ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵜⵡⴰⵀⴻⵢⵢⴰⵏⵜ-ⴷ ⴰⴽⴽ ⵜⴻⴳⵏⴰⵜⵉⵏ ⵉⵡⴰⵜⴰⵏ ⵉ ⵡⴻⵙⵄⴻⴷⴷⵉ ⵏ ⵓⴽⴰⵢⴰⴷ ⵏ ⵡⴻⵍⵎⵓⴷ ⴰⵍⴻⵎⵎⴰⵙ ⴷⴻⴳ ⵒⴰⵔⵉⵙ
ⵒⴰⵔⵉⵙ– ⵜⵜⵡⴰⵀⴻⵢⵢⴰⵏⵜ-ⴷ ⴰⴽⴽ ⵜⴻⴳⵏⴰⵜⵉⵏ ⵉⵡⴰⵜⴰⵏ ⴷⴻⴳ ⵓⵖⴻⵔⴱⴰⵣ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⵏ ⵒⴰⵔⵉⵙ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵢⵉⵏⴻⵍⵎⴰⴷⴻⵏ ⴰⴽⴰⵢⴰⴷ-ⵏⵙⴻⵏ ⵏ ⵡⴻⵍⵎⵓⴷ ⴰⵍⴻⵎⵎⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.
20 ⵏ ⵢⵉⵏⴻⵍⵎⴰⴷⴻⵏ ⴰⵢ ⴷ-ⵢⵓⵙⴰⵏ ⵜⴰⵚⴻⴱⵃⵉⵜ ⵣⵉⴽ ⵖⴻⵔ ⵓⵖⴻⵔⴱⴰⵣ-ⴰ ⴰⵢ ⵢⴻⵜⵜⵡⴰⵔⴻⵥⵎⴻⵏ ⴰⵙⵙ ⵏ 17 ⵜⵓⴱⴻⵕ 2001 ⴷⴷⴰⵡ ⵍⴻⵄⵏⴰⵢⴰ ⵏ ⵡⴻⵖⵍⵓⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵉⴽⴰⵢⴰⴷⴻⵏ-ⵏⵙⴻⵏ ⴰⵢⵢⴻⵙ ⴰⴷ ⵄⴻⴷⴷⵉⵏ ⵖⴻⵔ ⵜⴻⵙⵏⴰⵡⵉⵜ.
ⵉⵖⴻⴼ ⵏ ⵡⴰⵎⵎⴰⵙ-ⴰ ⵏ ⵓⴽⴰⵢⴰⴷ, ⵛⵀⴰⵉⴱ ⴷⵔⴰⴰ, ⵢⴻⵜⵜⵡⴰⵣⴻⵏ-ⴷ ⵙ ⴷⴷⴻⵎⵎⴰ ⵙⴻⴳ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⵉⵄⴰⵙⵙ ⴰⴽⴰⵢⴰⴷ-ⴰ ⵢⴻⵔⵏⵓ ⵢⴻⵏⵏⴰ-ⴰⵖ-ⴷ ⴷⴰⴽⴽⴻⵏ « ⵜⵓⵜⵜⵔⵉⵡⵉⵏ ⵏ ⵢⵉⴽⴰⵢⴰⴷⴻⵏ ⵜⵜⵡⴰⵣⵏⴻⵏⵜ-ⴷ ⵙⴻⴳ ⵍⴷⵣⴰⵢⴻⵔ ⴷⴻⴳ ⵜⴱⴰⵍⵉⵣⵜ ⵜⴰⴷⵉⵒⵍⵓⵎⴰⵜⵉⵜ ⵢⴻⵔⵏⵓ ⵔⵙⴻⵏⵜ ⴷⴻⴳ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵍⴷⵣⴰⵢⴻⵔ ⵓⵇⴱⴻⵍ ⵎⴰ ⵜⵜⵓⵏⴻⴼⴽⴻⵏⵜ-ⵉⵢⵉ-ⴷ ⵜⴰⵚⴻⴱⵃⵉⵜ-ⴰ ».
«ⵜⵉⵡⵔⵉⵇⵉⵏ ⵏ ⵜⵓⵜⵜⵔⵉⵡⵉⵏ ⵜⵜⵡⴰⵊⴻⵎⵄⴻⵏⵜ ⴷⴻⴳ ⵓⵙⴻⵏⴷⵓⵇ ⵓⵃⵚⵉⵏ » ⵓⵇⴱⴻⵍ ⵎⴰ ⵢⴻⴱⴷⴰ ⵓⴽⴰⵢⴰⴷ ⵖⴻⴼ ⵜⵉⵙ 9ⵙ00 ⵏ ⵜⵚⴻⴱⵃⵉⵜ ⴷⴻⴳ ⵒⴰⵔⵉⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⵏⵏⵉⴳ ⵡⴰⵢⴰ, ⴰⴽⴰⵢⴰⴷ ⵢⴻⴱⴷⴰ ⴷⴻⴳ ⵢⵉⵡⴻⵏ ⵡⴰⴽⵓⴷ ⴰⵎⴰ ⴷⴻⴳ ⴼⵕⴰⵏⵙⴰ ⵏⴻⵖ ⴷⴻⴳ ⵍⴷⵣⴰⵢⴻⵔ.
ⵢⴻⵙⵙⴻⵎⵍⴰⵍ-ⴷ ⵓⵖⴻⵔⴱⴰⵣ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⴰⴽⴽ ⵜⴰⵍⵓⵊⵉⵙⵜⵉⵜ ⵢⴻⵙⵙⴻⴼⴽⴻⵏ ⵉ ⵡⴻⴹⵎⴰⵏ ⵏ ⵓⵄⴻⴷⴷⵉ ⵏ ⵓⴽⴰⵢⴰⴷ-ⴰ ⴰⴽⴽⴻⵏ ⵉⵡⴰⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴷⵔⴰⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ 20-ⵏⵏⵉ ⵏ ⵢⵉⵏⴻⵍⵎⴰⴷⴻⵏ ⴰⴷ ⵢⴻⵙⵄⴻⴷⴷⵉⵏ ⴰⴽⴰⵢⴰⴷ-ⴰ ⵜⵜⵡⴻⴱⴹⴰⵏ ⵖⴻⴼ ⵙⵏⴰⵜ ⵏ ⵜⵣⴻⵖⵡⵉⵏ, ⵢⴻⵔⵏⵓ ⴰⵣⴰⵍ ⵏ 40 ⵏ ⵢⵉⵄⴻⵙⵙⴰⵙⴻⵏ ⴰⴷ ⴷ-ⵢⴻⵎⵢⴻⵅⵍⴰⴼⴻⵏ ⴰⴽⴽⴻⵏ ⴰⴷ ⵜⴻⵏ-ⵄⴰⵙⵙⴻⵏ ⴷⴻⴳ 3 ⵏ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ.
