⵓⵔⴰ, ⵓⵔ ⵜⵜⵡⴰⵙⵏⴻⵏ ⵢⵉⵙⵎⴰⵡⴻⵏ-ⵏⵙⴻⵏ.