ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵙⵎⵉⵍⵜ ⵜⵓⵅⵍⵉⴹⵜ ⵜⴰⵎⴻⵇⵔⴰⵏⵜ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⴰⴷ ⴷ-ⵜⵉⵍⵉ ⵓⵇⴱⴻⵍ ⵜⴳⴰⵔⴰ ⵏ 2016 (ⵍⴰⵎⴰⵎⵔⴰ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⴰⵙⵎⵉⵍⵜ (ⵍⴰⴵⵏⴰ) ⵜⵓⵅⵍⵉⴹⵜ ⵜⴰⵎⴻⵇⵔⴰⵏⵜ ⵏ ⵡⴻⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⴰⴷ ⴷ-ⵜⵉⵍⵉ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵇⴱⴻⵍ ⵜⴳⴰⵔⴰ ⵏ 2016.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ ⴷⴻⴳ ⵜⴳⴰⵔⴰ ⵏ ⵓⴷⵉⵡⴻⵏⵏⵉ-ⵏⵏⴻⵙ (ⵃⵉⵡⴰⵔ) ⴷ ⵡⴻⵎⵜⵉⵍ-ⵏⵏⴻⵙ ⴰⵎⵓⵔⵉⵟⴰⵏⵉ ⵉⵙⵙⴻⵍⴽⵧⵓ ⵧⵓⵍⴷ ⴰⵀⵎⴻⴷ ⵉⵣⵉⴱⴷⵉⵀ, ⵢⴻⵏⵏⴰ-ⴷ ⵎⴰⵙⵙ ⵍⴰⵎⴰⵎⵔⴰ ⴷⴰⴽⴽⴻⵏ ⵜⵉⵎⵍⵉⵍⵉⵜ ⵏ ⵜⴻⵙⵎⵉⵍⵜ ⵜⵓⵅⵍⵉⴹⵜ « ⴰⴷ ⴷ-ⵜⵉⵍⵉ ⴷ ⵜⴰⴳⵏⵉⵜ ⵉ ⵡⴻⵙⴷⵓⵇⵇⴻⵙ, ⴰⵏⴻⵡⵡⴻⵄ ⴷ ⵓⵙⵙⴻⵡⵙⴻⵄ ⵏ ⵡⴻⵎⵄⴰⵡⴻⵏ ⴰⵙⵉⵏⴷⵉⵙⴰⵏ ».
ⴰⴷ ⵢⴻⴵⴵ ⴷⴰⵖ ⵡⴰⵢⴰ « ⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⵓⵔⴰⵔⴻⵏⵜ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵡⴻⵎⵄⴰⵡⴻⵏ ⴰⵙⵉⵏⴷⵉⵙⴰⵏ ».
ⵢⴻⵛⴽⴻⵕ-ⴷ ⴷⴰⵖ ⵎⴰⵙⵙ ⵍⴰⵎⴰⵎⵔⴰ ⴰⵙⵙⵓⴷⴷⴻⵙ ⵏ ⵜⵇⴰⵛⵓⵛⵜ ⵜⴰⵄⵕⴰⴱⵜ ⴷⴻⴳ ⵎⵓⵔⵉⵟⴰⵏⵢⴰ ⵢⴻⵍⵍⴰⵏ ⴷ ⵜⴰⵎⵓⵔⵜ ⵏ ⵍⵎⴻⵖⵔⴻⴱ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⵡⵊⴻⴷ ⵏ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⵉ ⵓⵙⵙⴻⵔⴱⴻⵃ ⵏ ⵜⵇⴰⵛⵓⵛⵜ-ⴰ ⵢⴻⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴷⴻⴳ ⵜⴻⵙⵡⵉⵄⵜ-ⴰ ⴰⵢⴷⴻⴳ ⴰⵖⵍⴰⵏ ⴰⵄⵕⴰⴱ ⵍⴰ ⵢⴻⵜⵜⵎⴰⴳⴰⵔ ⵉⵛⵇⵉⵔⵔⵡⴻⵏ ⴷ ⵉⵎⴻⵇⵔⴰⵏⴻⵏ ».
ⵢⴻⵙⵎⴻⴽⵜⵉ-ⴷ ⵎⴰⵙⵙ ⵍⴰⵎⴰⵎⵔⴰ ⴷⴰⴽⴽⴻⵏ ⵢⴻⵍⵍⴰ ⵡⴻⵎⵄⴰⵡⴻⵏ ⴰⵢ ⴷ-ⵢⴻⵡⵡⵉⵏ ⵍⴼⴰⵢⴷⴰ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵢⴻⵔⵏⵓ ⵉⵡⴻⴽⴽⴻⴷ-ⴷ ⵖⴻⴼ « ⵓⵄⴻⵡⵡⴻⵍ ⵏ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⴰⴽⴽⴻⵏ ⴰⴷ ⵏⵏⴰⵖⴻⵏⵜ ⵎⴳⴰⵍ ⵜⵔⴻⵎⵎⵉⵖⵜ (ⵉⵔⵀⴰⴱ) ⴷ ⵜⴻⵊⵔⵉⵎⵜ ⵉⵣⴻⴳⵔⴻⵏ ⵉ ⵜⵍⵉⵙⴰ ».
« ⵏⴻⵙⵄⴰ ⴰⵟⴰⵙ ⵏ ⵜⴻⵍⵖⴰ (ⵎⴰⵄⵍⵓⵎⴰⵜ) ⴰⴷ ⵏⴻⵎⴱⴰⴷⴷⴰⵍ ⴷ ⵡⴰⵟⴰⵙ ⵏ ⵜⵖⴰⵡⵙⵉⵡⵉⵏ ⴰⴷ ⵏⴻⴳ ⵙⴻⴳ ⵢⵉⴷⵉⵙ ⴰⴷⵉⵒⵍⵓⵎⴰⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵎⴰ ⴷ ⴰⵏⴻⵖⵍⴰⴼ ⴰⵎⵓⵔⵉⵟⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵢⴻⵏⵏⴰ-ⴷ ⴷⴰⴽⴽⴻⵏ ⴰⴳⴻⵍⵍⵓⵙ (ⵎⵉⵃⵡⴰⵔ) ⵏ ⵏⵡⴰⵇⵛⵓⵟ ⴷ ⵍⴻⵣⵣⴰⵢⴻⵔ ⵢⴻⵔⵣⴰ ⴰⵎⴻⵣⵔⵓⵢ, ⵜⴰⵙⴻⵔⵜⵉⵜ ⴷ ⵢⴻⴷⵍⴻⵙ, ⵢⴻⵔⵏⵓ ⵢⴻⵍⵍⴰ-ⴷ ⴷ ⵜⴰⵏⴻⵣⴳⴰⵔⵜ ⵏ ⵡⴻⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
