ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⵓⵔⴰⵔⴻⵏⵜ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵙⵙⴻⴱⴷⴻⴷ ⵏ ⵜⴰⵍⵡⵉⵜ ⴷⴻⴳ ⵜⴻⴼⵔⵉⵇⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⵔⴰⵔⴻⵏⵜ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵓⵙⵙⴻⴱⴷⴻⴷ ⵏ ⵜⴰⵡⵍⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⴷⴻⴳ ⵜⴻⴼⵔⵉⵇⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵏⴻⵖⵍⴰⴼ ⴰⵎⵓⵔⵉⵟⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵉⵙⵙⴻⵍⴽⵧⵓ ⵧⵓⵍⴷ ⴰⵀⵎⴻⴷ ⵉⵣⵉⴷ ⴱⵉⵀ.
« ⴰⵙⵙⴰⵖⴻⵏ ⵉⴼⴰⵣⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵎⵓⵔⵉⵟⴰⵏⵢⴰ ⵜⵜⵡⴰⵙⵊⴻⵀⴷⴻⵏ ⵙ ⵢⵉⵛⵓⴷⴷⴰⵏ ⵉⵎⴻⵣⵔⵓⵢⴰⵏⴻⵏ ⵢⴻⵍⵍⴰⵏ ⴳⴰⵔ-ⴰⵙⴻⵏⵜ ⴷ ⵜⴻⵎⵏⴰⴹⵜ ⴰⵢⴷⴻⴳ ⴷ-ⵓⵙⴰⵏⵜ, ⵢⴻⵔⵏⵓ ⴰⵢⴰ ⴰⴽⴽ ⵢⴻⴵⴵⴰ ⵙⵏⴰⵜ-ⴰ ⵏ ⵜⵎⵓⵔⴰ ⴰⴷ ⵣⵡⵉⵔⴻⵏⵜ ⵉ ⵚⵚⴻⴼ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴱⴷⴻⴷ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷⴻⴳ ⵜⴻⴼⵔⵉⵇⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵉⵙⵙⴻⵍⴽⵧⵓ ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵎⵓⴷⴰⵅⴰⵍⴰ) ⵉ ⵡⴻⵙⴼⵓⴳⴻⵍ ⵏ ⵡⴰⵙⵙ ⵏ ⵜⴻⴼⵔⵉⵇⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵢⴻⴱⴷⴻⵔ-ⴷ ⴷⴰⵖ ⵓⵏⴻⵖⵍⴰⴼ-ⴰ ⴰⵎⴰⵀⵉⵍ (ⵄⴰⵎⴰⵍ) ⴰⵢ ⵜⴳⴰ ⵜⵎⵓⵔⵜ-ⵏⵏⴻⵙ ⴰⵢ ⵢⴻⵙⵙⴻⵍⵡⵉⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴷⴻⴳ 1971 ⴷ 2014, ⴷ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵜⴻⴱⴷⴰⵎⵎⴰⵙⵜ ⴰⵢ ⵜⴳⴰ ⵉ ⵓⴼⴻⵔⵔⵓ ⵏ ⵜⵍⵓⴼⴰ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⴰⵎ ⵜⴰⵍⵓⴼⵜ ⵏ ⴱⵓⵔⵓⵏⴷⵉ.
« ⵏⴻⵜⵜⴰⵔⵔⴰ ⵜⴰⵊⵎⵉⵍⵜ ⵉ ⵜⵙⵓⵜⴰ ⴰⵢ ⴷ-ⵢⴻⵙⴱⴻⴷⴷⴻⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⴷ ⵜⵉⵏ ⴰⵢ ⵢⴻⵜⵜⴻⴽⴽⴰⵏ ⵙ ⵡⴰⵟⴰⵙ ⴷⴻⴳ ⵓⵙⵙⴻⴱⴷⴻⴷ ⵏ ⵡⴰⵙⵙⴰⵖⴻⵏ ⵉⵎⵜⴰⵡⴰⵏⴻⵏ ⴳⴰⵔ ⵜⵎⵓⵔⴰ ⵏ ⵜⴻⴼⵔⵉⵇⵜ ⵢⴻⵔⵏⵓ ⵎⴰⵣⴰⵍ-ⵉⵜⵜ ⵜⴻⵜⵜⴻⴳ ⵓⵙⵙⵉⵙⴻⵏ ⵉ ⵡⴰⵢⴰ, ⵓⵍⴰ ⵎⴰ ⵏⵏⵓⵍⴼⴰⵏⵜ-ⴷ, ⴷⴻⴳ ⵜⴻⵎⵏⴰⴹⵜ-ⴰ, ⵜⴻⴳⵔⴰⵡⵉⵏ ⵢⴻⵙⵄⴰⵏ ⵏⵏⴼⴻⵄ ⴰⵙⴻⵔⵜⴰⵏ ⵢⴻⵎⴳⴻⵔⵔⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴳⴰⵔ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵜⴼⵓⴳⵍⴰ-ⴰ, ⵢⴻⵍⵍⴰ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵎⴻⵏⴹⴰⵡⴰⵏ, ⵎⵧⵓⵔⴰⴷ ⵎⴻⴷⴻⵍⵛⵉ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵊⵉⵏⵉⵕⴰⵍ ⴰⵎⴰⵊⵓⵕ ⴰⴱⴷⴻⵍⴳⵀⴰⵏⵉ ⵀⴰⵎⴻⵍ, ⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵓⵏⴰⴱⴰⴹ, ⵓⴷⵎⴰⵡⴻⵏ ⵉⵖⴻⵍⵏⴰⵡⴻⵏ, ⵉⵏⴻⵖⵍⴰⴼⴻⵏ ⴷ ⵢⴻⵏⵎⴰⵀⴰⵍⴻⵏ (ⵙⵓⴼⴰⵔⴰ’) ⵉⵇⴱⵓⵔⴻⵏ ⴷ ⵙⵉⵏ ⵏ ⵢⵉⵏⴻⴱⴳⵉⵡⴻⵏ ⵏ ⵢⵉⵙⴻⵖ, ⴰⵏⵎⴰⵀⴰⵍ ⴰⴽⴰⵎⵔⵓⵏⵉ ⴷⴻⴳ ⵍⴻⵣⵣⴰⵢⴻⵔ, ⵛⵍⴰⵓⴷⴻ ⵊⵧⵙⴻⵒⵀ ⵎ’ⴱⴰⴼⵧⵓ, ⴷ ⵓⵏⴻⵖⵍⴰⴼ ⴰⵇⴱⵓⵔ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵍⴰⴽⵀⴷⴰⵔ ⴱⵔⴰⵀⵉⵎⵉ.
