ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴼⴽⴰ ⵓⵡⴰⵍⵉ ⵏ ⵍⴻⵣⵣⴰⵢⴻⵔ 25 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵙⵎ ⵍⴻⵣⵣⴰⵢⴻⵔ ⵖⴻⴼ ⵔⵔⴱⴻⵃ-ⵏⵏⴻⵙ ⵡⵉⵙ 7 ⴷⴻⴳ ⵜⴻⵍⵖⵓⵖⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⴼⴽⴰ ⵓⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ, ⴰⵔⵔⴰⵣ ⵏ 25 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵢⵉⵎⴰⵔⵉⵔⴻⵏ ⵏ ⵓⵙⵎ ⵍⴻⵣⵣⴰⵢⴻⵔ ⵖⴻⴼ ⵔⵔⴱⴻⵃ ⴰⵢ ⵔⴻⴱⵃⴻⵏ ⵜⴰⵍⵖⵓⵖⴰ ⵏ ⵍⴻⵣⵣⴰⵢⴻⵔ ⵉ ⵜⵉⴽⴽⴻⵍⵜ ⵜⵉⵙ 7. ⵜⴻⵍⵍⴰ-ⴷ ⵜⴼⵓⴳⵍⴰ (ⵃⴰⴼⵍ) ⵏ ⵜⵓⴽⵛⵉ ⵏ ⵡⴰⵔⵔⴰⵣ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔⵔ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.

ⴷⴻⴳ ⵜⴼⵓⴳⵍⴰ-ⴰ ⴰⵢⴷⴻⴳ ⵃⴻⴷⵕⴻⵏ ⴰⵟⴰⵙ ⵏ ⵡⵓⴷⵎⴰⵡⴻⵏ, ⴰⵎ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴷ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ, ⵎⵧⵀⴰⵎⴻⴷ ⵔⴰⵧⵓⵔⴰⵧⵓⴰ, ⵉⴳⴻⵔ-ⴷ ⵜⵉⵖⵔⵉ ⵓⵡⴰⵍⵉ ⵏ ⵜⵎⴰⵏⴻⵖⵜ, ⵉ ⵜⴻⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ ⴰⴽⴽⴻⵏ « ⴰⴷ ⵜⴽⴻⵎⵎⴻⵍ ⴷⴻⴳ ⵡⴻⴱⵔⵉⴷ-ⴰ ⵏ ⵔⵔⴱⴻⵃ » ⴰⵎⴰ ⴷⴻⴳ ⵜⵎⵓⵔⵜ, ⴰⵎⴰ ⴱⴻⵕⵕⴰ ⵉ ⵜⵎⵓⵔⵜ.

ⴷ ⵜⴰ ⴰⵢ ⴷ ⵜⴰⴼⵓⴳⵍⴰ ⵜⵉⵙ ⵙⵏⴰⵜ ⴰⵢ ⵜⴳⴰ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷ ⵜⴰⵊⵎⵉⵍⵜ ⵉ ⵜⴻⵖⵍⴰⵎⵜ ⵏ ⵜⵛⵉⵔⴹⴰⵔⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⵜⴰⴼⵓⴳⵍⴰ ⵜⴰⵎⴻⵣⵡⴰⵔⵓⵜ ⵜⴻⵍⵍⴰ-ⴷ ⵉ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵎⵛ ⵍⴻⵣⵣⴰⵢⴻⵔ, ⴽⵔⴰ ⵏ ⵍⴻⴷⵡⴰⵕ ⴰⵢⴰ, ⵉⵎⵉ ⴰⵢ ⵜⴻⵔⴱⴻⵃ ⵜⴰⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵉ ⵜⵉⴽⴽⴻⵍⵜ ⵜⵉⵙ 8.

