ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴱⵓⵕⵊ ⴱⵓⵄⵕⵉⵕⵉⵊ: ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵜⵖⴰⵡⵙⵉⵡⵉⵏ ⵏ ⵏⵏⴼⴻⵄ ⴰⵏⴰⴳⴷⵓⴷ
ⵍⴱⵓⵕⵊ ⴱⵓⵄⵕⵉⵕⵉⵊ – ⵢⴻⵏⵏⴰ-ⴷ ⵓⵡⴰⵍⵉ, ⴰⴱⴷⴻⵙⵙⴰⵎⵉⴻ ⵙⴰⵉⴷⵧⵓⵏ, ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵓⵔ ⵢⴻⵜⵜⵡⴰⵖⴻⵍⵍⵜⴻⵏ ⴷⴻⴳ ⵜⵖⵉⵡⴰⵏⵉⵏ ⵏ ⴱⴻⵍⵉⵎⵧⵓⵔ ⴷ ⵜⴰⴳⴰⵍⴰⵢⵜ, ⴷⴻⴳ ⵡⴻⵏⵥⵓⵍ (ⴵⴰⵏⵓⴱ) ⵏ ⵜⵡⵉⵍⴰⵢⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ, ⴰⴷ ⵜⴻⵏ-ⵢⴰⵡⵉ ⵓⵡⴰⵏⴰⴽ (ⴷⴰⵡⵍⴰ) ⴰⴽⴽⴻⵏ ⴰⴷ ⵜⴻⵏ-ⵢⴻⵙⵙⴻⵇⴷⴻⵛ ⵉ ⵏⵏⴼⴻⵄ ⴰⵏⴰⴳⴷⵓⴷ.
ⵙ ⵡⴰⵢⴰ, ⵢⴻⴼⴽⴰ ⵓⵡⴰⵍⵉ ⵍⴰⵎⴻⵕ ⴰⴽⴽⴻⵏ ⴰⴷ ⵜⵜⵡⴰⵖⴻⵍⵍⵜⴻⵏ ⵢⵉⵎⵓⴽⴰⵏ-ⴰ ⵢⴻⵔⵏⵓ ⴰⴷ ⵓⵖⴰⵍⴻⵏ ⴷ ⵜⵉⵣⴻⵖⵡⵉⵏ ⵏ ⵓⴷⴰⵡⵉ, ⵏ ⵣⵣⵀⵓ ⵏⴻⵖ ⵏ ⵡⴰⴷⴷⴰⵍ ⵉ ⵍⴼⴰⵢⴷⴰ ⵏ ⵢⵉⵍⴻⵎⵥⵉⵢⴻⵏ.
ⵉⵅⴻⴱⴱⴻⵔ-ⴷ ⴷⴰⵖ ⵓⵡⴰⵍⵉ ⴷⴰⴽⴽⴻⵏ ⴰⵎⵎⴰⵙ ⵏ ⵣⵣⵀⵓ ⵓⵙⵙⵏⴰⵏ ⴷ ⵡⴻⵅⵅⴰⵎ ⵏ ⵢⵉⵍⴻⵎⵥⵉⵢⴻⵏ ⵏ ⵜⴰⴳⴰⵍⴰⵢⵜ ⴰⴷ ⵜⵜⵡⴰⵜⴻⵡⵡⵍⴻⵏ ⵉ ⵍⴼⴰⵢⴷⴰ ⵏ ⵢⵉⵍⴻⵎⵥⵉⵢⴻⵏ, ⵢⴻⵔⵏⵓ ⵢⴻⵣⵎⴻⵔ ⴰⴷ ⵢⴻⵜⵜⵡⴰⵙⵜⴻⵏⵢⵉ ⵍⴻⵄⵇⴻⴷ ⴳⴰⵔ ⵡⴻⵃⵔⵉⵛ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴷ ⵡⵉⵏ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵉ ⵓⵙⵙⵉⵍⴻⵖ ⵏ ⵢⵉⵍⴻⵎⵥⵉⵢⴻⵏ ⵏ ⵜⴻⵎⵏⴰⴹⵜ-ⴰ.
