ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵡⴰⵏⴰⴽ ⵓⵔ ⵍⴰ ⴷ-ⵢⴻⵜⵜⴻⴳ ⵉⴷⵍⴻⵙ ⵡⴰⵏⴰⴳ ⵍⴰ ⴷ-ⵢⴻⵙⵙⴻⵡⵊⴰⴷ ⵜⴰⴳⵏⵉⵜ ⵉⵡⴰⵜⴰⵏ ⵉ ⵡⴻⵙⵏⵓⵍⴼⵓ (ⴰⵏⴻⵖⵍⴰⴼ)
ⵙⴹⵉⴼ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⵄⴻⵍⵎⴰ (ⵙⴹⵉⴼ), ⴷⴰⴽⴽⴻⵏ ⴰⵡⴰⵏⴰⴽ (ⴷⴰⵡⵍⴰ) ⵓⵔ ⵍⴰ ⴷ-ⵢⴻⵜⵜⴻⴳ ⵉⴷⵍⴻⵙ, ⵡⴰⵏⴰⴳ ⵍⴰ ⴷ-ⵢⴻⵜⵜⵀⴻⵢⵢⵉ ⵜⴰⵡⴻⵏⵏⴰⴹⵜ ⵉⵡⴰⵜⴰⵏ ⵉ ⵡⴻⵙⵏⵓⵍⴼⵓ ⴷ ⵜⵉⴳⴰⵡⵜ ⵜⴰⴷⴻⵍⵙⴰⵏⵜ.
ⵎⵉ ⵢⴻⵔⵥⴻⵎ ⴰⵎⴻⵣⴳⵓⵏ ⴰⵎⵏⴰⴹⴰⵏ (ⴵⵉⵀⴰⵡⵉ) ⵏ ⵍⵄⴻⵍⵎⴰ ⴰⵢⴷⴻⴳ ⴷ-ⵍⵍⴰⵏ ⵢⵉⵅⴻⴷⴷⵉⵎⴻⵏ ⵉⵎⴻⵇⵔⴰⵏⴻⵏ ⵏ ⵓⵚⴻⴳⴳⴻⵎ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴷ ⵜⵉⵎⴻⵜⵜⵉ ⴰⵢ ⴷ « ⵜⴰⵎⴰⵙⴰⵢⵜ (ⵎⴰⵙ’ⵓⵍⴰ) ⵜⴰⵡⵃⵉⴷⵜ » ⵏ ⵓⴼⴰⵔⴻⵙ ⴰⴷⴻⵍⵙⴰⵏ ⴷ ⵡⴻⵙⵏⵓⵍⴼⵓ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵙ ⵍⴻⵛⵖⴰⵍ ⵉⵎⴻⵇⵔⴰⵏⴻⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴻⵃⵔⵉⵛ ⵏ ⵢⴻⴷⵍⴻⵙ ⴰⵎ ⵓⵎⴻⵣⴳⵓⵏ ⵏ ⵜⴱⴻⵙⴽⴻⵔⵜ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ, ⴰⵢⵖⴻⴼ ⵢⴻⴷⵍⴰ ⵓⵏⴻⵖⵍⴰⴼ ⴰⵙⵙ ⵏ ⵍⵃⴻⴷⴷ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴻⴽⴽⴻⴷ-ⴷ ⵎⴰⵙⵙ ⵎⵉⵀⵧⵓⴱⵉ ⴷⴰⴽⴽⴻⵏ « ⴰⵃⵔⵉⵛ ⵏ ⵢⴻⴷⵍⴻⵙ ⵢⴻⵜⵜⴰⵔⵔⴰ ⵜⴰⵊⵎⵉⵍⵜ ⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴰⵢ ⴰⵙ-ⵢⴻⴼⴽⴰⵏ « ⵜⵜⴰⵡⵉⵍⴰⵜ ⴰⴷ ⵢⴻⴵⴵⴻⵏ ⵉⴷⵍⴻⵙ ⴰⴷ ⵢⵓⵖⴰⵍ ⴷ ⴰⴼⴻⵔⴷⵉⵙ (ⵄⵓⵏⵚⵓⵔ) ⴰⴳⴻⵊⴷⴰⵏ ⴷⴻⴳ ⵜⵓⴷⴻⵔⵜ ⵏ ⵢⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ». ⵢⴻⵙⵎⴻⴽⵜⵉ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⵛⴻⴳⴳⴻⵔ ⴰⵏⴻⴳⴳⴰⵔⵓ ⵏ ⵜⵎⴻⵏⴹⴰⵡⵜ ⴷ ⵡⵉⵏ ⴰⵢ ⴰⵙ-ⵉⴹⴻⵎⵏⴻⵏ ⴰⵎⴽⴰⵏ ⵉ ⵢⴻⴷⵍⴻⵙ ⴷⴻⴳ ⵍⴻⵣ ⵣⴰⵢⴻⵔ ⵉⵎⵉ ⴰⵢ ⵜ-ⵢⴻⵔⵔⴰ ⴷ ⴰⵣⵔⴻⴼ ⵏ ⵍⵍⵙⴰⵙ, ⴰⵎ ⵡⴻⵣⵔⴻⴼ ⵏ ⵓⴷⴰⵡⵉ ⴷ ⵡⴻⵣⵔⴻⴼ ⵏ ⵓⵙⵙⴻⴳⵎⵉ.
ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⵎⵉⵀⵧⵓⴱⵉ ⴷⴰⴽⴽⴻⵏ ⵜⴰⵍⵍⵉⵜ ⵏ ⵢⴻⴷⵍⴻⵙ ⵏ ⵓⵙⵙⵓⴷⴻⵔ ⵉⵜⴼⵓⴽ ⵢⴻⵔⵏⵓ ⵜⵓⴷⴻⴼ ⵜⵎⵓⵔⵜ ⵖⴻⵔ ⵜⴰⵍⵍⵉⵜ ⵏ ⵓⴼⴰⵔⴻⵙ (ⵉⵏⵜⴰⴵ) ⴷ ⵓⵙⵙⴻⴼⵜⵉ ⴷⴻⴳ ⵢⴻⴷⵍⴻⵙ, ⵢⴻⵔⵏⵓ ⴰⵢⴰ ⴰⴷ ⴷ-ⵢⴻⴳⵍⵓ ⵙ ⵍⴼⴰⵢⴷⴰ ⵉ ⵜⵎⴻⵜⵜⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵎⴻⴳⴳⵉⵢⴻⵏ (ⴼⴰⵄⵉⵍⵉⵏ) ⵏ ⵡⴻⵏⵔⴰⵔ ⵏ ⵢⴻⴷⵍⴻⵙ ⴰⴽⴽⴻⵏ ⴰⴷ ⴷ-ⵙⵏⵓⵍⴼⵓⵏ ⵢⴻⵔⵏⵓ ⴰⴷ ⴷ-ⴼⴰⵔⵙⴻⵏ ⵓⴳⴰⵔ ⵏ ⵜⵖⴰⵡⵙⵉⵡⵉⵏ ⵜⵉⴷⴻⵍⵙⴰⵏⵉⵏ ⵏ ⵜⵖⴰⵔⴰ.
ⵢⴻⴱⴷⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⵜⵉⵔⵣⵉ-ⵏⵏⴻⵙ ⵖⴻⴼ ⵍⵄⴻⵍⵎⴰ ⵙ ⵡⴻⵔⵥⴰⵎ ⵏ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵜⴻⵎⴷⵉⵏⵜ-ⴰ ⴰⵢ ⵢⴻⵜⵜⵡⴰⵚⴻⴳⴳⵎⴻⵏ ⵙ ⵜⵊⴻⵍⵍⴰⴱⵜ ⵏ 130 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ. ⵜⵉⵔⵣⵉ-ⴰ ⴰⴷ ⵜⵜ-ⵉⴷ-ⵢⴻⴹⴼⴻⵔ ⵡⴻⵔⵥⴰⵎ ⵏ ⵡⵓⵙⵙⴰⵏ ⵉⵙⴻⴽⵍⴰⵏⴻⵏ ⵏ ⵍⵄⴻⵍⵎⴰ ⵢⴻⵍⵍⴰⵏ ⴷ ⵜⴰⴷⵢⴰⵏⵜ ⵏ 3 ⵏ ⵡⵓⵙⵙⴰⵏ.
