ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⵓⵕⵓⴼⵉⵜ ⵜⵉⵙ 17: ⵜⴰⴳⵔⴰⵡⵜ ⵏ ⴳⵉⵒⵙⵢ.ⵛⵣ ⵜⴻⵙⵙⴽⴻⵏ-ⴷ ⵜⴰⵍⵖⵉⵡⵉⵏ-ⵏⵏⴻⵙ ⵜⵉⵜⵔⴰⵔⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴳⴰ-ⴷ ⵜⴻⴳⵔⴰⵡⵜ ⵏ ⵓⵥⴰⵡⴰⵏ ⵏ ⵓⵎⴰⴹⴰⵍ ⴻⴷ ⵓⵀⵉⵒⵀⵧⵒ, « ⴳⵉⵒⵙⵢ.ⵛⵣ », ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⵉⵡⴻⵏ ⵏ ⵓⴱⴰⵔⴰⵣ (ⵃⴰⴼⵍ) ⴰⵢⴷⴻⴳ ⴷ-ⵜⴻⵡⵡⵉ ⵜⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵥⴰⵡⴰⵏ, ⵅⴻⵍⴹⴻⵏ ⴷⴻⴳ-ⵙ ⵢⵉⵖⴰⵏⵉⴱⴻⵏ ⵢⴻⵎⴳⴻⵔⵔⴰⴷⴻⵏ ⵙ ⵡⴻⵏⵢⴰ (ⵔⵉⵜⵎ) ⵏ ⵓⵒⵧⵍⴽⴰ, ⴷⴰⵏⵛⴻ, ⵕⵕⴰⵒ ⴻⴷ ⵓⵀⵉⵒⵀⵧⵒ, ⵢⴻⵔⵏⵓ ⵜⴳⴰ-ⴷ ⴰⵀⴰⵏⴰⵢ ⵙ ⵜⴻⵙⵏⴰⵜⵡⵉⵍⵜ ⵜⵓⵎⴹⵉⵏⵜ ⴰⵢⴷⴻⴳ ⵜⵜⵡⴰⵙⵇⴻⴷⵛⴻⵏ ⵡⴰⵍⵍⴰⵍⴻⵏ ⵏ ⵓⵥⴰⵡⴰⵏ ⴰⵣⵉⴳⴰⵏ, ⴰⴽⵓⵕⴷⵢⵓⵏ ⴻⴷ ⵢⵉⵎⵥⴰⴷ.

ⵜⴰⴳⵔⴰⵡⵜ-ⴰ ⵜⴻⵜⵜⴻⴽⴽⴰ ⵙ ⵢⵉⵙⴻⵎ ⵏ ⵜⴻⴳⴷⵓⴷⴰ ⵜⴰⵞⵉⴽⵉⵜ ⴷⴻⴳ ⵓⴽⴰⵜⴰⵔ ⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⵓⵕⵓⴼⵉⵜ ⵜⵉⵙ 17 ⴷⴻⴳ ⵍⴻⵣⵣⴰⵢⴻⵔ ⴰⵢ ⵢⴻⴱⴷⴰⵏ ⴰⵙⵙ ⵏ 9 ⵎⴰⵢⵓ ⵢⴻⵣⵔⵉⵏ ⵢⴻⵔⵏⵓ ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴰⵢⴷⴻⴳ ⴰⴷ ⵜⵡⴻⵜ ⴷⴻⴳ ⵍⴻⵣⵣⴰⵢⴻⵔ. ⴰⴱⴰⵔⴰⵣ-ⵏⵏⴻⵙ ⵢⴻⵍⵍⴰ-ⴷ ⴷⴻⴳ ⵜⵣⴻⵇⵇⴰ ⵏ ⵉⴱⵏ ⵣⴻⵉⴷⵧⵓⵏ, ⴷⴻⴳ ⵓⴷⵉⵡⴰⵏ ⵏ ⵔⵉⴰⴷⵀ ⴻⵍ ⴼⴻⵜⵀ ⵢⴻⵔⵏⵓ ⵍⵖⴰⵛⵉ ⴰⵢ ⵉⵃⴻⴷⵕⴻⵏ ⴷⴻⴳ-ⵙ ⵢⴻⵄⵊⴻⴱ-ⴰⵙ ⵍⵃⴰⵍ.