ⵓⵇⴱⴻⵍ ⵎⴰ ⵢⴻⵎⵎⵓⴳⴻⵔ ⵎⴰⵙⵙ ⵣⵧⵓⴽⵀ ⵜⴰⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ, ⴳⴰⵏ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ-ⴰ ⵜⴰⵎⴻⵖⵔⴰ ⵖⴻⴼ ⵔⵔⴱⴻⵃ-ⵏⵙⴻⵏ. ⴷⴻⴼⴼⵉⵔ ⵢⵉⵡⴻⵜ ⵏ ⵜⵙⴻⵀⵕⴰ ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ ⵧⵎⴰⵔ-ⵀⴰⵎⵎⴰⴷⵉ ⵏ ⴱⵓⵍⵓⵖⵉⵏ, ⵜⴻⵔⴽⴻⴱ ⵜⴻⵖⵍⴰⵎⵜ ⵏ ⵓⵙⵎ ⵍⴻⵣⵣⴰⵢⴻⵔ ⴰⵖⴻⵔⵔⴰⴱⵓ ⵙⴻⴳ ⵓⵙⴰⴳⴻⵏ (ⵎⵉⵏⴰ’) ⵏ ⴵⵎⵉⵍⴰ (ⵍⴰ ⵎⴰⴷⵔⴰⴳⵓⴻ) ⵏ ⵄⵉⵏ ⵍⴱⴻⵏⵢⴰⵏ ⵖⴻⴼ ⵜⵉⵙ 5 ⵏ ⵜⵎⴻⴷⴷⵉⵜ ⴰⴽⴽⴻⵏ ⴰⴷ ⵜⴻⵣⴳⴻⵔ ⵜⴰⵎⴷⴰ ⵏ ⵍⴷⵣⴰⵢⴻⵔ.

ⴰⵃⴻⵡⵡⴻⵙ-ⴰ ⴰⵡⴻⵣⵍⴰⵏ ⴷⴻⴳ ⵢⵉⵍⴻⵍ ⴷ ⵡⵉⵏ ⵢⴻⴵⴵⴰⵏ ⵉⵎⴻⵣⴷⴰⵖⴻⵏ ⵏ ⵢⵉⵣⴻⵏⵇⴰⵏ ⵢⴻⵍⵍⴰⵏ ⵖⴻⴼ ⵢⵉⵔⵉ ⵏ ⵢⵉⵍⴻⵍ ⴰⴷ ⴹⴻⴼⵔⴻⵏ ⴰⵖⴻⵔⵔⴰⴱⵓ-ⵏⵏⵉ ⵢⴻⵔⵏⵓ ⴰⴷ ⵔⵔⴻⵏ ⵜⴰⵊⵎⵉⵍⵜ ⵉ ⵢⵉⵎⴰⵔⵉⵔⴻⵏ ⵏ ⵜⴻⵖⵍⴰⵎⵜ-ⴰ.

ⵎⵉ ⵡⵡⴹⴻⵏ ⵖⴻⵔ ⵓⵙⴰⴳⴻⵏ ⵏ ⵍⴻⵣⵣⴰⵢⴻⵔ ⵖⴻⴼ ⵜⵉⵣⵉ ⵏ ⵜⵉⵙ 7:30 ⵏ ⵜⵎⴻⴷⴷⵉⵜ, ⴷⴷⴰⵏ ⵢⵉⵎⴰⵔⵉⵔⴻⵏ ⵏ ⵓⵙⵎ ⵍⴻⵣⵣⴰⵢⴻⵔ ⵖⴻⵔ ⵜⴻⵙⵖⵉⵎⵜ ⵏ ⵜⵡⵉⵍⴰⵢⵜ ⴰⵏⴷⴰ ⴰⵢ ⵞⵞⴰⵏ ⵉⵎⴻⵏⵙⵙⵉ, ⵙⴰⴽⴽⵉⵏ ⴷⴷⴰⵏ ⵖⴻⵔ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⵏ ⴻⵍ ⴽⴻⵜⵜⴰⵏⵉ ⴰⵏⴷⴰ ⴰⵢ ⵃⴻⴷⵕⴻⵏ ⵜⴰⵙⴻⵀⵕⴰ ⵜⴰⵥⵓⵔⴰⵏⵜ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ-ⵏⵙⴻⵏ.