ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⴷⵧⵓⵉ: ⵉⵙⵡⵉ ⵏ ⵓⵅⴻⴷⴷⵉⵎ ⵓⵇⵔⵉⴱ ⵖⴻⵔ ⵎⴻⴷⴷⴻⵏ ⴷ ⴰⵙⵙⴻⵇⵔⴻⴱ ⵏ ⵓⵏⴰⴱⴰⴹ ⵖⴻⵔ ⵓⵖⴻⵔⵎⴰⵏ
ⵜⵉⵏⴷⵓⴼ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵉⵏⴷⵓⴼ, ⴷⴰⴽⴽⴻⵏ ⵉⵙⵡⵉ ⵏ ⵓⵅⴻⴷⴷⵉⵎ ⵓⵇⵔⵉⴱ ⴰⵢ ⵍⴰ ⵢⴻⵜⵜⴻⴳ ⵓⵏⴰⴱⴰⴹ (ⵃⵓⴽⵓⵎⴰ) ⵏⴻⵜⵜⴰ ⴷ ⵜⵓⵥⵓⵜ ⵏ ⵓⵏⴻⵔⵎⵉⵙ (ⵉⵜⵜⵉⵚⴰⵍ) ⵢⴻⵣⴳⴰⵏ ⴷ ⵎⴻⴷⴷⴻⵏ.
ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⵅⴻⴷⴷⵉⵎ ⴷ ⵢⵉⴳⴻⵏⵙⴰⵙⴻⵏ (ⵎⵓⵜⴰⵜⵜⵉⵍⵉⵏ) ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ ⵏ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⴷⴰⴽⴽⴻⵏ ⴰⵅⴻⴷⴷⵉⵎ ⵓⵇⵔⵉⴱ ⴰⵢ ⵍⴰ ⵢⴻⵜⵜⴻⴳ ⵓⵏⴰⴱⴰⴹ ⵙ ⵜⴻⵔⵣⵉ ⵖⴻⴼ ⵡⴻⵏⵔⴰⵔ ⴷ ⴰⵢⴻⵏ ⴰⴷ ⵢⴻⵙⵊⴻⵀⴷⴻⵏ ⴰⵏⴻⵔⵎⵉⵙ ⵢⴻⵣⴳⴰⵏ ⴷ ⵓⵖⴻⵔⵎⴰⵏ (ⵎⵓⵡⴰⵟⵉⵏ), ⵢⴻⵔⵏⵓ ⴰⵢⴰ ⵢⴻⴷⴷⴰ ⴷⴻⴳ ⵡⴻⴱⵔⵉⴷ ⵏ ⵓⵙⵙⴻⴼⵄⴻⵍ ⵏ ⵡⴰⵀⵉⵍⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⵜⵉⵔⵣⵉ-ⴰ ⵖⴻⴼ ⵜⵡⵉⵍⴰⵢⵜ ⵏ ⵜⵉⵏⴷⵓⴼ ⵜⴻⵙⵙⴽⴰⵏⴰⵢ-ⴷ ⵍⴻⴱⵖⵉ ⵉ ⵓⵙⵙⴻⴼⵄⴻⵍ ⵏ ⵓⵙⵙⵉⵔⴻⵎ ⵏ ⵢⵉⵖⴻⵔⵎⴰⵏⴻⵏ ⵢⴻⵔⵏⵓ ⴰⵢⴰ ⵢⴻⵙⵙⵓⵜⵓⵔ-ⴷ ⵙⴻⴳ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ (ⵙⵓⵍⵓⵟⴰⵜ ⵄⵓⵎⵓⵎⵉⵢⵢⴰ) ⵓⴳⴰⵔ ⵏ ⵡⵓⵙⵙⵉⵙⴻⵏ ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵢⵉⵖⴻⴱⵍⴰⵏ ⵏ ⵎⴻⴷⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴱⴻⴷⵧⵓⵉ.
ⵉⵖⴻⴱⵍⴰⵏ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵡⴻⵎⵢⴰⴳⴻⵔ-ⴰ ⵍⵀⴰⵏ-ⴷ ⵍⴰⴷⵖⴰ ⴷ ⵜⴻⵎⵙⴰⵍ ⵏ ⵜⴷⴰⵡⵙⴰ (ⵚⵉⵃⵃⴰ), ⵜⵓⴽⴽⵙⴰ ⵏ ⵢⴻⵎⵖⵓⵣⴻⵏ ⵉ ⵡⴰⵎⴰⵏ ⵏ ⵜⵉⵙⵙⵉⵜ ⴷ ⵜⵏⴻⴼⵍⵉⵜ (ⵜⴰⵏⵎⵉⵢⴰ) ⵏ ⵜⴽⴻⵙⵙⴰⵡⵜ ⵏ ⵢⵉⵍⴻⵖⵎⴰⵏ ⴷⴻⴳ ⵜⴻⵎⵏⴰⴹⵜ-ⴰ.
ⴰⵏⴻⵖⵍⴰⴼ, ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵉⵖⴻⴱⵍⴰⵏ-ⴰ ⴷ ⵓⵣⵔⵉⴼⴻⵏ, ⵉⵄⵓⵀⴻⴷ ⴰⴷ ⵜⴻⵏ-ⵢⴻⵙⵙⵉⵡⴻⴹ ⵉ ⵢⴻⵃⵔⵉⵛⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵜⴻⵏ-ⴼⵔⵓⵏ ⵙ ⵡⴰⵢⴻⵏ ⵉⵡⴰⵜⴰⵏ.