ⴷⴻⴳ ⵢⵉⵡⴻⵜ ⵏ ⵜⴻⴳⵏⴻⵡⵜ ⵏ ⵜⵎⴻⵖⵔⴰ ⴰⵢ ⴷ-ⵢⴻⵙⵎⴻⴽⵜⴰⵢⴻⵏ ⵙ ⵢⵉⵀⴰⵏⴰⵢⴻⵏ (ⵄⵓⵔⵓⴹ) ⵏ ⵢⵉⵣⴻⵏⵇⴰⵏ ⵏ ⵜⴻⵎⴷⵉⵏⵉⵏ ⵏ ⵜⵓⵕⵓⴼⵜ ⵜⴰⵍⴻⵎⵎⴰⵙⵜ, ⵜⵡⴻⵜ-ⴷ ⵜⴻⴳⵔⴰⵡⵜ-ⴰ 15 ⵏ ⵜⴻⵣⵍⴰⵜⵉⵏ ⴰⵢ ⴷ-ⵢⴻⵛⵏⴰ ⵔⴰⴷⴻⴽ ⴱⴰⵏⴳⴰ ⵙ ⵜⵞⵉⴽⵉⵜ.

ⴰⵛⴻⵏⵏⴰⵢ-ⴰ ⵢⴻⵍⵍⴰⵏ ⴷⴰⵖ ⴷ ⴰⵎⴻⵙⴽⴰⵔ ⵏ ⵜⴻⵣⵍⴰⵜⵉⵏ ⵢⴻⵔⵏⵓ ⴷ ⴰⵎⵥⴰⵡⴰⵏ (ⵎⵓⵙⵉⵇⴰⵔ) ⵉⵇⴻⴷⴷⴻⵎ-ⴷ ⵢⴰⵍ ⵢⵉⵡⴻⵜ ⵙⴻⴳ ⵜⴻⵣⵍⴰⵜⵉⵏ-ⵏⵏⴻⵙ ⵙ ⵜⴰⵏⴳⵍⵉⵣⵉⵜ ⵓⵇⴱⴻⵍ ⵎⴰ ⵢⴻⵛⵏⴰ-ⵜⵜ-ⵉⴷ, ⴰⴽⴽⴻⵏ ⴰⴷ ⴷ-ⵢⴻⵙⵙⴻⴼⵀⴻⵎ ⵖⴻⴼ ⵡⴰⵛⵓ ⴰⵢ ⴷ-ⵜⵛⴻⵏⵏⵓ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵛⴻⴷ ⵉⵎⴼⴻⵕⵕⴵⴻⵏ ⴰⴽⴽⴻⵏ ⴰⴷ ⵛⴻⴹⵃⴻⵏ ⵓⵍⴰ ⵙ ⵜⵖⵉⵎⵉⵜ, ⵙ ⵓⵙⵙⴻⵡⵍⵉⵡⴻⵍ ⵏ ⵢⵉⴼⴰⵙⵙⴻⵏ.

ⵜⴰⴳⵉⵟⴰⵔⵜ ⴻⴷ ⵓⴽⵓⵕⴷⵢⵓⵏ ⵢⴻⵍⵀⴰ-ⴷ ⵢⵉⴷ-ⵙⴻⵏ ⵊⴰⵏ ⵙⵧⵛⵀⵧⵔ, ⵎⴰ ⴷ ⵜⵧⵎⴰⵙ ⴱⴰⵔⵧⵙ ⵢⴻⵍⵀⴰ-ⴷ ⴻⴷ ⵜⴰⴱⴱⴰⵙⵜ. ⵠⵉⵍⵉⴰⵎ ⴷⵉⴷⵉⴰⵙ ⵉⵡⴻⵜ ⵉⵎⵥⴰⴷ ⵢⴻⵔⵏⵓ ⵢⴻⵙⵙⴽⴻⵏ-ⴷ ⵜⵉⵄⵄⵓⵡⵊⴰ-ⵏⵏⴻⵙ ⵙ ⵢⵉⵡⴻⵏ ⵏ ⵓⵥⴰⵡⴰⵏ ⴷ ⴰⵔⵓⵔⴰⴷ (ⵙⴰⵔⵉⵄ).

