ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴱⴳⴻⵙ ⵏ ⵢⴻⴷⵔⵉⵎⴻⵏ ⵢⴻⵍⵍⴰⵏ ⴷⴰⵅⴻⵍ ⵜⵎⵓⵔⵜ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⴼⴻⵔⵔⵓ ⵏ ⵍⴻⵅⵚⴰⵚ ⵏ ⵢⴻⴷⵔⵉⵎⴻⵏ (ⴰⵏⴻⵖⵍⴰⴼ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴰⵍⴼⴰ, ⴰⵙⵙ ⵏ ⵍⴰⵕⴻⴱⵄⴰ, ⴷⴰⴽⴽⴻⵏ ⴰⵙⵙⴻⴱⴳⴻⵙ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵜⵉⴷⵔⵉⵎⴰⵏⵉⵏ ⵏ ⴷⴰⵅⴻⵍ ⵜⵎⵓⵔⵜ ⴰⴷ ⵢⴻⴵⴵ ⵜⴰⴷⴰⵎⵙⴰ ⴰⴷ ⵜⴻⴼⵔⵓ ⵓⴳⵓⵔ ⵏ ⵍⴻⵅⵚⴰⵚ ⵏ ⵢⴻⴷⵔⵉⵎⴻⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵓⵖⴻⵍⵍⵓⵢ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ.

ⴷⴻⴳ ⵜⵔⵉⵔⵉⵜ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⵉⵎⴰⵙⵍⴰⴹⴻⵏ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⴼ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⴰⵎⴰⵔⵓⴷⴰⵏ ⵏ 2013, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⴻⵙⵄⴻⴷⴷⵉ ⵜⴰⵍⵍⵉⵜ ⵉⵡⴻⵄⵕⴻⵏ ⵏ ⵍⴻⵅⵚⴰⵚ ⵏ ⵢⴻⴷⵔⵉⵎⴻⵏ ⴷⴻⴳ 2016, 2017 ⴷ 2018, ⵢⴻⵔⵏⵓ ⴰⵍⴰ ⵍⴻⵎⵃⴰⴷⵔⴰ, ⴰⵃⴻⵣⵣⴻⴱ ⴷ ⵓⵙⵙⴻⴱⴳⴻⵙ ⵏ ⵢⴻⴷⵔⵉⵎⴻⵏ ⵏ ⴷⴰⵅⴻⵍ ⵜⵎⵓⵔⵜ ⴰⴷ ⵜⵜ-ⵢⴻⴵⴵⴻⵏ ⴰⴷ ⵜⴻⵙⵍⴻⴽ ⵉ ⵍⴻⵅⵚⴰⵚ-ⴰ.

ⴳⴰⵔ ⵜⵜⴰⵡⵉⵍⴰⵜ ⵏ ⵓⵙⵙⴻⴱⴳⴻⵙ ⵏ ⵢⴻⴷⵔⵉⵎⴻⵏ ⵏ ⴷⴰⵅⴻⵍ ⵜⵎⵓⵔⵜ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵢⴻⵍⵍⴰ ⵓⵏⴰⴳⵔⴰⵡ ⵏ ⵡⴻⵙⵍⵓⴳⴻⵏ (ⵜⴰⵙⵡⵉⵢⴰ) ⵏ ⵍⴻⵖⵔⴰⵎⴰ ⴰⵢ ⴷ-ⵢⴻⴱⴷⴰⵏ ⴷⴻⴳ 2015 ⴷ ⵓⵔⴻⴹⴹⴰⵍ ⵏ ⵢⴻⴷⵔⵉⵎⴻⵏ ⵙⴻⴳ ⵙⴷⴰⵅⴻⵍ ⵜⵎⵓⵔⵜ ⴰⵢ ⴷ-ⵢⴻⴱⴷⴰⵏ ⵙⴻⴳ ⵎⴻⵍⵎⵉ ⴽⴰⵏ ⵉ ⵍⵎⴻⵏⴷ ⵏ ⵓⵙⵙⵉⴷⵔⴻⵎ (ⵜⴰⵎⵡⵉⵍ) ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ.

ⵉⵡⴻⴽⴽⴻⴷ-ⴷ ⵎⴰⵙⵙ ⴱⴻⵏⴽⵀⴰⵍⴼⴰ, ⴷⴻⴳ ⵜⴻⵎⵙⴰⵍⵜ-ⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵓⵖⴰⵍ ⵜⵎⵓⵔⵜ ⵜⴻⵙⵙⴻⵇⴷⴰⵛ ⴰⵙⵙⵉⴷⵔⴻⵎ ⵏ ⵜⴰⴳⴳⴰⵣⵜ (ⴱⵓⵔⵚⴰ) ⴷⴻⴳ ⵡⴻⵎⴽⴰⵏ ⵏ ⵓⵙⵙⵉⴷⵔⴻⵎ ⵙ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ) ⴰⴽⴽⴻⵏ ⴰⴷ ⵜⵓⵖⴰⵍ ⵜⴻⵙⵙⴻⵇⴷⴰⵛ ⵉⴷⵔⵉⵎⴻⵏ ⴰⴽⴽⴻⵏ ⵢⴻⵏⴼⴻⵄ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵍⵇⴰⴹ ⵏ ⵍⴻⵖⵔⴰⵎⴰ ⵍⴰ ⵉⵔⴻⵏⵏⵓ ⵙ 12 ⵖⴻⵔ 13% ⵉ ⵓⵙⴻⴳⴳⴰⵙ ⵢⴻⵔⵏⵓ ⴰⴷ ⵢⴻⵜⵜⴻⴽⴽⵉ ⵡⴰⵢⴰ ⴷⴻⴳ ⵡⴻⵊⵎⴰⵄ ⵏ ⵢⴻⴷⵔⵉⵎⴻⵏ ⴷ ⵉⵎⴻⵇⵔⴰⵏⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴷⴻⴳ ⵡⴰⴽⵓⴷ ⴰⵢⴷⴻⴳ, ⵣⵉⴽ, ⵍⴻⵖⵔⴰⵎⴰ ⵜⴻⵜⵜⴰⵡⵉ-ⴷ 60% ⵙⴻⴳ ⵢⴻⴷⵔⵉⵎⴻⵏ-ⵏⵏⴻⵙ ⵙⴻⴳ ⵡⴻⵃⵔⵉⵛ ⵏ ⵓⵒⵉⵜⵕⵓⵍ, ⵉⵎⵉⵔ-ⴰ ⵜⴻⴱⴷⴰ ⵍⴰ ⵜⴻⵜⵜⴱⴻⴷⴷⵉⵍ ⵜⴻⴳⵏⵉⵜ ⵢⴻⵔⵏⵓ ⵙⵉⵎⴰⵍ ⵍⴰ ⵔⴻⵏⵏⵓⵏ ⵢⴻⴷⵔⵉⵎⴻⵏ ⵏ ⵍⴻⵖⵔⴰⵎⴰ ⴰⵢ ⴷ-ⵢⴻⵜⵜⴻⴽⴽⴻⵏ ⵙⴻⴳ ⵢⴻⵃⵔⵉⵛⴻⵏ ⵏⵉⴹⴻⵏ.