ⵉⴳⴻⵔ-ⴷ ⵜⵉⵖⵔⵉ ⵎⴰⵙⵙ ⵙⴰⵉⴷⵧⵓⵏ ⵉ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵍⴻⴱⵏⵉ ⵏ ⵜⵖⵉⵡⴰⵏⵉⵏ ⵉⵅⵓⵚⵚⴻⵏ ⴰⴽⴰⵍ ⴰⴽⴽⴻⵏ ⴰⴷ ⴼⴽⴻⵏ ⵜⵜⴻⵙⵔⵉⵃ ⵉ ⵍⴻⴱⵏⵉ ⵏ ⵍⴱⴻⵏⵢⴰⵏⴰⵜ ⵄⵍⴰⵢⴻⵏ.
ⵢⵓⵎⴻⵕ ⴷⴰⵖ ⵓⵏⴻⵖⵍⴰⴼ ⵜⵉⵕⵎⵉⵙⵉⵏ ⵏ ⵍⴻⴱⵏⵉ ⴰⴽⴽⴻⵏ ⴰⴷ ⵇⴰⴷⵔⴻⵏⵜ ⴰⴽⵓⴷ ⴰⵢ ⴰⵙⴻⵏⵜ-ⵢⴻⵜⵜⵓⵏⴻⴼⴽⴻⵏ ⵉ ⵢⵉⵙⴻⵏⴼⴰⵔⴻⵏ-ⵏⵙⴻⵏⵜ, ⴰⵎ ⵡⴰⴽⴽⴻⵏ ⴰⵢ ⵢⵓⵎⴻⵕ ⵜⵉⵏⴰⵔⵉⵢⵉⵏ (ⵎⴰⴽⴰⵜⵉⴱ) ⵏ ⵡⴻⵣⵔⴰⵡ ⴰⴽⴽⴻⵏ ⴰⴷ ⵜⵜⴹⴰⴼⴰⵔⴻⵏⵜ ⵡⴰⵔ ⴰⵃⴱⴰⵙ, ⵢⴻⵔⵏⵓ ⵙ ⵓⴷⴻⵇⵇⴻⵇ, ⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⴰⴽⴽⴻⵏ ⴰⴷ ⴹⴻⵎⵏⴻⵏ ⵜⴰⵖⴰⵔⴰ (ⵏⴰⵡⵄⵉⵢⵢⴰ) ⵏ ⵍⴱⴻⵏⵢⴰⵏⴰⵜ, ⵍⴰⴷⵖⴰ ⵉⵖⴻⵔⴱⴰⵣⴻⵏ ⴷⴻⴳ ⵡⴰⴽⵓⴷ ⴰⵢⴷⴻⴳ 3 ⵏ ⵜⴻⵙⵏⴰⵡⵉⵢⵉⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⵖⵉⵡⴰⵏⵉⵏ ⵏ ⵍⵄⴻⵏⵚⴻⵔ, ⴱⴻⵍⵉⵎⵧⵓⵔ ⴷ ⴱⵓⵕⴵ ⵖⴷⵉⵔ.
ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵡⵓⴼⵔⵉⵏⴻⵏ ⵉⴷⵉⴳⴰⵏⴻⵏ ⵏ ⵜⵖⵉⵡⴰⵏⵉⵏ ⴰⴽⴽⴻⵏ ⴰⴷ ⵙⵕⴻⵛⴷⴻⵏ ⴰⵚⴻⵔⵔⴻⴼ ⵏ ⵢⴻⴷⵔⵉⵎⴻⵏ ⵢⴻⵔⵏⵓ ⴰⴷ ⵙⵙⴻⵃⴱⵉⴱⵔⴻⵏ ⵖⴻⴼ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ ⵢⴻⵜⵜⵡⴰⵅⴷⴰⵎⴻⵏ ⵉ ⵍⴼⴰⵢⴷⴰ ⵏ ⵢⵉⵖⴰⵔⵉⵎⴻⵏ (ⵎⵓⵡⴰⵟⵉⵏⵉⵏ).
