ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴽⴰⵙⵉ ⴷⴻⴳ ⵄⴻⵏⵏⴰⴱⴰ ⵖⴻⴼ ⵡⴻⴽⵛⴰⴼ ⴰⵣⵉⴽⴰⵏ ⴷ ⵡⴻⴱⴷⴰⴷ ⵉ ⵜⵎⵓⴹⵉⵏⵉⵏ ⵏ ⵓⴽⴻⵏⵙⵉⵔ ⵏ ⵢⴻⴷⵎⴰⵔⴻⵏ

ⵄⴻⵏⵏⴰⴱⴰ– ⴰⵙⵙ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵡⴰⵎⵎⴰⵙ ⵏ ⵓⴷⴰⵡⵉ ⵏ ⵓⴽⴻⵏⵙⵉⵔ ⵏ ⵄⴻⵏⵏⴰⴱⴰ, ⴳⴰⵏ-ⵜ ⵉ ⵡⴻⵙⴽⴰⵙⵉ ⵖⴻⴼ ⵡⴻⴽⵛⴰⴼ ⴰⵣⵉⴽⴰⵏ ⴷ ⵡⴻⴱⴷⴰⴷ ⴰⵙⵏⴰⴼⵙⵉ (ⵏⴰⴼⵙⴰⵏⵉ) ⵉ ⵜⵎⵓⴹⵉⵏⵉⵏ ⵢⵓⴹⵏⴻⵏ ⴰⴽⴻⵏⵙⵉⵔ ⵏ ⵢⴻⴷⵎⴰⵔⴻⵏ.

ⴰⵎⵢⴰⴳⴻⵔ-ⴰ ⴰⵢⴷⴻⴳ ⵃⴻⴷⵕⴻⵏ ⵢⵉⵎⵓⴹⵉⵏⴻⵏ ⴷ ⵡⴰⵢⵜ ⵜⵡⴰⵛⵓⵍⵉⵏ-ⵏⵙⴻⵏ, ⴷ ⵡⵉⵏ ⴰⵢⴷⴻⴳ ⵜⵜⴻⴽⴽⴰⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴷⴻⴳ ⵓⴷⴰⵡⵉ ⵏ ⵓⴽⴻⵏⵙⵉⵔ ⴷ ⵢⵉⵎⴻⵙⵏⴰⴼⵙⵉⵢⴻⵏ, ⵢⴻⵔⵏⵓ ⵃⴻⵜⵜⴻⵜⴻⵏ-ⴷ ⴷⴻⴳ-ⵙ ⴰⴽⴽⴻⵏ ⴰⴷ ⵜⵜⵃⴻⵣⵣⵉⴱⴻⵏ ⵎⴻⴷⴷⴻⵏ ⵢⴻⵔⵏⵓ ⴰⴷ ⵙⵙⵏⴻⵏ ⴰⵣⴰⵍ ⵏ ⵡⴻⴽⵛⴰⴼ ⴰⵣⵉⴽⴰⵏ ⵏ ⵓⴽⴻⵏⵙⵉⵔ ⴷ ⴷⴷⵓⵕ ⵏ ⵡⴰⵢⴰ ⴷⴻⴳ ⵓⴷⴰⵡⵉ ⵏ ⵡⴰⴹⴹⴰⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴷⵓⴽⵜⵓⵔⵜ ⵀⴰⵏⴰⵏⴻ ⴷⵊⴻⴷⴷⵉ, ⵜⵉⵖⴻⴼⵜ ⵏ ⵓⵎⴻⵥⵍⵓ ⵏ ⵓⴷⴰⵡⵉ ⵏ ⵓⴽⴻⵏⵙⵉⵔ ⴷⴻⴳ ⵄⴻⵏⵏⴰⴱⴰ.

ⵉⵙⵡⵉ ⵏⵉⴹⴻⵏ ⵏ ⵜⵜⵉⵄⴰⴷ-ⴰ ⵓⵙⵙⵏⴰⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴷ ⴰⵙⵃⵓⵍⴼⵓ ⵏ ⵢⵉⵎⵓⴹⵉⵏⴻⵏ ⴷ ⵜⵡⴰⵛⵓⵍⵉⵏ-ⵏⵙⴻⵏ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⴷⴰⵡⵉ ⵏ ⵜⵏⴻⴼⵙⵉⵜ ⵏ ⵜⵎⵓⴹⵉⵏⵉⵏ ⵢⴻⵙⵄⴰⵏ ⴰⴽⴻⵏⵙⵉⵔ ⵏ ⵢⴻⴷⵎⴰⵔⴻⵏ, ⵍⴰⴷⵖⴰ ⵜⵉⵙⴻⴷⵏⴰⵏ ⵓⵎⵉ ⴱⴱⵉⵏ ⵉⴼⴻⴼ.

ⴷⴻⴳ ⵜⵏⴻⵎⵙⴰⵍ (ⵡⴰⵔⴰⵛⴰⵜ) ⵏ ⵡⴻⵎⴱⴰⴷⴷⴻⵍ ⴳⴰⵔ ⵢⴻⵎⵙⵓⵊⵊⵉⵢⴻⵏ ⴷ ⵢⵉⵎⵓⴹⵉⵏⴻⵏ, ⵙⵙⴰⵡⵍⴻⵏ-ⴷ ⴰⵟⴰⵙ ⵢⵉⵎⵓⴹⵉⵏⴻⵏ ⵖⴻⴼ ⵜⴻⵎⵙⴰⵍⵜ ⵏ ⵡⴻⴽⵛⴰⴼ ⴰⵣⵉⴽⴰⵏ, ⵜⵉⵜⵡⵉⵍⵉⵏ (ⵜⵉⵇⵏⵉⵢⵢⴰⵜ) ⵏ ⵓⴷⴰⵡⵉ ⴷ ⵜⵓⴷⴻⵔⵜ ⴷⴻⴼⴼⵉⵔ ⵜⵓⴽⴽⵙⴰ ⵏ ⵢⵉⴼⴻⴼ.

ⴰⵎⵎⴰⵙ ⵏ ⵓⴷⴰⵡⵉ ⵏ ⵓⴽⴻⵏⵙⵉⵔ ⵏ ⵄⴻⵏⵏⴰⴱⴰ ⵜⵜⴷⴰⵡⵉⵏ ⴷⴻⴳ-ⵙ 2.500 ⵏ ⵢⵉⵎⵓⴹⵉⵏⴻⵏ, 40% ⴷⴻⴳ-ⵙⴻⵏ ⴷ ⵜⵉⵎⵓⴹⵉⵏⵉⵏ ⵢⴻⵙⵄⴰⵏ ⴰⴽⴻⵏⵙⵉⵔ ⵏ ⵢⴻⴷⵎⴰⵔⴻⵏ.