ⴰⴱⴰⵔⴰⵣ-ⴰ ⵢⴻⴹⴹⴻⴼ 80 ⵏ ⵜⴻⴷⵇⵉⵇⵉⵏ ⵙ ⵜⴻⵣⵍⴰⵜⵉⵏ ⴰⵢ ⴷ-ⵉⵃⴻⴽⴽⵓⵏ ⵖⴻⴼ ⵜⵓⴷⴻⵔⵜ ⵜⴰⵏⵎⴻⵜⵜⵉⵜ, ⵜⴰⵢⵔⵉ, ⵉⵖⴻⴱⵍⴰⵏ ⵏ ⵢⴰⵍ ⴰⵙⵙ, ⵜⴰⵎⴰⴳⵉⵜ (ⵀⵓⵡⵉⵢⵢⴰ), ⴰⵇⴱⴰⵍ ⵏ ⵡⵉⵢⴰⴹ, ⵜⵓⵎⴻⵔⵜ ⵏ ⵜⵓⴷⴻⵔⵜ ⴻⴷ ⵡⴻⵔⵥⴰⵎ ⵏ ⵍⴱⴰⵍ ⴷⴻⴳ ⵓⵇⴰⴷⴻⵔ ⵏ ⵡⵉⵢⴰⴹ, ⴷ ⵜⵉⴷ ⵢⴻⵙⵄⴰⵏ ⴰⵏⵢⴰ ⵉⴵⴻⵀⴷⴻⵏ, ⴰⵢ ⴷ-ⵉⵏⴻⵛⴷⴻⵏ ⵉⵎⴼⴻⵕⵕⴵⴻⵏ ⴰⴽⴽⴻⵏ ⴰⴷ ⵛⴻⴹⵃⴻⵏ.

ⵜⴰⴼⴰⵙⴽⴰ ⵜⵓⵕⵓⴼⵉⵜ ⵎⴰⵣⴰⵍ ⴰⴷ ⵜⴽⴻⵎⵎⵍ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵄⴻⵏⵏⴰⴱⴰ, ⴱⴳⴰⵢⴻⵜ, ⵡⴻⵀⵕⴰⵏ ⴻⴷ ⵜⵉⵣⵉ ⵡⴻⵣⵣⵓ ⴰⵔⵎⴰ ⴷ 21 ⵎⴰⵢⵓ. ⴰⵙⵙ ⵏ ⵍⴻⵜⵏⵉⵢⴻⵏ ⴰⴷ ⴷ-ⵢⵉⵍⵉ ⵓⵀⴰⵏⴰⵢ ⵏ ⵜⵎⴻⴽⴽⴰⵜⵜ ⵏ ⵜⵣⴻⵎⵎⴰⵕⵜ ⵢⴰⵣⵣ ⴰⵀⵎⴻⴷ (ⵙⴻⴳ ⴱⴻⵃⵕⵉⵏ) ⴻⴷ ⵜⵛⴻⵏⵏⴰⵢⵜ ⵜⴰⴷⵣⴰⵢⵔⵉⵜ ⴰⵎⴻⵍ ⵣⴻⵏ ⴰⴷ ⵢⴻⵜⵜⴻⴽⴽⵉⵏ ⵙ ⵢⵉⵙⴻⵎ ⵏ ⵜⴳⴻⵍⴷⴰ ⵢⴻⴷⴷⵓⴽⴽⵍⴻⵏ.