ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⵉⵡⴻⵏ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵙⵙⴻⵍⵡⵉ ⴰⵙⵙ ⵏ ⵜⵜⵍⴰⵜⴰ-ⴰ ⴷⴻⴳ ⵜⵎⴰⵏⴻⵖⵜ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ.
ⴷⴷⴻⵇⵙ ⵏ ⵢⵉⵙⴻⵏⴼⴰⵔⴻⵏ ⵏ ⵓⵚⴰⴹⵓⴼ ⴰⴽⴽⴻⴷ ⵢⵉⴽⴰⵔⴰⵎⴻⵏ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵇⵔⴰⵏ, ⵉⵛⵓⴷⴷⴻⵏ ⵖⴻⵔ ⵜⵙⴻⵔⵜⵉⵜ, ⵖⴻⵔ ⵜⵎⴻⵜⵜⵉ ⴰⴽⴽⴻⴷ ⵜⴷⴰⵎⵙⴰ, ⵉ ⵢⴻⵔⵙⴻⵏ ⴷⴻⴳ ⵡⴰⵀⵉⵍ ⵏ ⵓⵎⴰⵀⵉⵍ ⵏ ⵜⴻⵎⵍⵉⵍⵉⵜ-ⴰ.
ⵜⵉⵎⵍⵉⵍⵉⵜ-ⴰ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ, ⴷ ⵜⴰⵎⴻⵣⵡⴰⵔⵓⵜ ⵙⴻⴳ ⵜⴻⵜⵜⵡⴰⵛⴻⴳⴳⴻⵔ ⵜⵎⴻⵏⴹⴰⵡⵜ ⴰⵙⵙ ⵏ 7 ⴼⵓⵔⴰⵔ ⵢⴻⵣⵔⵉⵏ, ⵜⴻⵔⵣⴰ ⴷⴰⵖⴻⵏ ⴰⵙⵄⴻⴷⴷⵉ ⵏ ⴷⴷⴻⵇⵙ ⵏ ⵢⵉⵚⴰⴹⵓⴼⴻⵏ ⵉⴳⵎⴰⵏⴰⵏⴻⵏ ⵏ ⵜⴻⴼⵔⴰⵏⵜ, ⵏ ⵜⵙⵓⴷⵓⵜ ⵜⴰⵏⴰⴼⴻⵍⵍⴰ ⵏ ⵜⵄⴻⵙⵙⴰⵙⵜ ⵏ ⵜⴻⴼⵔⴰⵏⵉⵏ ⴰⴽⴽⴻⴷ ⵓⵙⵡⵓⵔⵉ ⵏ ⵙⵏⴰⵜ ⵜⴻⵅⵅⴰⵎⵉⵏ ⵏ ⵓⵎⵏⵉ.
ⵜⵉⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⴷ ⵢⴻⵙⵙⴻⴽⵢⴻⴷ ⴷⴰⵖⴻⵏ ⵜⵉⵏⴰⴹⵉⵏ ⵜⵉⵙⴻⵍⵡⴰⵢⴰⵏⵉⵏ ⵢⴻⵔⵣⴰⵏ ⵉⵎⵜⴰⵡⴰⵢⴻⵏ ⵏ ⵓⵏⴰⴷⵉ ⴰⴽⴽⴻⴷ ⵜⴰⵎⴻⴷⵜ ⵏ ⵓⵒⵉⵟⵔⵓⵍ ⴰⴽⴽⴻⴷ ⵓⵙⴻⵏⴼⴰⵔ ⵏ ⵓⵎⵜⴰⵡⴰ ⵏ ⵢⵉⵎⵓⵀⴰⵍ ⵏ ⵓⵀⴻⵢⵢⵉ ⵏ ⵓⵎⴹⵉⵇ ⵏ ⵜⴻⵎⴷⵉⵏⵜ ⵜⴰⵎⴰⵢⵏⵓⵜ ⵏ ⵙⵉⴷⵉ ⴰⴱⴷⴻⵍⵍⴰⵀ.
